Հա

Ազգային

23/05/2022 - 12:00

Արցախը երբեք չի կարող մաս կազմել Ադրբեջանին

«Արցախի ժողովրդի ինքնորոշման իրաւունքը պէտք է անկիւնաքարային կէտ լինի, հետեւաբար Արցախը երբեք չի կարող մաս կազմել Ադրբեջանին»:

Բրիւսէլ, 22 մայիս - «Արցախի ժողովրդի ինքնորոշման իրաւունքը պէտք է անկիւնաքարային կէտ լինի, հետեւաբար Արցախը երբեք չի կարող մաս կազմել Ադրբեջանին»:

Երկու ամսից պակաս ժամանակահատւածում, Եւրոպական Խորհրդի նախագահ՝ Շառլ Միշէլը երկրորդ անգամ հիւրընկալում է Հայաստանի եւ Ադրբեջանի ղեկավարներին այսպէս կոչւած «խաղաղութեան պայմանագրի» շուրջ բանակցելու համար, ինչպէս նախկինում յայտարարել է նախագահ Շառլ Միշէլը:

Նոյեմբերի 9-ի եռակողմ յայտարարութիւնից յետոյ Ադրբեջանը բազմաթիւ անգամներ եւ տարբեր ձեւերով խախտել է ձեռք բերւած պայմանաւորւածութիւնները.

- Յայտարարութեան մէջ ասւած է, որ կողմերը հրադադարից յետոյ մնում են իրենց տեղերում, սակայն ադրբեջանական զօրքերը Արցախում եւ Հայաստանում տասնեակ կիլոմետրեր առաջ են եկել եռակողմ յայտարարութիւնից յետոյ։

- Օգտւելով հանգամանքից, որ Արցախին սպասարկող գազատարը անցնում է ադրբեջանական հսկողութեան տակ գտնւող տարածքով, ձմռան ցրտաշունչ ժամանակաշրջանում ադրբեջանական կողմը փակեց այն՝ Արցախի ազգաբնակչութեանը մատնելով աղէտալի պայմանների։

- Սահմանամերձ հատւածներում հայ ազգաբնակչութեան հանդէպ կատարւում է հոգեբանական սպառնալիքների կիրառում հայերէն լեզւով։

- Հայկական մշակոյթի կոթողներ, եկեղեցիներ եւ յուշարձաններ պղծւում եւ ոչնչացւում են, փորձելով նրանց հայկական ծագումը աւաղաւել։

- Շարունակւում է էթնիկ զտումների տասնամեակների քաղաքականութիւնը, որի վերջնական նպատակը Արցախն ամբողջութեամբ հայերից դատարկելն է։

ՀՅԴ Եւրոպայի Հայ Դատի յանձնախումբը, իր տարբեր երկրներում գործող Հայ Դատի յանձնախմբերի հետ միասին, որոնք հարիւրհազարաւոր հայկական ծագումով եւրոպացի քաղաքացիներ են ներկայացնում կոչ են անում Եւրոպական Խորհրդի նախագահին եւ Եւրոպայի գործադիր իշխանութեանը այս հանդիպմանը ընդառաջ հաշւի նստել հետեւեալ յոյժ կարեւոր հանգամանքների հետ.

- Եւրոխորհրդարանը մարտի 10-ին բանաձեւ է ընդունել, որտեղ խիստ մտահոգութիւն է յայտնում Արցախում էթնիկ զտումների յանցաւոր գործողութիւնների նկատմամբ եւ հայկական մշակութային կոթողների եւ կրօնական ժառանգութեան ոչնչացումը։

- Արցախի հակամարտութեան շուրջ բանակցութիւնները պէտք է անպայմանօրէն տեղի ունենան ԵԱՀԿ Մինսկի խմբի շրջանականերում, որտեղ ի թիւս այլ հիմնարար սկզբունքների Արցախի ժողովրդի ինքնորոշման իրաւունքը դիտւում է որպէս գերակայ առաջնահերթութիւն։

- Հայաստանի եւ Ադրբեջանի միջեւ սահմանազատման եւ սահմանագծման գործընթացները պէտք է տեղի ունենան երկու երկրների համար ընդունելի պայմաններում, հաշւի առնելով սահմանամերձ տարածքներում ապրող ազգաբնակչութեան մարդու իրաւունքները եւ սահմանների առաջացման պատմական անցեալը։ Ադրբեջանի կողմից ռազմական յաջողութիւններով պայմանաւորւած յարձակողապաշտ նկրտումները դատապարտելի են։

- Բազմաթիւ հայ ռազմագերիներ մինչեւ օրս գտնւում են անմարդկային խոշտանգումների պայմաններում Բաքւի բանտերում։ Ադրբեջանը չի իրագործում իր ստորագրութեամբ հաստատւած պարտաւորութիւնները՝ արհամարելով բազմաթիւ երկրների կառավարական եւ ոչ կառավարական կազմակերպութիւնների կոչերը։

- Թուրքիայի եւ ահաբեկչական միաւորումների օգնութեամբ ձեռք բերւած ռազմական յաջողութիւնը Ադրբեջանը չի կարող օգտագործել Հայաստանի ինքնիշխան տարածքը, որպէս միջանցք օգտագործելու համար:

Հաշւի առնելով վերը նշւած հանգամանքները Եւրոպայի Հայ Դատի յանձնախումբը, եւրոպական երկրների Հայ Դատի յանձնախմբերի հետ միասին յայտարարում է, որ Եւրոմիութեան միջնորդութեամբ տեղի ունեցող բանակցութիւններում Արցախի ժողովրդի ինքնորոշման իրաւունքը պէտք է անկիւնաքարային կէտ լինի, հետեւաբար Արցախը երբեք չի կարող մաս կազմել Ադրբեջանին։

Եւրոպան պէտք է օգտագործի իր բոլոր լծակները ազդելու Ադրբեջանի յարձակողապաշտ քաղաքականութեան վրայ եւ Արցախի հայ ազգաբնակչութեան էթնիկ զտումը կանխելու համար։ Ադրբեջանը չի կարող Արցախի ժողովրդին խաղաղութիւն պարտադրել, որը վերջին հաշւով նրա ոչնչացումն է նշանակում իր իսկ հազարամեայ հայրենիքում։

 

Յարակից լուրեր

  • Մարօ Քէշիշեան կը լծուի Արցախի սկաուտական շարժման կազմակերպման աշխատանքին
    Մարօ Քէշիշեան կը լծուի Արցախի սկաուտական շարժման կազմակերպման աշխատանքին

    Կազմակերպչական առաքելութեամբ Արցախ գործուղուած քոյր Մարօ Քէշիշեան Յունիսի կէսերէն լծուած է Ստեփանակերտի մէջ սկաուտական աշխատանքներու կազմակերպման։ Հ.Մ.Ը.Մ.-ի Արցախի մեկուսի վարչութեան հետ գործակցաբար, քոյրը Ստեփանակերտի թիւ 2 դպրոցին մէջ կը վարէ սկաուտական աշխատանքներու ծանօթացման աշխատանք։ Արցախցի պատանիներուն ան կը ծանօթացնէ Հ.Մ.Ը.Մ.-ը եւ սկաուտութեան գլխաւոր սկզբունքները։

  • «Ռեսուրս կայ». «Այլընտրանքային նախագծեր խումբ»
    «Ռեսուրս կայ». «Այլընտրանքային նախագծեր խումբ»

    Չորս ամիս է, ինչ սկսել ենք «Հայկական օրակարգ» նախագիծը։ Քննարկւել են ներքին եւ արտաքին բազմաթիւ խնդիրներ։ Դրել ենք սկզբունքներ. չենք խուսափում որեւէ բարդ հարցից, յարգում ենք միմեանց տեսակէտները, չենք վիրաւորում եւ չենք փառաբանում որեւէ մէկին։ Քննարկում ենք հարցեր ու փորձում ձեւակերպել լուծումներ։ Այս մասին յայտարարութիւն է տարածել «Այլընտրանքային նախագծեր խումբը»:

  • Արցախի ապրելու ձայնը՝ գրականութեան եւ մշակոյթի լեզւով
    Արցախի ապրելու ձայնը՝ գրականութեան եւ մշակոյթի լեզւով

    Յունիսի 27-ից մինչեւ յուլիսի 1-ը Համազգային հայ կրթական եւ մշակութային միութեան Արցախի գրասենեակը «Ապրելու ձայնը» գրական-մշակութային օրերի շրջանակներում Ստեփանակերտում եւ շրջաններում կը կազմակերպի գրական մրցոյթներ, գրական երեկոներ, ասմունքի մրցոյթ, ցուցահանդէսներ ու համերգներ, Արցախի արդի գրականութեան վերաբերեալ զրոյցներ, հանդիպումներ, դասախօսութիւններ։

  • ՀՀ ԱԺ «Հայաստան» խմբակցութեան յայտարարութիւնը
    ՀՀ ԱԺ «Հայաստան» խմբակցութեան յայտարարութիւնը

    ՀՀ Ազգային ժողովում այսօր արտահերթ կարգով քննարկում են Բարձրագոյն դատական խորհրդի առաջադրած` Վճռաբեկ դատարանի դատաւորների թեկնածուների հարցը:

  • «ԵԽԽՎ-ն վերածւել է քաղաքականացւած կառոյցի, որն առաջնորդւում է իր քաղաքական նպատակայարմարութիւններով. հայկական պատւիրակութիւնում պէտք է համաձայնեցւած աշխատենք». Արմէն Ռուստամեան
    «ԵԽԽՎ-ն վերածւել է քաղաքականացւած կառոյցի, որն առաջնորդւում է իր քաղաքական նպատակայարմարութիւններով. հայկական պատւիրակութիւնում պէտք է համաձայնեցւած աշխատենք». Արմէն Ռուստամեան

    Յիշեցնենք, Գալւէյի համաժողովի առաջարկը ԵԽԽՎ ամառային նստաշրջանի մեկնարկին ԵԽ Նախարարների կոմիտէի նախագահ, Իռլանդիայի արտաքին գործերի եւ պաշտպանութեան նախարար Սայմոն Քովնին հնչեցրեց՝ ամառային նստաշրջանի մեկնարկին, Վեհաժողովի ամբիոնից: Իսկ քննարկման առանցքում «գորշ գօտիներում» Մարդու իրաւունքների եւրոպական դատարանի (ՄԻԵԴ) որոշումների արդիւնաւէտ կիրառման հարցն են նախատեսում: Բայց Քովնին չբացառեց Արցախի վերաբերեալ քննարկումը, որովհետեւ, ըստ նրա, Լեռնային Ղարաբաղը բարդ եւ «քննարկման համար ակնառու տարածք է»:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։