Հա

Ազգային

28/09/2022 - 14:20

Եկա՞ծ է վայրկեանը քարտերը բանալու…

Մինչ Մոսկուա կը յամառի իր անհեթեթ կրաւորականութեան վրայ թոյլ տալով, որ ազրպէյճանական նախայարձակումը ամուր դիրքեր գրաւէ Հայաստանի սահմաններէն ներս, ԱՄՆ եւ Ֆրանսա կը պահանջեն Ալիեւէն ետ քաշելու իր զօրքերը… Յաջորդ քայլը Ալիեւինն է։

ԿԱՐՕ ԱՐՄԵՆԵԱՆ

 

Մինչ Մոսկուա կը յամառի իր անհեթեթ կրաւորականութեան վրայ թոյլ տալով, որ ազրպէյճանական նախայարձակումը ամուր դիրքեր գրաւէ Հայաստանի սահմաններէն ներս, ԱՄՆ եւ Ֆրանսա կը պահանջեն Ալիեւէն ետ քաշելու իր զօրքերը… Յաջորդ քայլը Ալիեւինն է։

Եւ այդ քայլով պիտի բացուին փակագծերը եւ պիտի յստականայ իրական պատկերը Կովկասեան նոր հաւասարակշռութեան։

Եթէ Արեւմուտքի ղեկավարները յաջողին տապալել Ալիեւի բազուկը եւ ստիպեն Ալիեւը դուրս գալու Հայաստանի սահմաններէն, մեծ ոստիւն մը կատարած կ՚ըլլան տարածաշշրջանի ռազմաբեմին վրայ եւ մեծ հարցի առջեւ կը դնեն Փութինը (եւ իրեն հետ՝ Ռուսաստա՛նը՝ որպէս առաջնորդի)։ Փութինի եւ Լաւրովի ոչինչ ըսող յորդորները հարցը «դիւանագիտութեամբ» լուծելու միանգամընդմիշտ կը վարկաբեկեն Ռուսաստանը տարածաշրջանի պետութիւններու աչքին (ներառեա՛լ՝ Թուրքիոյ եւ Ազրպէյճանի…)։ Ռուսաստանը կը վերածուի աննշան քանակութեան։

Թէ ինչո՞ւ Մոսկուա կ՚ընտրէ կրաւորականութեան եւ անգործութեան ուղին Ազրպէյճանի նախայարձակման եւ ցեղասպանական քաղաքականութեան ի տես՝ հարց մըն է, որ տակաւին չէ գտած իր ամբողջական պատասխանը։ Միջազգային կողմերը կը խուսափին այս ոլորտի քննարկումներէն։ Ես համոզուած եմ, որ հոս կը գործեն Մոսկուայի ղեկավարութեան անձնական շահերու գործօնները։ Ներկայ քննարկման համար, սակայն, կարեւոր չեն դրդապատճառները։ Կարեւորը այն է, որ Ռուսաստանի ռազմավարական գերագոյն շահերն են, որ կը տուժեն եւ այդ գահավէժին զոհ կ՚երթան Հայաստանն ու Արցախը։

Հարցո՛ւմ. ԱՄՆ եւ Ֆրանսա որքա՞ն հաստատակամ կրնան ըլլալ այս առճակատման մէջ եւ հայկական կողմը օժտել անհրաժեշտ ինքնավստահութեամբ եւ սպառազինումով…Ի՞նչ երաշխիք ունին հայերը, որ յանկարծ խաղաքարտերը պիտի չշրջուին Արեւմուտքի տէրերուն կողմէ (ինչպէս՝ բազմիցս անցեալին) Հայաստանն ու Արցախը կրկին նետելով գազանին երախը։ Ի վերջոյ ազդարարութիւնները չեն, որ պիտի շարժեն Ալիեւը տեղէն, այլ ԱՄՆ-ի եւ Ֆրանսայի վճռակամութիւնը ի հարկին զինու զօրութեամբ իրենց կամքը պարտադրելու։

Այս բոլորը պէտք է ըսել բարձրաձայն, քանի որ գոյութիւն ունի այս մետալին միւս երեսը։ Եթէ Ալիեւ պարզապէս արհամարհէ Արեւմտեան կոչերը եւ յաջողի պահպանել business as usual… իր եւ Արեւմուտքի միջեւ, կը վերայայտնուի Ռուսաստանի հզօր թաթը տարածաշրջանին մէջ եւ անգամ մը եւս Արեւմտեան արժեթուղթերը կը հաւասարին գետնին։

