Հա

Ազգային

30/04/2022 - 13:00

Ժամանակ չկա՛յ

Ժամանակն է դադարեցնելու ձեր անպատասխանատու եւ յանցագործ գործունէութիւնը եւ իշխանութիւնը յանձնելու հանրութեան իրաւասութեան։ Ժամանակն է հրաժարելու եւ անյապաղ քայլեր առնելու իշխանութիւններու խաղաղ փոխանցման նորմերը հաստատող անմիջական խորհրդակցութիւններով Ընդդիմութեան ներկայացուցիչներուն հետ։  

ԿԱՐՕ ԱՐՄԵՆԵԱՆ

  

Հարցո՛ւմ ՝ ովքե՞ր են Փաշինեանի խօսակիցները այս կէտին վրայ.

ՉԱՒՈՒՇՕՂԼՈ՞ՒՆ՝ իր բացայայտ ֆաշական պահուածքով վերջերս Ուրուկուայի մէջ, թէ՞ ԱԼԻԵՒԸ՝ որ երէկ կը յայտարարէր միջազգային հարթակի վրայ, թէ խաղաղութեան պայմանագրի համար Հայաստան պէտք է յանձնէ Արցախը Ազրպէյճանի գերիշխանութեան եւ ընդունի բոլոր միւս նախապայմանները։ 

Ովքե՞ր են ձեր այս խօսակիցները եւ ի՞նչ կը հետապնդեն Հայաստանի հետ իրենց ներկայ դիւանագիտական գործընթացով։ Պատասխանեցէ՛ք այս հարցումին մերկապարանոց փոխանակ անվտանգութեան սուտ լոզունգներ շռայլելու հանրութեան։ 

Եւ ընդունեցէք անկեղծօրէն, որ դուք ո՛չ Արցախի եւ ո՛չ ալ Հայաստանի անվտանգութիւնը ապահովելու ատակ իշխանութիւն էք այսօր։ Դուք ձեր տխմար շարասիւներով ի վիճակի չէք նոյնիսկ հայ մայրերու անվտանգութիւնը ապահովելու Երեւանի փողոցներուն մէջ։

Եւ գիտցէ՛ք այս ուշ ժամուն, թէ ձեր խօսակիցները Հայաստանի եւ Արցախի եւ հայ ժողովուրդի թշնամիներն են իրենց յստակ փանթուրքիստական, ծաւալապաշտ եւ ցեղասպանական քաղաքականութեամբ։ ԹՇՆԱՄԻՆԵ՛ՐՆ ԵՆ։ Խօսիլ իրենց հետ խաղաղութեան պայմանագրի մասին կամ մեր ժողովուրդին անվտանգութիւնը վստահիլ իրենց՝ ոչ միայն ցնորամտութիւն է, այլեւ ձեր քաղաքական սնանկութեան անյոյս ծայրակէտը չըսելու համար ուրիշ բան։ 

Ժամանակն է դադարեցնելու ձեր անպատասխանատու եւ յանցագործ գործունէութիւնը եւ իշխանութիւնը յանձնելու հանրութեան իրաւասութեան։ Ժամանակն է հրաժարելու եւ անյապաղ քայլեր առնելու իշխանութիւններու խաղաղ փոխանցման նորմերը հաստատող անմիջական խորհրդակցութիւններով Ընդդիմութեան ներկայացուցիչներուն հետ։  

ԱՅՆ ՓԱՍՏՆ ԻՍԿ, ՈՐ ՉԱՒՈՒՇՕՂԼՈՒՆ ԵՒ ԱԼԻԵՒԸ ՁԵԶ Կ՚ԸՆԴՈՒՆԻՆ ՈՐՊԷՍ «ԽՕՍԱԿԻՑ», ԻՆՔՆԻՆ ԿՈՒ ԳԱՅ ԱՊԱՑՈՒՑԱՆԵԼՈՒ, ՈՐ ԴՈՒՔ ԻՐԱՒԱՀԱՐԱԶԱՏ (legitimate, լեգիտիմ) ԻՇԽԱՆՈՒԹԻՒՆ ՉԷՔ ԵՒ ՈՐ ՉՈՒՆԻՔ ԼԻԱԶՕՐՈՒԹԻՒՆ ՀԱՅԱՍՏԱՆԻ, ԱՐՑԱԽԻ ԵՒ ՀԱՅՈՒԹԵԱՆ ԱՆՈՒՆՈՎ ԲԱՆԱԿՑՈՒԹԻՒՆՆԵՐ ՎԱՐԵԼՈՒ ԵՒ ՏԱՐԱԾՔԱՅԻՆ ԶԻՋՈՒՄՆԵՐ ԸՆԵԼՈՒ ԹՇՆԱՄԻԻՆ։

