Հա

Ազգային

25/11/2022 - 13:50

ՀՅԴ Բիւրոյի ներկայացուցիչն հանդիպումներ է ունեցել Արցախի Հանրապետութեան ղեկավարութեան հետ

ՀՅԴ Բիւրոյի ներկայացուցիչ Յակոբ Տէր-Խաչատուրեանն Արցախի Հանրապետութիւն երկօրեայ աշխատանքային այցի շրջանակներում հանդիպումներ է ունեցել ՀՅԴ Արցախի ԿԿ-ի, ԱՀ նախագահ Արայիկ Յարութիւնեանի, ԱՀ Անվտանգութեան խորհրդի քարտուղար Վիտալի Բալասանեանի, Արցախի պետնախարար Ռուբէն Վարդանեանի հետ։

ՀՅԴ Բիւրոյի ներկայացուցիչ Յակոբ Տէր-Խաչատուրեանն Արցախի Հանրապետութիւն երկօրեայ աշխատանքային այցի շրջանակներում հանդիպումներ է ունեցել ՀՅԴ Արցախի ԿԿ-ի, ԱՀ նախագահ Արայիկ Յարութիւնեանի, ԱՀ Անվտանգութեան խորհրդի քարտուղար Վիտալի Բալասանեանի, Արցախի պետնախարար Ռուբէն Վարդանեանի հետ։

Քննարկումների առանցքը եւ շեշտադրումն է եղել ՀՅԴ համահայկական կառոյցի ողջ ներուժի ներդրումն ի սպաս Արցախի։ Արտաքին ճակատի ուղղութեամբ տարւող աշխատանքներում ՀՅԴ Բիւրոյի ներկայացուցիչը ընդգծել է Արցախի ինքնորոշման իրաւունքի շեշտադրումը։ Տէր-Խաչատուրեանը յստակ նշել է՝ ՀՅ Դաշնակցութեան նպատակն է՝ գործադրել ամէն ինչ, մոռացութեան չմատնելու Արցախի հարցը եւ վերականգնելու ԵԱՀԿ Մինսկի խմբի համանախագահների ձեւաչափը: Իսկ ՀՀ-ի հետ որեւէ համաձայնութիւն կնքման պարագայում, անհրաժեշտ է Արցախի կարգավիճակը միջազգային օրակարգում պահելու խնդրի շեշտադրումը: Ացախի հարցը մնում է այժմէական է եւ լուծման կարօտ։ Պէտք է բացառել ուժի կիրառումը եւ վերակենդանացնել բոլոր այն ձեւաչափերը, որոնք կը նպաստեն հարցի լուծմանը։

Յստակ է նաեւ ներքին ճակատում ՀՅԴ դիրքորոշումը։ Արցախի շահերի պաշտպանութեան համար պէտք է լինի համահայկական համախմբւածութիւն։ Արցախի ժողովուրդը հոկտեմբերի 30-ի հանրահաւաքով արտայայտել է իր կամքը, սակայն իշխանութիւններն էլ պէտք է պնդեն, որ ամէն գնով բացառելու են Արցախի՝ Ադրբեջանի կազմում յայտնւելը եւ աշխատելու են վերականգնել ներազգային միասնութիւնը։

ՀՅԴ Բիւրոյի ներկայացուցիչը ողջունել է Ռուբէն Վարդանեանի պետնախարարի՝ պաշտօնում նշանակւելը եւ յոյս ունել, որ նոր մօտեցումներով եւ ուժերի համախմբմամբ կարելի կը լինի լծւել նաեւ ներքին ճակատի խնդիրները լուծելուն։ Տէր-Խաչատուրեանը նշել է, որ ոչ միայն ՀՅԴ Արցախի կենտրոնական կոմիտէութիւնն է իր աշխոյժ մասնակցութիւնը բերում Արցախի քաղաքական կեանքին: ՀՅԴ աշխարհասփիւռ շրջանները որդեգրել են գիւղական համայնքների եւ գիւղատնտեսութեան զարգացման, ինչպէս նաեւ ազատամարտիկների ընտանիքների օժանդակութեան մի շարք ծրագրեր: ՀՕՄ-ի միջոցով ՀՅԴ մեծ ընտանիքն իր օժանդակութիւնն է ցուցաբերել տեղահանւած ընտանիքներին, հաստատւել է «Արեւային Արցախ» ծրագիրը, որի շնորհիւ ՀՕՄ-ի միոցներով արեւային ջրատաքացուցիչներ է տեղադրւում գիւղական համայնքներում: ՀՕՄ-ը շարունակում է իր մանկապարտէզների ցանցի հովանաւորութիւնը: Արցախում այժմ գործում են նաեւ ՀՄԸՄ-ի սկաուտական կառոյց եւ Համազգային մշակութային միութեան գրասենեակ:

Արցախի Հանրապետութեան ներկայացուցիչները բարձր են գնահատել ՀՅԴ Արցախի ու համահայկական կառոյցի դերն ու ներդրումը:

 

Arfd.am

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։