Հա

Ազգային

09/11/2022 - 13:10

Հայ Դատի Ամերիկայի յանձնախմբի գլխաւորած կոալիցիային յաջողւեց խափանել Մեհմեդ Օզի ընտրութիւնն իբրեւ ԱՄՆ Սենատի անդամ

Հայ Դատի Ամերիկայի յանձնախմբի գլխաւորած կոալիցիայի տեւական ջանքերի արդիւնքում, որին մաս էին կազմում Ամերիկայի յունական, հրէական, քրդական եւ այլ համայնքային կազմակերպութիւններ, հնարաւոր է եղել խափանել Թուրքիայի նախագահ Ռեջեփ Թայիփ Էրդողանի մտերիմ քաղաքական գործիչ, ազգութեամբ թուրք եւ Թուրքիայի քաղաքացի Մեհմեդ Օզի ընտրութիւնը որպէս ԱՄՆ Սենատի անդամ։ Օզը, բացի թուրքական իշխող վերնախաւի հետ իր անթաքոյց կապերով, յայտնի է նաեւ Հայոց Ցեղասպանութեան մերժմամբ։

Հայ Դատի Ամերիկայի յանձնախմբի գլխաւորած կոալիցիայի տեւական ջանքերի արդիւնքում, որին մաս էին կազմում Ամերիկայի յունական, հրէական, քրդական եւ այլ համայնքային կազմակերպութիւններ, հնարաւոր է եղել խափանել Թուրքիայի նախագահ Ռեջեփ Թայիփ Էրդողանի մտերիմ քաղաքական գործիչ, ազգութեամբ թուրք եւ Թուրքիայի քաղաքացի Մեհմեդ Օզի ընտրութիւնը որպէս ԱՄՆ Սենատի անդամ։ Օզը, բացի թուրքական իշխող վերնախաւի հետ իր անթաքոյց կապերով, յայտնի է նաեւ Հայոց Ցեղասպանութեան մերժմամբ։ Մեհմեդ Օզի ընտրւելը որպէս սենատոր, էական խոչընդոտներ կարող էր յարուցել ինչպէս Ամերիկայի հայ համայնքի, այնպէս էլ հայ-ամերիկեան յարաբերութիւնների համար։

Հայ Դատի Ամերիկայի կենտրոնական գրասենեակը, Հայ Դատի Ամերիկայի Արեւելեան ափի յանձնախմբի եւ Փենսիլւանիայի տեղական յանձնախմբի հետ միասին, ինչպէս նաեւ համայնքային ներգրաւմամբ, ամիսներ շարունակ պայքարել է ձախողելու համար Օզի ընտրութիւնը։ Այդ ամբողջ ընթացքում էական աշխատանք է տարւել ընտրողների հետ՝ վերջիններիս համար բացայայտելով Օզի իրական կապերը, քաղաքական ծագումը եւ անհամապատասխանութիւնն ամերիկեան քաղաքական մշակոյթին, լայնօրէն օգտագործւել են սոցիալական մեդիայի հնարաւորութիւնները, ինչի արդիւնքում Օզի իրական նպատակներն ու անցեալը ներկայացնող տեսահոլովակը կարճ ժամանակահատւածում հաւաքել է միլիոնաւոր դիտումներ։ Հայ Դատի յանձնախումբը նաեւ ԱՄՆ արդարութեան դեպարտամենտին կոչ էր արել հետաքննութեամբ պարզել, թէ արդեօք Օզի գործունէութիւնը երկիրն արտաքին ազդեցութիւններից պաշտպանող ամերիկեան օրէնսդրութեան խախտում չէ։ Հայ Դատի Վաշինգտոնի գրասենեակն ու համապատասխան շրջանային ու տարածքային յանձնախմբերը Մեհմեդ Օզի դէմ կազմակերպել են նաեւ բողոքի ցոյցեր եւ երթեր։

Փենսիլւանիայի ընտրութիւնների արդիւնքում նահանգից ընտրւել է Հայ Դատի յանձնախմբի համակրանքը վայելող Ջոն Ֆեթերմանը, ով յայտնի է իր անթաքոյց հայամէտ վարքով եւ շարունակապէս իր սատարումն է յայտնում Հայ Դատի Ամերիկայի յանձնախմբի հետապնդած աշխատանքներին։

Այս յաղթանակի առնչութեամբ Հայ Դատի Ամերիկայի յանձնախմբի նախագահ Րաֆֆի Համբարեանը նկատել է․ «Այս պատմական յաղթանակով Հայ Դատի Ամերիկայի յանձնախումբը ԱՄՆ Սենատը, Փենսիլւանիայի ժողովրդին եւ ամերիկեան ժողովրդավարութիւնը պաշտպանեց Հայոց Ցեղասպանութիւնը ժխտողից, ով խորը կապեր ունի Թուրքիայի թշնամական վարչակարգի հետ։ Այս շրջադարձային յաղթանակը աւելի քան մէկ տարւայ ռազմավարական պլանաւորման եւ համայնքային ու կոալիցիոն անխոնջ ջանքերի արդիւնքն է՝ սկսած հետազօտութիւններից, ընտրողների կրթութիւնից, լրատւամիջոցների օգտագործումից, եւ այլ նպատակային ընտրական նախաձեռնութիւններից: Մենք գոհ ենք դոկտոր Օզի պարտութիւնից եւ անհամբեր սպասում ենք աշխատել Ջոն Ֆեթերմանի հետ»:

 

ՀՅԴ Բիւրոյի Հայ Դատի կենտրոնական գրասենեակ

09.11.2022 թ.