Այս առումով, կը գտնուինք շրջադարձային հանգրուանի մը վրայ, որուն բանալին, պայմաններու բերումով, կը գտնուի Ալիեւի ձեռքերուն մէջ։ Մեր խնդիրն է հասկնալ եզրերը թշնամիի երկընտրանքին։

Պիտի հասկնանք վերջապէս, որ մեր հարցը միայն մեր ազգային ոլորտին չէ, որ կը պաշտպանի։ Ոչ ալ միայն տարածաշրջանի կաթսային։ Մեր հարցը միջազգայնացած է վաղուց եւ կը պահանջէ մեզմէ գործել բացառիկ ուժգնութեամբ ամբողջ աշխարհակարգի մակարդակին վրայ, եթէ կ՚ուզենք հաստատուն լուծումներու հասնիլ։

Իսկ մեր ժողովուրդը պիտի գիտնայ, որ մենք պատերազմի մէջ ենք։ Պատերազմը վերջ չէ գտած։ Եւ մենք ենք միայն, որ պիտի ճարտարապետենք մեր յաղթանակը այս բարդ ռազմադաշտի բոլոր ճակատներուն վրայ օրուան բոլոր ժամերուն։

 

Սեպտեմբեր 27, 2022թ.

 

Յարակից լուրեր

  • Ճիշտ էք, ընկերնե՛ր
    Ճիշտ էք, ընկերնե՛ր

    Ճիշտ էք, Ընկերներ։ Ճի՛շտ էք։ Ռուսաստանը մեր հրեշտակն է։ Ռուսաստանը մեր սատանան է։ Եւ բոլոր նրբերանգնե՛րը՝ այդ երկուքին միջեւ։ Տեսականօրէն անառարկելի է այս գնահատականը։ Բայց գերակշիռ իրականութիւն մըն ալ կայ այսօր, որ կը ճշտէ էութիւնը այդ յարաբերութեան։ Այդ իրականութիւնը Մոսկուայի սանձերուն տիրապետող մարդերն են։ 

  • Ո՞վ պիտի կերտէ ազգային միասնականութիւնը
    Ո՞վ պիտի կերտէ ազգային միասնականութիւնը

    Ազգային միասնականութիւնը չ՚ենթադրեր տեսակէտներու լիակատար նոյնութիւն բոլորին կողմէ։ Ան անկասկած կ՚ենթադրէ հասարակութեան գլխաւոր շերտերու կարողութիւնը գերամեծար նպատակներու շուրջ համաձայնութիւն գոյացնելու։ Այս իսկ պատճառով, ազգային միասնականութեան խարիսխը պէտք չէ անպայման փնտռել նախկին նախագահներու ոլորտին մէջ։

  • Ե՞րբ պիտի քաշենք կարմիր գիծը
    Ե՞րբ պիտի քաշենք կարմիր գիծը

    Յանկարծ կը գտնուինք անհեթեթ սպասողականի մը մէջ եւ յանկարծ ենթակայ ենք թշնամիին կողմէ հաստատուած վերջնագրի մը պայմաններուն։ Տեղի պիտի ունենայ էթնիկ մաքրագործման ամենէն փողոցային, ամենէն բացօթեայ եւ ամենէն եղերազաւեշտական բեմադրութիւնը ամբողջ աշխարհի - եւ առաջին հերթին՝ ՄԵ՛Ր - աչքերուն առջեւ։ 

  • Մեր հակադարձութիւնը պիտի ըլլայ հզօր, անխնայ, անյապաղ, տեղաշարժային
    Մեր հակադարձութիւնը պիտի ըլլայ հզօր, անխնայ, անյապաղ, տեղաշարժային

    Ներկայիս տարածաշրջանի ուժերու դասաւորման մէջ, հայկական կողմը կը գտնուի իր ամենէն անզէն, անօգնական եւ սնանկ դրութեան մէջ։ Մեր աչքերուն առջեւ բացուող հանրագումարը (bottom line) ողբալի է եւ վիրաւորական։ Մենք պարզապէս դադրած ենք գործօն դերակատար ըլլալէ մեր իսկ ազգային պաշտպանական քաղաքականութեան դիրքերէն։

  • Պետական շահը ընդդէմ... ազգային շահի՞ն
    Պետական շահը ընդդէմ... ազգային շահի՞ն

    Փաշինեանական դաշտէն հնչող այս այլանդակ լոզունգը Փաշինեանական մտածողութեան վերջին գոհարն է։ Գերադասե՜լ պետական շահը ազգային շահին։ Վերջին գաղափարախօսական շե՛ղբը՝ որ պարտութեան վարչակարգը կ՚ուզէ խրել հայ անկախ պետականութեան մէջքին եւ վերջնականապէս զգետնել զայն։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։