ՄԱՅԻՍԻ ՄԷԿԸ ՋՐԲԱԺԱՆՆ Է։ ՕԳՏՈՒԵՑԷ՛Ք ԱՌԻԹԷՆ ԵՒ ՎԱՂՆ ԻՍԿ ԳՈՐԾԻ ԱՆՑԷՔ ՓՈԽԱՆՑՄԱՆ ԽԱՂԱՂ ԳՈՐԾԸՆԹԱՑԸ ՃՇՏԵԼՈՒ ԸՆԴԴԻՄՈՒԹԵԱՆ ՀԵՏ։ ԱՅԼԸՆՏՐԱՆՔԸ ՔԱՈՍՆ Է ԻՐ ԲՈԼՈՐ ՀԵՏԵՒԱՆՔՆԵՐՈՎ։ ՔԱՈ՛Ս՝ ՈՐ ՄԵՐ ԺՈՂՈՎՈՒՐԴԸ ՊԻՏԻ ԿԱՍԵՑՆԷ ԱՄԷՆ ԳՆՈՎ։

ԱՅՍ ԿԷՏԻՆ ՎՐԱՅ, ԱՅԼԵՒՍ ԺԱՄԵ՛ՐՆ ԵՆ։ ԺԱՄԱՆԱԿ ՉԿԱՅ։

 

Ապրիլ 30, 2022

 

Յարակից լուրեր

  • Ճիշտ էք, ընկերնե՛ր
    Ճիշտ էք, ընկերնե՛ր

    Ճիշտ էք, Ընկերներ։ Ճի՛շտ էք։ Ռուսաստանը մեր հրեշտակն է։ Ռուսաստանը մեր սատանան է։ Եւ բոլոր նրբերանգնե՛րը՝ այդ երկուքին միջեւ։ Տեսականօրէն անառարկելի է այս գնահատականը։ Բայց գերակշիռ իրականութիւն մըն ալ կայ այսօր, որ կը ճշտէ էութիւնը այդ յարաբերութեան։ Այդ իրականութիւնը Մոսկուայի սանձերուն տիրապետող մարդերն են։ 

  • Եկա՞ծ է վայրկեանը քարտերը բանալու…
    Եկա՞ծ է վայրկեանը քարտերը բանալու…

    Մինչ Մոսկուա կը յամառի իր անհեթեթ կրաւորականութեան վրայ թոյլ տալով, որ ազրպէյճանական նախայարձակումը ամուր դիրքեր գրաւէ Հայաստանի սահմաններէն ներս, ԱՄՆ եւ Ֆրանսա կը պահանջեն Ալիեւէն ետ քաշելու իր զօրքերը… Յաջորդ քայլը Ալիեւինն է։

  • Ո՞վ պիտի կերտէ ազգային միասնականութիւնը
    Ո՞վ պիտի կերտէ ազգային միասնականութիւնը

    Ազգային միասնականութիւնը չ՚ենթադրեր տեսակէտներու լիակատար նոյնութիւն բոլորին կողմէ։ Ան անկասկած կ՚ենթադրէ հասարակութեան գլխաւոր շերտերու կարողութիւնը գերամեծար նպատակներու շուրջ համաձայնութիւն գոյացնելու։ Այս իսկ պատճառով, ազգային միասնականութեան խարիսխը պէտք չէ անպայման փնտռել նախկին նախագահներու ոլորտին մէջ։

  • Ե՞րբ պիտի քաշենք կարմիր գիծը
    Ե՞րբ պիտի քաշենք կարմիր գիծը

    Յանկարծ կը գտնուինք անհեթեթ սպասողականի մը մէջ եւ յանկարծ ենթակայ ենք թշնամիին կողմէ հաստատուած վերջնագրի մը պայմաններուն։ Տեղի պիտի ունենայ էթնիկ մաքրագործման ամենէն փողոցային, ամենէն բացօթեայ եւ ամենէն եղերազաւեշտական բեմադրութիւնը ամբողջ աշխարհի - եւ առաջին հերթին՝ ՄԵ՛Ր - աչքերուն առջեւ։ 

  • Մեր հակադարձութիւնը պիտի ըլլայ հզօր, անխնայ, անյապաղ, տեղաշարժային
    Մեր հակադարձութիւնը պիտի ըլլայ հզօր, անխնայ, անյապաղ, տեղաշարժային

    Ներկայիս տարածաշրջանի ուժերու դասաւորման մէջ, հայկական կողմը կը գտնուի իր ամենէն անզէն, անօգնական եւ սնանկ դրութեան մէջ։ Մեր աչքերուն առջեւ բացուող հանրագումարը (bottom line) ողբալի է եւ վիրաւորական։ Մենք պարզապէս դադրած ենք գործօն դերակատար ըլլալէ մեր իսկ ազգային պաշտպանական քաղաքականութեան դիրքերէն։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։