 

Յարակից լուրեր

  • ՀՅԴ Հայ Դատի յանձնախմբերի եւ գրասենեակների աշխատանքների ամփոփագիր (Յունւար 2023թ․)
    ՀՅԴ Հայ Դատի յանձնախմբերի եւ գրասենեակների աշխատանքների ամփոփագիր (Յունւար 2023թ․)

    ՀՅԴ Բիւրոյի Հայ Դատի Կենտրոնական գրասենեակի յատուկ ծրագրերի պատասխանատու Գէորգ Ղուկասեանը յունւարի 19-ին հանդիպել է Արցախի Հանրապետութեան արտաքին գործերի նախարար Սերգէյ Ղազարեանին եւ վերջինիս փոխանցել Հայ Դատի Ամերիկայի յանձնախմբի Փասադենայի տեղական ենթայանձնախմբի կողմից ուղարկւած Փասադենայի քաղաքապետ Վիկտոր Գորդոյի Արցախի ժողովրդի եւ նրա պայքարի զօրակցութեան յայտարարութիւնը։ 

  • ԱՄՆ-ում քսան տարբեր կազմակերպութիւնների ներգրաւմամբ, ձեւաւորւել է «Save Karabakh» կոալիցիան
    ԱՄՆ-ում քսան տարբեր կազմակերպութիւնների ներգրաւմամբ, ձեւաւորւել է «Save Karabakh» կոալիցիան

    Հայ Դատի Ամերիկայի յանձնախմբի առաջնորդութեամբ Ամերիկայի Միացեալ Նահանգներում ձեւաւորւել է «Save Karabakh» կոալիցիան։ Այս նախաձեռնութիւնը յաջորդել է ԱՄՆ Կոնգրեսում Արցախի շրջափակման ադրբեջանական քաղաքականութիւնը դատապարտող երկկուսակցական բանաձեւի շրջանառութեան մէջ դնելուն, որը նախաձեռնել են Կոնգրեսի հայկական խմբի համանախագահներ Ֆրենք Փալոնը, Գուս Բիլիրակիսը, Ադամ Շիֆը, Դաւիթ Վալադաոն եւ ԱՄՆ Ներկայացուցիչների պալատի արտաքին յարաբերութիւնների յանձնաժողովի աւագ անդամ Բրեդ Շերմանը։

  • ԱՄՆ Կոնգրեսում կը ներկայացւի Լաչինի միջանցքի ապաշրջափակում պահանջող բանաձեւ
    ԱՄՆ Կոնգրեսում կը ներկայացւի Լաչինի միջանցքի ապաշրջափակում պահանջող բանաձեւ

    ԱՄՆ Կոնգրեսի հայկական խմբի համանախագահներ Ֆրենք Փալոնը, Գուս Բիլիրակիսը, Ադամ Շիֆը, Դաւիթ Վալադաոն եւ ԱՄՆ Ներկայացուցիչների պալատի արտաքին յարաբերութիւնների յանձնաժողովի աւագ անդամ Բրեդ Շերմանը շրջանառութեան մէջ են դրել երկկուսակցական բանաձեւի նախագիծ՝ նպատակ ունենալով վերջ տալ Ադրբեջանի կողմից Արցախի շրջափակմանը։

  • Մեծ Բրիտանիայում Արցախի շահերի պաշտպանութեան շուրջ կատարւած աշխատանքների մասին
    Մեծ Բրիտանիայում Արցախի շահերի պաշտպանութեան շուրջ կատարւած աշխատանքների մասին

    Արցախի նկատմամբ ադրբեջանական հերթական ագրեսիայից յետոյ, որը դրսեւորվեց Արցախն արտաքին աշխարհից ֆիզիկապէս մեկուսացնելով, ՀՅԴ Հայ Դատի յանձնախմբերն ու գրասենեակներն անմիջապէս ձեռնմուխ եղան ստեղծւած իրավիճակի յաղթահարմանն ուղղւած գործողութիւնների, որոնք միտւած են Արցախի համար արտաքին քաղաքական զօրակցութեան, իսկ Ադրբեջանի համար՝ միջազգային ճնշումների ապահովմանը։ Կատարւած աշխատանքների մասին ՀՅԴ Բիւրոյի Հայ Դատի Կենտրոնական գրասենեակը պարբերաբար հանդէս է գալիս հաղորդագրութիւններով։

  • Սենատորները դիմել են Բայդէնի վարչակազմին՝ Արցախ հումանիտար օգնութիւն ուղարկելու պահանջով
    Սենատորները դիմել են Բայդէնի վարչակազմին՝ Արցախ հումանիտար օգնութիւն ուղարկելու պահանջով

    ԱՄՆ սենատորներ Բոբ Մենենդէսը եւ Ջեք Ռիդը՝ համապատասխանաբար Սենատի արտաքին յարաբերութիւնների յանձնաժողովի եւ Զինւած ծառայութիւնների յանձնաժողովների նախագահները կոչ են արել Բայդէնի վարչակազմին շտապ օգնութիւն ուղարկել Արցախ (Լեռնային Ղարաբաղ) եւ ուժեղացնել ճնշումն Ադրբեջանի վրայ՝ վերացնելու այնտեղ բնակւող 120,000 հայերի մէկամսեայ շրջափակումը իրենց բնիկ հայրենիքում։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։