Հա

Ազգային

30/04/2022 - 12:55

Հայոց Ցեղասպանութիւնը

Անլուր տառապանք է կրել հայ ժողովուրդը, թուրքական բիրտ լծի ներքոյ իր հայրենիքում՝ Արեւմտեան Հայաստանում:

Աւելի քան 600 տարի, նա շատ մօտկից զգացել է օսմանեան աւազակային պետութեան սարսափներն ու բռնութիւնները, բայց այն ինչ բաժին ընկաւ մեր ժողովրդին, Ա. Համաշխարհային պատերազմի տարիներին իր նախադէպը չի ունեցել թէ՛ մեր ժողովրդի պատմութեան, եւ թէ՛ մարդկային պատմութեան մէջ, որի 107-րդ տարելիցը լրացել է 2022 թ.-ին:

ԹԱԹՈՒԼ ՕՀԱՆԵԱՆ

 

Անլուր տառապանք է կրել հայ ժողովուրդը, թուրքական բիրտ լծի ներքոյ իր հայրենիքում՝ Արեւմտեան Հայաստանում:

Աւելի քան 600 տարի, նա շատ մօտկից զգացել է օսմանեան աւազակային պետութեան սարսափներն ու բռնութիւնները, բայց այն ինչ բաժին ընկաւ մեր ժողովրդին, Ա. Համաշխարհային պատերազմի տարիներին իր նախադէպը չի ունեցել թէ՛ մեր ժողովրդի պատմութեան, եւ թէ՛ մարդկային պատմութեան մէջ, որի 107-րդ տարելիցը լրացել է 2022 թ.-ին: Արդեօք ճիշտ է, 107 տարի է անցել Հայոց Ցեղասպանութեան թւականից, բազմաթիւ անուրանալի փաստերի եւ նիւթերի հիման վրայ կատարւած ուսումնասիրութիւնները ցոյց են տալիս, որ Հայոց Ցեղասպանութիւնն ունի 600 տարւայ անցեալ եւ գործադրւել է երեք փուլերով:

Առաջին փուլը, որ տեւել է 500 տարի սկսւել է 13-րդ դարից, երբ թուրքական ցեղերը գրաւելով հայոց հայրենիքը, գործադրել եւ կենսագործել են հայի ոչնչացնելու ծրագիրը հետեւալ ձեւերով.

ա. Հայ ժողովրդի ձուլում, թուրքացնելու միջոցով

բ. Երկրից արտաքսում, որով արտաքսւածները դատապարտւած էին ձուլման

գ. Մասնակի եւ զանազան ձեւերի ջարդեր ու սպանութիւններ:

Այս նպատակի իրականացման համար մշակել էին քաղաքական, տնտեսական, կրօնական ու ազգային դժոխային մարտավարութիւն, ինչպէս օրինակ հարստահարութեան եւ կրօնափոխութեան ճնշումներ, ինչպէս նաեւ սպիտակ ջարդ, ցեղասպանութիւն ու արտաքսումներ:

19-րդ դարի վերջերին համոզւելով, որ հայ ժողովրդին ձուլելու, Հայաստանը հայաթափելու իրենց այս ծրագիրը էֆեկտիւ չէ եւ սպասւած արդիւնքը չի տալիս, թուրքերը անցնում են երկրորդ փուլին՝ հայերին ֆիզիկապէս ոչնչացման, որն սկսւում է 1890-ական թւականից Աբդուլ Համիդի ձեռքով 1894-96 թւականներին, որոնցում զոհւեցին 300,000 անմեղ հայեր, եւ որն շարունակւեց մինչ 1990 թւականը, (Բաքւի, Սումգայթի, Կիրովաբադի ջարդերը):

Երրորդ փուլը 1915 թ.-ի Հայոց Ցեղասպանութիւնն էր, որին զոհ գնացին 1.500.000-ից աւելի հայեր եւ մնացեալն էլ ցրւեցին ի Սփիւռս աշխարհի, բացի նշեալ մարդկային վնասներից, մեր ժողովուրդը ձեռքից տւեց բազմամիլիոն հաստատութիւն, շարժական եւ անշարժ գոյքեր, ինչպէս նաեւ քանդւեցին մեր մշակութային գոհար հանդիսացող կոթողներ, եկեղեցիներ, բերդեր, կամուրջներ, խաչքարեր եւ այլն եւ ամենից կարեւորը՝ Հայաստանը դատարկւեց իր բնիկ տիրոջից եւ հայը դարձաւ աշխարհացրիւ, ենթակայ ձուլման վտանգին:

