Հա

Ազգային

07/11/2022 - 14:00

Թող հնչեն յաղթանակի զանգերը

Երբ կը կայանար Ստեփանակերտի պահանջատիրական հանրահաւաքը, Համաշխարհային հայկական գագաթնաժողովը ընթացքի մէջ էր: Ժողովը լսե՞ց արդեօք Արցախէն հնչող ահազանգային ճիչը: Հաւանաբար` ոչ, որովհետեւ այդ մէկ ժամնոց ազատ զրոյցը, որուն նախատեսուած էր, ի միջի այլոց, որ մասնակցի նաեւ Արցախի ներկայացուցիչը, վերջնական օրակարգին վրայ փոխարինուած էր լոկ Հայաստանի արտաքին գործոց նախարարի հետ հանդիպումով մը:

ՏԻԳՐԱՆ ՃԻՆՊԱՇԵԱՆ

 

Երբ կը կայանար Ստեփանակերտի պահանջատիրական հանրահաւաքը, Համաշխարհային հայկական գագաթնաժողովը ընթացքի մէջ էր: Ժողովը լսե՞ց արդեօք Արցախէն հնչող ահազանգային ճիչը: Հաւանաբար` ոչ, որովհետեւ այդ մէկ ժամնոց ազատ զրոյցը, որուն նախատեսուած էր, ի միջի այլոց, որ մասնակցի նաեւ Արցախի ներկայացուցիչը, վերջնական օրակարգին վրայ փոխարինուած էր լոկ Հայաստանի արտաքին գործոց նախարարի հետ հանդիպումով մը: Ի՞նչ եզրակացութիւններ, ի՞նչ պատգամ համայն հայութեան հնչեցուց այս գագաթնաժողովը: Կ՛ըսեն, որ մասնակիցները առիթ ունեցեր են ազատօրէն իրենց տեսակէտները հնչեցնելու. այդ տեսակէտներէն ոմանց հանդիպեցանք հատուկենտ տեսակցութիւններու միջոցով: Լաւ, հիմա ի՞նչ պիտի ընենք, որ նախապէս չէինք ըներ. ի վերջոյ ինչո՞ւ գումարուեցաւ այս բարձրաթռիչ անունով ժողովը: Ո՛չ մամուլի ասուլիս, ո՛չ իսկ յայտարարութիւն մը: Անցաւ, գնաց: 

Ստեփանակերտի հանրահաւաքին յաջորդ օրն իսկ, Դիմադրութիւն շարժումը յայտարարեց նոյեմբեր 5-ին հանրահաւաքով մը արձագանգելու որոշման մասին: Շաբաթ, 5 նոյեմբերի հանրահաւաքը բազմամարդ էր, շատ աւելի բազմամարդ, քան նախորդ բոլոր հանրահաւաքները: Մտահոգ անտարբերութենէն պահանջատիրութիւն անցումը տակաւին չէ իրագործուած, սակայն ակներեւ է, որ դրական գործընթաց մը սկիզբ առած է, արթնացումը տեսանելի է, միասնականութեան պահանջը` հրամայակա՛ն: 

Ուշագրաւ է, որ թէ՛ գագաթնաժողովի մասին եւ թէ՛ արցախեան պահանջատիրութեան մասին իշխանական լրատուամիջոցները լուռ են: Ո՛չ կը քննադատեն, ո՛չ ալ կը մեկնաբանեն: Լուռ են նաեւ պետական պաշտօնատարները: Սա շփոթի մատնուած ըլլալու, տարակուսանքի արդի՞ւնք է, թէ՞ ժողովրդային պահանջը անտեսելու, բողոքի շարժման այս փուլը ձախողութեան մատնելու նենգաւոր վերաբերում: 

Բազմաթիւ բանախօսներ իրարու յաջորդեցին այս հանրահաւաքին: Գլխաւոր թեման միասնականութեան վերահաստատումն էր հայրենիքը ամէն գնով պաշտպանելու գաղափարին շուրջ: Ինչպէս Իշխան Սաղաթէլեան շեշտեց իր ելոյթին ընթացքին, այսօր մեզի անհրաժեշտ է իրականացնել. 

