Որեւէ ճնշում, թէ պէտք է ճանաչւի այս կամ այն հանրապետութիւնը, որ Ռուսաստանը ճանաչեց, ինքնին օրակարգի հարց չի կարող լինել Հայաստանի համար մինչեւ այն ժամանակ, որ Արցախի ճանաչումը չէ տրւած եւ մինչեւ այն ժամանակ, որ Ռուսաստանն ինքն էլ չի ընդունած, որ նոյն իրաւունքը կը վայելէ նաեւ Արցախը. ասաց ՀՅԴ Բիւրոյի ներկայացուցիչ Յակոբ Տէր-Խաչատուրեանը Հայ Յեղափոխական Դաշնակցութեան 34-րդ Ընդհանուր ժողովի բացման պաշտօնական արարողութեան ժամանակ լրագրողների հետ զրոյցում։
«alikonline.ir» - Որեւէ ճնշում, թէ պէտք է ճանաչւի այս կամ այն հանրապետութիւնը, որ Ռուսաստանը ճանաչեց, ինքնին օրակարգի հարց չի կարող լինել Հայաստանի համար մինչեւ այն ժամանակ, որ Արցախի ճանաչումը չէ տրւած եւ մինչեւ այն ժամանակ, որ Ռուսաստանն ինքն էլ չի ընդունած, որ նոյն իրաւունքը կը վայելէ նաեւ Արցախը. ասաց ՀՅԴ Բիւրոյի ներկայացուցիչ Յակոբ Տէր-Խաչատուրեանը Հայ Յեղափոխական Դաշնակցութեան 34-րդ Ընդհանուր ժողովի բացման պաշտօնական արարողութեան ժամանակ լրագրողների հետ զրոյցում։
Այս ուղղութեամբ որոշ զգուշաւորութիւնը նա ընդունելի է համարում։
Ռուսաստան-Արեւմուտք կոնֆլիկտի փուլում Հայաստանի լռութիւնը նրա համար որոշ չափով հասկանալի է այն իմաստով, որ իսկապէս իրավիճակը պայթիւնավտանգ է։
«Ուկրայինայի հարցով Ռուսաստան-Արեւմուտք ընդհարումը լաւ նախատեսութիւններ չի ներկայացնում նաեւ տարածաշրջանի պարագայում, որովհետեւ մենք լաւ գիտենք, որ թուրքերն ու ադրբեջանցիներն իրենց պատմութեան երկար փորձութիւնից ելնելով, մանաւանդ թուրքերի պարագայում, միշտ փորձել են օգտագործել առիթներ, որպէսզի մեր տարածաշրջանի եւ մանաւանդ Հայաստանի նկատմամբ ախորժակներն աւելի սրեն, երբ կան միջազգային կոնֆլիկտներ, որոնց մէջ տարածաշրջանային գերուժները զբաղած են։ Եւ այս ուղղութեամբ շատ մտահոգ ենք, որ ինչ էլ լինի այս կոնֆլիկտի ելքը, մենք կարող ենք ունենալ հարւածներ եւ անսպասելի երեւոյթներ Հայաստանի համար մեր դարաւոր թշնամու՝ Թուրքիայի եւ Ադրբեջանի կողմից»,- ասաց Յակոբ Տէր-Խաչատուրեանը։
Նա կարեւորեց, որ մենք ազգովի աշխատենք, ոչ միայն ՀՀ կառավարութիւնը։