Ըստ 1882 թ.-ի Թուրքիայի պաշտօնական մարդահամարի՝ Թուրքիայում ապրել են 2.660.000 հայեր: Արդ, եթէ նկատի ունենանք, որ իւրաքանչիւր ժողովուրդ բնական պայմաններում իր թւաքանակը ամէն 30 տարին մէկ՝ կրկնակի է դառնում այդ թւաքանակը, հետեւաբար եթէ Հայոց Ցեղասպանութիւնը տեղի չունենար, կարելի է ճշգրիտ հաշւարկով պարզել, թէ այսօր մենք մեր Արեւմտեան Հայաստանում քանի միլիոն հայութիւն պիտի ունենայինք:

Այժմ տեսնենք ինչ պատճառով էր տեղի ունենում այս ամէն անմարդկային ընթացքն ու սարսափելի ոճիրները: 20-րդ դարի սկզբից ձեւաւորւում է Աֆրիկայից մինչեւ Չինաստան, Չինաստանից մինչեւ սառուցեալ ովկիանոս սփռւած թուրքալեզու ժողովրդների ազգային գաղափարախօսութիւն՝ «պանթուրքիզմ»-ը, որի նպատակն էր մեծ թուրանի ստեղծման իրագործումն երեք փուլերով.

1-Թուրքիայի թուրքացում՝ քրիստոնեաների եւ ի մասնաւորի հայերի ոչնչացմամբ:

2-Օղուզական պետութեան ստեղծում՝ Թուրքիայի, Ադրբեջանի, Պարսկաստանի Ատրպատականի եւ Թուրքմենստանի մասնակցութեամբ:

3-Մեծ թուրանի պետութեան ստեղծում: Այս ծրագրով, արեւմտահայութեան անմիջական ոչնչացումը պիտի կատարէր Թուրքիան, իսկ արեւելահայութեանը՝ Ադրբեջանի օժանդակութեամբ: Այսպիսով յանուն թուրք ժողովրդի նոր հայրենիքի եւ մեծ թուրանի ստեղծման, պէտք է ոչնչացւէր հայ ժողովուրդը:

Դժբախտաբար, այսօր մի շարք միամիտ, ինչպէս նաեւ թուրքամոլ, հայեր համոզւած են, որ ներկայի թուրքիայի կառավարիչները նման չեն նախկիններին եւ նրանք այլեւս չեն առնչւում «պանթուրքիզմ»-ի գաղափարախօսութեանը: Այս մօտեցումներն ունեցողները չարաչար սխալւում են, քանզի այսօր էլ ներկայի Թուրքիայի իշխանաւորների հոգում եւ մտքում դաջւած են «պանթուրքիզմ»-ի սկզբունքները, որոնց հիման վրայ իրականացրել են 1988-1990 թւականների Բաքւի, Սումգայթի, Կիրիովաբադի եւ այլնի հայոց սպանդը, հայաթափել են Նախիջեւանը, 44-օրեայ պատերազմով գրաւել են թէ՛ Արցախի Հանրապետութեան տարածքների երկու երրորդը, եւ թէ՛ ՀՀ-ի ճանապարհներ ու տարածքներ, երկար տարիներ շրջափակել են ՀՀ-ը, ուրացել եւ ուրանում են Հայոց Ցեղասպանութեան անհերքելի փաստը, հակառակ միջազգային օրէնքների եւ կնքւած եռակողմ պայմանագրի, չեն վերադարձնում հայ գերիներին, ամենուրեք հայատեաց քաղաքականութիւն են իրականացնում, թուրքիայի արտաքին գործոց նախարարը, Ուրուգւայում հայ ցուցարարներին, ի նշան իր ազգայնամոլ համոզումների, թուրքիայի գորշ գայլերի ռասիստ կազմակերպութեան նշանն է ցոյց տալիս, Ալիեւը բացէ ի բաց եւ անամօթաբար յայտարարում է, թէ Սիւնիքը, Երեւանը եւ Սեւանը, Ադրբեջանի պատմական տարածքներն են: Միւս կողմից ինչպէս չյիշել թուրքիայի ոտնձգութիւնները Կիպրոսում, Լիբիայում, Սիրիայում, Իրաքում եւ միջերկրական ծովում եւ վերջապէս թուրքիոյ վերնախաւը չի մոռացել, որ «պանթուրքիզմ»-ը իրագործել է միայն արեւմտահայութեան ցեղասպանութիւնը, սպասելով՝ արեւելահայութեան չիրագործւած սպանդի ամբողջացմանը...

