Հա

Ազգային

03/10/2022 - 13:25

Յայտարարութիւն ՀՅԴ Արեւմտեան Եւրոպայի 83-րդ Շրջանային Ժողովի

Անցնող շաբաթավերջին, Փարիզի մէջ գումարուեցաւ ՀՅԴ Արեւմտեան Եւրոպայի (Ֆրանսա, Պելճիքա, Հոլանտա) 83-րդ Շրջանային Ժողովը, մասնակցութեամբ ՀՅԴ Բիւրոյի, ընթացաւարտ ԿԿ-ի, Ալֆորվիլի, Առնուվիլի, Իսի Լէ Մուլինոյի, Փարիզի, Լիոնի, Վալանսի, Մարսէյի, Պրիւքսէլի, Ալմելոյի կազմակերպական շրջաններու պատգամաւորներուն, ինչպէս նաեւ ՀՅԴ Նոր Սերունդի, ՀՅԴ Հայ Դատի, Պատանեկան Միութեան, Ֆրանս Արմենի-ի, Այբ Էֆ Էմ-ի, Ջաւախքի յանձնախումբի, Կապոյտ Խաչի, Համազգայինի, ՀՄԸՄ-ի ներկայացուցիչներուն եւ յատուկ հրաւիրեալներու:

Անցնող շաբաթավերջին, Փարիզի մէջ գումարուեցաւ ՀՅԴ Արեւմտեան Եւրոպայի (Ֆրանսա, Պելճիքա, Հոլանտա) 83-րդ Շրջանային Ժողովը, մասնակցութեամբ ՀՅԴ Բիւրոյի, ընթացաւարտ ԿԿ-ի, Ալֆորվիլի, Առնուվիլի, Իսի Լէ Մուլինոյի, Փարիզի, Լիոնի, Վալանսի, Մարսէյի, Պրիւքսէլի, Ալմելոյի կազմակերպական շրջաններու պատգամաւորներուն, ինչպէս նաեւ ՀՅԴ Նոր Սերունդի, ՀՅԴ Հայ Դատի, Պատանեկան Միութեան, Ֆրանս Արմենի-ի, Այբ Էֆ Էմ-ի, Ջաւախքի յանձնախումբի, Կապոյտ Խաչի, Համազգայինի, ՀՄԸՄ-ի ներկայացուցիչներուն եւ յատուկ հրաւիրեալներու:

Երեք օրերու վրայ երկարող նիստերու ընթացքին, Ժողովի հիմնական օրակարգը հանդիսացաւ Հայրենիքի ճգնաժամը:

Բնականաբար ժողովի քննարկման ենթարկուեցան նաեւ Հայ Դատի, կազմակերպական, քաղաքական, քարոզչական, տնտեսական, երիտասարդութեան եւ ներհամայնքային հարցեր եւ անոնց լուծման ի խնդիր տրուեցան համապատասխան որոշումներ:

Շրջանային ժողովը, ՀՅԴ Արեւմտեան Եւրոպայի կառոյցի անվերապահ ու ամբողջական զօրակցութիւնը վերահաստատեց ՀՅԴ Հայաստանեան կառոյցին, ինչպէս նաեւ՝ ՀՀ գործող իշխանութեանց պարտուողական-անձնատուողական քաղաքական վարքագիծին հակադրուած ընդդիմութեան: Ժողովը ընդգծեց, որ հողային զիջումներու հակամէտ, ապազգային ու թրքամէտ քաղաքականութեան հոմանիշ ՔՊ-ական դաւադիր քլանի հեռացումը նախապայման է Ազգի ու Հայրենիքի փրկութեան համար:

Հաստատելով Արցախի տարածքային ամբողջականութեան վերականգնման, պետականութեան պահպանման, բանակի վերակազմաւորման եւ պատմական իրաւունքներու վերատիրացման գծով իր յանձնառութիւնը, ժողովը էական նկատեց Հայրենիքի փրկութեանգործընթացին մէջ Սփիւռքի լիիրաւ մասնակցութիւնը, համահաւասար իրաւունքներով ու պարտաւորութիւններով:

Ժողովի աւարտին ընտրուեցաւ Կեդրոնական Կոմիտէի նոր կազմ, յառաջիկայ երկու տարիներուն համար. Հրաչ Վարժապետեան (ներկայացուցիչ), Նուպար Վարդանեան, Մուրատ Արսլանեան, Յարութ Մարտիրոսեան, Թալին Թաշճեան-Ցուկունեան, Պերճ Քերթէշեան, Տիգրան Շահմիրեան:

 

ՀՅԴ Արեւմտեան Եւրոպայի 83-րդ Շրջանային ժողով

3 հոկտեմբեր 2022, Փարիզ

 

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։