«Միասնականութիւն մեր ներսում,

Միասնականութիւն Արցախին,

Միասնականութիւն սփիւռքին»: 

Ժամանակն է, որ սփիւռքը, յատկապէս այն սփիւռքը որ բացակայ էր գագաթնաժողովին, իր վճռական խօսքը ըսէ: Արցախը կորսնցնելու ու Հայաստանի անկախութիւնը վտանգելու ճգնաժամային փուլ մը կը դիմագրաւենք ու ժամանակ չունինք կորսնցնելիք: Վտանգը մեր դռներուն հասած է, ու պարտաւոր ենք Հայաստանի ու Արցախի մեր քոյրերուն եւ եղբայրներուն ցոյց տալու, որ իրենք առանձին չեն: 

Հանրահաւաքէն օր մը առաջ, Ամենայն հայոց կաթողիկոսութեան Հոգեւոր գերագոյն խորհուրդը դուրս եկաւ իր սովորական լռութենէն եւ կոչ ուղղեց ականջալուր ըլլալու Արցախի վիրաւոր ժողովուրդի կանչին: Իսկ հանրահաւաքի ընթացքին ելոյթ ունենալով, Տաւուշի թեմի քաջարի առաջնորդ Բագրատ եպս. Գալստանեան ժողովուրդին փոխանցեց կաթողիկոսին ողջոյնը: Բագրատ սրբազանի հոգեշունչ պատգամէն հատուածով մը կ՛եզրակացնեմ այս յօդուածը: 

«Թող հնչեն յաղթանակի զանգերը, որպէսզի հայ մարդը երբեք չլքի իր տունը, հայ ծնողը արցունք չտեսնի, որպէսզի Եռաբլուրը անտէր ու անիմաստ չմնայ, որպէսզի Եռաբլուրը Ծիծեռնակաբերդ չդառնայ: Ես հաւատում եմ, որ հոգեւոր Հայաստանը յաղթելու է Նոր Հայաստանին, իրական Հայաստանը յաղթելու է կեղծ եւ ֆէյսպուքեան Հայաստանին, տաճարը յաղթելու է փողոցին, ոգին յաղթելու է դուխին, հաշտութիւնն ու սէրը յաղթելու են ատելութեանը եւ թշնամանքին եւ Եռագոյնը յաղթելու է սեւ ու սպիտակին»:

 

«Ազդակ»

 

Յարակից լուրեր

  • Ի՞նչ է Բերձորի միջանցքի բացման հայաստանեան քաղաքականութիւնը
    Ի՞նչ է Բերձորի միջանցքի բացման հայաստանեան քաղաքականութիւնը

    Արցախի պաշարումին 56-րդ օրն է. բազմաթիւ յայտարարութիւնները, դատապարտումները ոչինչ փոխած են ահազանգիչ կացութենէն: Արդարութեան միջազգային ատեանի քննարկումները եւս մնացին անհետեւանք: Ստեղծուած կացութիւնը կը գտնուի փակուղային վիճակի մէջ:

  • Զօրաշարժ Ի Խնդիր Արցախի Պաշտպանութեան
    Զօրաշարժ Ի Խնդիր Արցախի Պաշտպանութեան