Այս ամէնը ցոյց են տալիս, որ ներկայումս գոյութիւն ունի «պանթուրքիզմ»-ի գաղափարախօսութիւնը եւ նրա վտանգը դեռ կախւած է հայ ժողովրդի գլխին եւ էշի ականջում քնած «իմ-քայլական» իշխանաւորները փորձում են մեր ժողովրդին համոզել, որ թուրքիայի հետ բարեկամութիւնը բարիքներ է բերելու հայ ժողովրդի համար, մինչդեռ ճիշտ հակառակը, թուրքիայի հետ բարեկամութիւնը ոչ թէ բարիքներ է բերելու մեր ժողովրդին՝ այլ չարիք ու արհաւիրք:

 

Նոր Ջուղա

28.4.2022 թ.

 

Յարակից լուրեր

  • Ի պատասխան արսէնթորոսեաններին
    Ի պատասխան արսէնթորոսեաններին

    Արսէն Թորոսեանն եւ իր նմանները, հայ իրականութիւններից կտրւած ու անտեղեակ, չսովորելու եւ չզարգանալու յետադէմ մտայնութեամբ, որոնք բախտի բերմամբ թէ պատահմամբ անարժանօրէն հասել են որոշ դիրքերի, իրենց հակադաշնակցական մոլուցքով ու մոլեռանդութեամբ, առ յաւէտ պիտի մնան տգիտութեան խաւարի մէջ։

  • Այլամերժութիւն
    Այլամերժութիւն

    Անկախութիւնը որ ժողովրդներին ազատագրում է օտարի լծից, տնտեսական եւ քաղաքական ազատութիւն է պարգեւում, ազգային ազատ ինքնորոշման իրաւունք է ապահովում, զերծ է կացուցում տնտեսական շահագործումից եւ կեղեքումից, ազատ ստեղծագործելու եւ ազատ ապահով կեանք է երաշխաւորում ու այլ ժողովրդների հետ հաւասար իրաւունքների պայմաններ հաստատում, բոլորն էլ թէ մարդկութեան եւ թէ ազգերի անկապտելի իրաւունքներն են որից բացառութիւն չի կազմում նաեւ հայ ժողովուրդը։

  • El Genocidio Armenio. նոր գրքի հեղինակը լաւատես է Իսպանիայի կողմից Հայոց Ցեղասպանութեան ճանաչման հարցում
    El Genocidio Armenio. նոր գրքի հեղինակը լաւատես է Իսպանիայի կողմից Հայոց Ցեղասպանութեան ճանաչման հարցում

    Իսպանիայում առաջին անգամ լոյս է տեսել փաստագրական ամփոփ գիրք Հայոց Ցեղասպանութեան մասին: «Հայոց Ցեղասպանութիւն» (El Genocidio Armenio) իսպանալեզու գրքի հեղինակը՝ Մադրիդի Սան Պաբլօ համալսարանի արդի համաշխարհային պատմութեան դասախօս, իրաւաբան Ռիկարդօ Ռուիս դէ լա Սերնան, տարիներ շարունակ ուսումնասիրում է 1915 թւականին Օսմանեան կայսրութիւնում երիտթուրքական կառավարութեան կողմից իրականացւած մեծ եղեռնագործութիւնը եւ պայքարում է Իսպանիայում համապետական մակարդակով Հայոց Ցեղասպանութեան ճանաչման համար:

  • Ադրբեջանի պահանջներին ի պատասխան
    Ադրբեջանի պահանջներին ի պատասխան

    Հայրենիք նշանակում է հարազատ պատմական տարածք եւ համախմբւած ժողովուրդ, որ դարերի ընթացքում կերտել է լեզու, մշակոյթ, աւանդութիւն եւ պետութիւն, այդ տարածքի եւ ժողովրդի անվտանգութեան եւ պաշտպանութեան գլխաւոր պատասխանատուն եւ երաշխաւորը պետութիւնն է: Ցաւօք սրտի, մեր այսօրւայ հայրենի իշխանաւորները, ոչ միայն չեն պաշտպանում հայրենի տարածքներն ու ժողովրդի անվտանգութիւնը, այլ տեղիք են տալիս մեր դարաւոր հայատեաց թշնամիների անօրինական պահանջներին:

  • «ԵԽ զեկոյցը 2 նշանակութիւն ունի»․ թուրքագէտը բացատրել է՝ որոնք են դրանք
    «ԵԽ զեկոյցը 2 նշանակութիւն ունի»․ թուրքագէտը բացատրել է՝ որոնք են դրանք

    Հայոց Ցեղասպանութեան հարցը Եւրոխորհրդարանի կողմից առաջին անգամ չի բարձրացւում, Թուրքիային ճնշելու համար այդ խնդիրը յաճախ արծարծւող թեմաներից է։ Sputnik Արմենիայի եթերում այսպէս մեկնաբանեց թուրքագէտ Ռուբէն Մելքոնեանը ԵԽ զեկոյցը, որտեղ Թուրքիայից պահանջւում է ճանաչել Հայոց Ցեղասպանութիւնը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։