Հա

Ազգային

27/04/2022 - 13:30

Սկսե՞լ է

«Զարթիր լաօ» իմաստալից նշանաբանի կողքին այս օրերին շատ ենք հանդիպում նաեւ «սկսել է» նշանաբանին ու հարց է առաջանում արդեօք իրապէս «սկսե՞լ է»: Շատեր այս հարցը ուղղում են ընդիմութեան ղեկավարներին ու յատկապէս Դաշնակցութեանը իբրեւ այդ ընդիմութեան գաղափարական ողնաշարը: Իրապէս սկսե՞լ է, թէ սա եւս մի քանի ժամանակ անց կը մարի հայրենիքի փրկութեան շարժման պէս:

ԶԱՐԵՀ ԱՃԷՄԵԱՆ

 

Ապրիլի 13-ին Հայաստանի Ազգային Ժողովի իր ելոյթում կատարած յայտարարութիւններով Նիկոլ Փաշինեանը այլեւս բացայայտ դարձրեց մի քանի իրողութիւններ որոնց մասին ընդիմութիւնը ամիսներ առաջուանից բարձրաձայնում էր: Նորանոր զիջումներ, Արցախը Ազրբէյջանի կազմում ընդունել, պատերազմի եւ հազարաւոր կորուստների կանխման կարելիութիւնը եւ այն իրողութիւնը, որ այս իշխանութիւնները քայլ առ քայլ Հայաստանն ու իր պետականութիւնը տանում եմ ամբողջական պարտութեան եւ մեր պատմական իրաւունքները զիջելու ամէն պատրաստակամութիւն ունեն արդէն պարզ դարձան վարչապետի հենց իր վկայութեամբ «խոստովանութիւն»ներում:

Նման յայտարարութիւնների տրամաբանական հետեւանքը պիտի լիներ այն, որ ժողովուրդը պէտք է օրը չվերջացած բողոքի ու համաժողովրդական անհնազանդութեան միջոցառումներով վերջ տար ապազգային կառավարութեան կեանքին: Սակայն մենք արդէն 2018-ից վարժուել ենք անտրամաբանական հետեւանքների ու ու ժողովրդական անբնական հակազդեցութիւնների ամբողջ շարանի:

Ակնկալուող ժողովրդական բողոքի ալիքը չբարձրացաւ 2020 թուականի նոյեմբերեան կապիտուլացիայի յայտարարութիւնից յետոյ: Դեռ աւելին ժողովրդական դժգոհութիւնը իրեն չդրսեւորեց 2021ի Յունիսի ընտրութիւններին երբ այն կարող էր ամենայ քաղաքակիրթ պայմաններում դրսեւորուել նուազագոյն վնասը պատճառելով մեր պետականութեան:

Թէ 2020-ի Հայրենիքի փրկութեան շարժման ժամանակ եւ թէ 2021-ի ընտրութիւններին մեր ժողովուրդը թէ Հայաստանում եւ թէ սփիւռքում իր մեծամասնութեամբ որոշեց լուռ մնալ: Որոշեց դեռ նոյնքան մեղադրել «նախկիններին» որքան մեղադրում է «նորերին» ու այդպիսով երբ մեր հազարաւոր նահատակների թափած արիւնը դեռ թարմ էր Հայաստանի ու Արցախի գիւղերում ու քաղաքներում, որոշեց չմասնակցել ոչ ամենօրեայ կայացող ցոյցերին, ոչ էլ խորհրդարանական ընտրութիւններին:

Միւս կողմից շատերը մեղադրում են ընդիմութեանը, որ չի կարողանում համախմբել ժողովրդին եւ չի յաջողում միասնական ճակատ ստեղծելով ուժի օրէնքով վերջ տալ այս իշխանութիւններին: Այս հատուածը նաեւ մեղադրում է ընդիմութեան եւ յատկապէս նրա ղեկավարութեանը վճռական կամ կտրուկ քայլեր չառնելու համար:

Այս ճակատագրական օրերին երբ մեր ժողովուրդը իր Ապրիլեան հաւաքներով Հայաստանից մինչեւ սփիւռք մի անգամ եւս հաստատեց իր հաւատարմութիւնը իր ազգային իդէալներին դարձեալ ընդիմութիւնը վերսկսելէ ժողովրդին կազմակերպելու իր աշխատանքը:

«Զարթիր լաօ» իմաստալից նշանաբանի կողքին այս օրերին շատ ենք հանդիպում նաեւ «սկսել է» նշանաբանին ու հարց է առաջանում արդեօք իրապէս «սկսե՞լ է»: Շատեր այս հարցը ուղղում են ընդիմութեան ղեկավարներին ու յատկապէս Դաշնակցութեանը իբրեւ այդ ընդիմութեան գաղափարական ողնաշարը: Իրապէս սկսե՞լ է, թէ սա եւս մի քանի ժամանակ անց կը մարի հայրենիքի փրկութեան շարժման պէս:

Թէ ընդիմութեան ղեկավարները ինչպէ՞ս պէտք է պատասխանեն այս հարցին երկրորդական է: Հարցադրումը ոչ թէ պէտք է գայ ժողովրդից ուղղուած ղեկավարներին, այլ պէտք է ուղղուած լինի մեր հաւաքական ինքնագիտակցութեանը իբրեւ ազգ եւ իբրեւ պետականութեան արժանի ժողովուրդ:

Ժամանակն է իւրաքանչիւրս հայելու մէջ նայելով ինքներս մեզ հարց տանք «սկսե՞լ է»:

Մինչեւ այն ժամանակ որ իւրաքանչիւրս Հայաստանում կամ արտերկրում չորոշենք մասնակցել համաժողովրդական շարժմանը ոչ մի ակնկալիք կարող ենք ունենալ այս կամ այն քաղաքական ուժից:

Բոլորին յայտնի է որ Դաշնակցութիւնը մինչեւ վերջ մնալու է հրապարակում, դա է թելադրում ՀՅԴ գաղափարական ու քաղաքական ինքնութիւնը, որը անփոփոխ է մնալու, դա է ապացուցում դաշնակցութեան ողջ պատմութիւնն ու յատկապէս վերջին տարիների ժողովրդահաճոյ հոսանքի դէմ գնալը, սակայն ժողովուրդը պատրա՞ստ է նոյն վճռակամութեամբ քայլ պահել երկարաշունչ պայքարին: Եթէ իւրաքանչիւրս պատրաստ ենք այո ասել այս հարցումին ապա կարող ենք վստահանալ, որ «Սկսել է»:

Oragark.com

 

Յարակից լուրեր

  • Սա ոչ այլ ինչ է քան պետականութեան անկում
    Սա ոչ այլ ինչ է քան պետականութեան անկում

    Արդէն գիտէինք, որ Հայաստանը ղեկավարւում է մի անձի միջոցով, որ նստած վարչապետի աթոռին իր սեփական քմահաճոյքին բաւարարութիւն տալու համար պատրաստ է առանց տատամսելու զիջել պետականութեան, երկրի, եւ ժողովրդի շահերը: Սակայն երբ անձնական բարդոյթներին յագուրդ տալու մոլուցքը հասնում է այն աստիճան, որ անձնական վրէժխնդրութեան համար, արգիլւում է հայի մուտքը Հայաստան, դա արդէն նոր անմակարդակութեան է հասցնում այս ապիկար իշխանութիւնների փոքրոգիութեան սահմանները:

  • Սա պարզունակութեան հետեւանք չէ
    Սա պարզունակութեան հետեւանք չէ

    Երբ իշխող ուժը երկրի ճգնաժամային օրերին սկսում է իրական կեանքի պահանջներից կտւած ու ամբողջութեամբ առաջնահերթութիւն չունեցող հարցեր առաջ քաշել, շատերի մօտ տպաւորութիւն է ստեղծում որ իշխանութիւնները անփորձ ու պարզունակ են: Ամէն օր երկրի հողերի մի մասը կորցնող, բանակ ունենալուց փաստօրէն զրկւած ու ԱԺ նիստերը կաթւածահար դարձած երկրի համար այլապէս ինչպէս պէտք է բացատրել ճաշարաններում աղամանի գործածութեան կամ նմանատիպ անկարեւոր հարցերի մասին օրէնքներ անցկացնելն ու գործադրութեան յանձնելը:

  • Հայկական արբանեա՞կ թէ քարոզչական դոպինգ
    Հայկական արբանեա՞կ թէ քարոզչական դոպինգ

    Մայիս 26-ի կառավարութեան նիստում վարչապետը յայտարարեց, որ «Հայաստանը տիեզերք է արձակել իր առաջին արբանեակը»: Սոյն յայտարարութիւնը ցանկացած հայի համար ուրախութեան եւ հպարտութեան առիթ է հանդիսանում առաջին պահին, սակայն նկատի ունենալով «Փաշինեանական» գործօնի առկայութիւնը կամաց-կամաց խանդավառութեանը սկսեց փոխարինւել մի այլ յուսախաբութեան:

  • Ապրիլ 24ը եւ բոլշեւիկեան օրացոյցի վախճանը
    Ապրիլ 24ը եւ բոլշեւիկեան օրացոյցի վախճանը

    107 տարի առաջ իրագործուած անմարդկային ոճիրը դեռեւս մնում է անհատոյց եւ անպատիժ:

    Այսօր երբ ականատես ենք թէ ինչպէս մարդկային ոճիրները մէկը միւսի հետեւից կրկնւում ու անպատիժ են մնում թերեւս աւելի հասկանալի է դառնում թէ հարիւր տարի առաջ մեր ժողովրդին պատահածի համար ինչ գերմարդկային ու հաւաքական հսկայ ներդրում է պէտք որպէսզի դա եւս չթաղուի պատմութեան էջերում իբրեւ պատմական մի դէպք:

  • Համապատասխան հակազդեցութիւնը
    Համապատասխան հակազդեցութիւնը

    Դաշնակցութեան մայիս 23-ի կազմակերպած հանրահաւաքը Երեւանի Ազատութեան Հարապարակում մէկ անգամ եւս առիթ դարձաւ, որ հասարակական ցանցերի վրայ հակադաշնակցական մոլուծքով տառապողների յղումների լայն արշաւ վերսկսի: Արշաւ (որ սկսեց Հայաստանի քաղաքական նոր ղեկավարութեան ծնունդով եւ կամաց-կամաց գնում էր միանալու տասնամեակների հակադաշնակցական նմանատիպ արշաւներին ու պատմութեան գիրկն անցնելուն) դարձեալ սկսեգ ակտիւանալ հասարակական բոլոր ցանցերում եւ ի մասնաւորի Ֆէյսբուքեան յարթակի վրայ, այս անգամ անցնելով բարոյական նոր սհմաններ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։