    Լիբանանի մէջ գործող հայկական երեք կուսակցութիւնները` Սոցիալ դեմոկրատ հնչակեան կուսակցութիւնը, Հայ յեղափոխական դաշնակցութիւնը եւ Ռամկավար ազատական կուսակցութիւնը կը հրաւիրեն «Արցախի զօրակցական հաւաքի` ընդդէմ Ազրպէյճանի կողմէ ծաւալած հայաթափման արշաւին»: Երեք կուսակցութիւններու ախտորոշումը պարզ է եւ մեկին. Բերձորի միջանցքի փակման նպատակը Արցախի հայաթափումն է: Իլհամ Ալիեւ բառացիօրէն ըսած է, որ Բերձորի միջանցքը չէ փակուած. ճանապարհը բաց է անոնց համար, որոնք չուզելով ապրիլ իբրեւ Ազրպէյճանի քաղաքացիներ, կրնան մեկնիլ: Արցախի մէջ պաշարուած 120.000 հայերը, նաեւ անոնք, որոնք 2020-ի պատերազմին պատճառով գաղթական դարձան, կը մերժեն Ազրպէյճանի քաղաքացիութիւնը ընդունիլ եւ կը յայտարարեն, որ Արցախը չի կրնար Ազրպէյճանի մաս կազմել: Անոնք որոշած են ուրեմն մնալ իրենց պապենական հողերուն վրայ եւ պայքարիլ ի խնդիր Արցախի Հանրապետութեան ինքնորոշման:

  • Վասն միասնական պայքարի
    Վասն միասնական պայքարի

    Հայաստանի ու Արցախի շուրջ ծաւալուող իրադարձութիւնները շփոթեցնող են: Ամիսէ մը աւելի է, որ Բերձորի ճանապարհը, որ Արցախը Հայաստանի միջոցով աշխարհին կապող միակ ուղին է, փակ է: Պատահածի մասին բոլորը կը խօսին, յայտարարութիւններ կ՛ընեն, երեւոյթին անընդունելի ըլլալը կը շեշտեն, նոյնիսկ կը բողոքեն, սակայն սայլը տեղէն չի շարժիր, ու Լաչինի միջանցքը կը մնայ անանցանելի: Գործնապէս ոչինչ կը կատարուի, բացի ոչ մէկ նորութիւն բերող մամուլի ասուլիսներէն, փակ դռներու ետեւ կայացող բանակցութիւններէն ու կացութեան անելանելիութիւնն ու վտանգաւորութիւնը շեփորող ելոյթներէն:

  • Շարունակուող շրջափակումը եւ զայն բացառելու անհրաժեշտութիւնը
    Շարունակուող շրջափակումը եւ զայն բացառելու անհրաժեշտութիւնը

    10 դեկտեմբեր 2022-ին, ազրպէյճանական պատուիրակութիւն մը կը ծրագրէր այցելել Մարտակերտի շրջանի Դրմբոն եւ Կաշէն հանքավայրերը: Նախապէս, Ռուսիոյ խաղաղապահ զօրակազմի հրամանատարութիւնը, առանց խորհրդակցելու Արցախի Հանրապետութեան պատկան իշխանութեան հետ, արտօնած էր ազրպէյճանցիներու միանգամեայ տեսողական այցելութիւնը յիշեալ հանքավայրեր: Այցելութեան կայացման արգելք եղած են տեղի բնակիչները եւ ստիպած դադրեցնել շրջայցը: 

  • Խաղաղութեան պայմանագիրը. Պատրա՞նք, թէ՞ իրականութիւն
    Խաղաղութեան պայմանագիրը. Պատրա՞նք, թէ՞ իրականութիւն

    Հայաստանի անվտանգութեան խորհուրդի քարտուղար Արմէն Գրիգորեանի համաձայն, Հայաստանի իշխանութիւնները կը ներդնեն առաւելագոյն ջանքերը, որպէսզի մինչեւ տարեվերջ, ինչպէս խոստացած էր խաղաղութեան դարաշրջանի ճարտարապետ Նիկոլ Փաշինեան, կնքուի խաղաղութեան համաձայնագիրը Ազրպէյճանի հետ: Քիչ ժամանակ մնացած է մինչեւ տարեվերջ, այս պատճառով ալ աճապարանքը ակներեւ է:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։