Հա

Ազգային

21/09/2022 - 13:30

Խմբագրական. Ազատ Սիւնիք 2-ի հրամայականը (Հայաստանի Հանրապետութեան Անկախութեան տօնին առիթով)

Հայաստանի Հանրապետութեան Անկախութեան տօնը բաւական բարդ պայմաններու մէջ կը նշուի: Մեր երկրորդ պետութիւնը կորսնցուցած է տարածքներ եւ ըստ էութեան իր անկախութիւնը կամ հանրապետութեան միջազգային ճանաչումի ապահովման երթը 44-օրեայ պատերազմէն ետք ծանր հարուած ստացած:

Հայաստանի Հանրապետութեան Անկախութեան տօնը բաւական բարդ պայմաններու մէջ կը նշուի: Մեր երկրորդ պետութիւնը կորսնցուցած է տարածքներ եւ ըստ էութեան իր անկախութիւնը կամ հանրապետութեան միջազգային ճանաչումի ապահովման երթը 44-օրեայ պատերազմէն ետք ծանր հարուած ստացած:

Խախտած են նաեւ Հայաստանի Հանրապետութեան սահմանները: Թշնամին ներխուժած է մեր ինքնիշխան տարածքներ եւ կը սպառնայ մեր անվտանգութեան ու գերիշխանութեան, պարտադրելով նոր պայմաններ:

Բերձորի միջանցքի փակումէն ետք, այժմ թուրանական կամուրջի պահանջն է առաջադրուածը. պիտի հետեւի սահմանազատման-սահմանագծման գործընթացի մեկնարկը եւ տարածքային ամբողջականութեան ճանաչումի սկզբունքին ներքոյ Ազրպէյճանէն տարածքային պահանջ չներկայացնելու յանձնառութեան ամրագրումի պարտադրանքը:

Մինչ տարածաշրջանը, աւելի կեդրոնացումով` Հարաւային Կովկասը եւ մեր պարագային մասնակիօրէն Հայաստանը հետզհետէ կը դառնան աշխարհաքաղաքական թէժ օրակարգ: Առնչուած են գերտէրութիւններ, եւ իւրաքանչիւրը ազդեցութեան գօտիի պահպանման կամ նուաճման միտումներով մարտադաշտի կը վերածէ շրջանը:

Մուրճի եւ սալի տեսութիւնը այժմէական հնչեղութիւն ստացած է: Ճգնաժամային պայմաններու մէջ իշխանութիւնները չեն յաջողիր համախմբում յառաջացնել եւ այս թոհուբոհէն նուազագոյն վնասով դուրս գալու ռազմավարութիւն մշակել: Տրամագծօրէն հակոտնեայ դիրքորոշումներ, բեւեռացումներ, արեւելումի կտրուկ փոփոխութեան պահանջներ, ռազմավարական մէկ դաշինքէն միւսը թռչելու յորդորներ` բաժանարարութիւնը կը խորացնեն արտաքին խաղերու համար ներքին ենթահողը աւելի պարարտացնելով:

Առաջին հանրապետութեան օրերու միայն մուրճ-սալի տեսութիւնը չէ, որ այժմէականութիւն ստացած է: Այսօր Սիւնիքը միջազգային հանրութեան լուսարձակին տակ է. թշնամիի ախորժակին առաջին պատառը: Թուրանական կամուրջը Ա. Հանրապետութեան օրերուն Սարդարապատէն ետք յօդս ցնդեցաւ Լեռնահայաստանի գոյամարտով: Սիւնիքի ազատագրումով եւ անքակտելիօրէն Հայաստանի Հանրապետութեան կցումով:

Թուրանական ծրագիրը վերադարձած է: Նոյեմբեր 9-ի յայտարարութեան 9-րդ կէտին տակ թաքնուած է անիկա` տարածաշրջանի ապաշրջափակման տեսքով: Պատահական չէ, որ Անգարան եւ Պաքուն անդադար կ՛արծարծեն «Զանգեզուրեան միջանցք»-ի պահանջը: Հայկական կողմը կը պնդէ, որ միջանցքի հարց քննարկման ենթակայ չէ: Սեպտեմբերեան պատերազմը սակայն ա՛յդ կը հետապնդէ: Առաջադրուածը Նախիջեւանի կամրջումն է Ազրպէյճանին: Եւ ինչպէս որ ռազմական գործողութիւններով Պաքուն իրականացուց Բերձորի միջանցքի փակումն ու նոր երթուղիի բացումը, հիմա նոյն միջոցներով կ՛ուզէ իրականացնել թուրանական կամուրջի կառուցումը:

Թուրանական կամուրջի կառուցման ուղղութեամբ տարբեր են տարածաշրջանի գլխաւոր խաղցողներու պատկերացումները: Թեհրանը կը շարունակէ պնդել, որ չի հանդուրժեր դարաւոր սահմանի փոփոխութիւն: Ապաշրջափակման համաձայնութեան ճարտարապետը` Մոսկուան եռակողմ համաձայնագիրի կէտերու իրականացումը բացառապէս ի՛ր երաշխաւորութեամբ կ՛ուզէ առարկայացնել: Ուաշինկթընը շահագրգռուած է Իրանը շրջափակելով, եւ Եւրոպան իր քայլերը կը համաձայնեցնէ Միացեալ Նահանգներուն հետ:Անգարան եւ Պաքուն կը յանկերգեն «Զանգեզուրեան միջանցք»-ի տրամադրումը:

Լեռնահայաստանը դարձեալ վտանգուած է, եւ հին ծրագիրը վերադարձած: Սիւնիքը պէտք է վերաազատագրել: Առաջին հանրապետութեան օրերուն եւս անկարելի կը թուէր անոր ազատագրումը: Նժդեհի զօրքերը կռիւ կը մղէին հաւասարապէս պոլշեւիկեան եւ թրքական բանակներուն դէմ: Լեռնահայաստանի գոյամարտը արդիւնաւորուեցաւ, եւ Ազատ Սիւնիք գործողութիւնը կատարեց իր առջեւ դրուած գերխնդիրը: Սիւնիքը տապալեց համաթուրանական ծրագիրը:

Ռազմական, քաղաքական, դիւանագիտական, քարոզչական, տեղեկատուական գոյակռիւը կը յաջողի դուրս շպրտել թշնամի զօրքը եւ պահպանել Գորիս-Սոթք-Ջերմուկ գոյաբանական գիծը: Ազատ Սիւնիք 2-ի իրականացումով կը պայմանաւորուի մեր գերիշխանութեան, անվտանգութեան եւ անկախութեան պահպանումը:

 

«Ազդակ»

 

Յարակից լուրեր

  • Համազգայինի Երեւանի գրասենեակի ուղերձը ՀՀ անկախութեան օրւայ առթիւ
    Համազգայինի Երեւանի գրասենեակի ուղերձը ՀՀ անկախութեան օրւայ առթիւ

    Այսօր, երբ մեր երկիրը կանգնած է ներքին եւ արտաքին նոր մարտահրաւէրների առջեւ, երբ վտանգւած են մեր Հայրենիքի սահմանները, երիցս խորհելու առիթ ունենք։

    Մեր պատմութեան ներկա շրջադարձը պարտաւորեցնում է իւրաքանչիւր հայի մտածել ազգային միասնութեան մասին, որը կարող է միակ երաշխիքը դառնալ Հայրենիքի փրկութեան ու յաւերժութեան։

  • «Այսօր հրամայական է, որ աշխարհասփիւռ հայութիւնը համախմբւի Հայրենիքի շուրջ». Գարեգին Բ
    «Այսօր հրամայական է, որ աշխարհասփիւռ հայութիւնը համախմբւի Հայրենիքի շուրջ». Գարեգին Բ

    Սեպտեմբերի 21-ին, Հայաստանի Հանրապետութեան Անկախութեան տօնի առիթով, հանդիսապետութեամբ Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն հայոց կաթողիկոսի, Սուրբ Գայանէ վանքում կատարւել է Հանրապետական մաղթանքի արարողութիւն։ 

    Միասնական աղօթք է բարձրացւել առ Աստւած Հայրենիքի անսասանութեան, խաղաղ եւ անվտանգ կեանքի համար:

  • «Հայաստան» դաշինքի ուղերձը ՀՀ անկախութեան օրւայ առթիւ
    «Հայաստան» դաշինքի ուղերձը ՀՀ անկախութեան օրւայ առթիւ

    Անկախութիւն նւաճած ու յաղթանակներ պարտադրած ժողովուրդն ընկրկելու իրաւունք չունի։

    Հայոց պետականութեան ապագան կասկածի տակ դնող այս իրականութիւնը հնարաւոր է յաղթահարել միայն համազգային նպատակներ բանաձեւելով, միասնականութեամբ եւ ազգային պետական մտածողութիւն կրող իշխանութեամբ։

  • Անկախութեան ու գոյատեւման խորհուրդը
    Անկախութեան ու գոյատեւման խորհուրդը

    Հայաստանի Հանրապետութեան վերանկախացման 31-ամեակը ամբողջ հայութիւնը կը գտնէ գերլարուած վիճակի մէջ, երբ ատրպէյճանական զինեալ ուժերը սանձազերծած ըլլալով լայնատարած ռազմական գործողութիւններ, կը սպառնան Հայաստանի տարածքային ամբողջականութեան ու անոր փխրուն անկախութեան վրայ։

  • 32 տարի առաջ այս օրը ընդունւեց Հայաստանի Անկախութեան հռչակագիրը
    32 տարի առաջ այս օրը ընդունւեց Հայաստանի Անկախութեան հռչակագիրը

    32 տարի առաջ այս օրը՝ օգոստոսի 23-ին, Հայաստանի Գերագոյն խորհրդի առաջին նստաշրջանում ընդունւեց Հայաստանի Անկախութեան հռչակագիրը, որով դրւեց Հայաստանի անկախ պետականութեան հաստատման գործընթացի սկիզբը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։