Հա

Ազգային

30/11/2022 - 14:10

Հայ Դատի յանձնախումբը ԱՄՆ Կոնգրեսին կոչ է արել Արցախին 50 մլն դոլարի օգնութիւն յատկացնել

Ամերիկայի Հայ Դատի յանձնախումբը ԱՄՆ-ի օրէնսդիրներին կոչ է անում քննարկւող տարեվերջեան ծախսերի փաթեթում ընդգրկել Արցախին 50 միլիոն դոլարի օգնութեան փաթեթը: Այս մասին յայտնում է Հայ Դատի յանձնախումբը:

«alikonline.ir» - Ամերիկայի Հայ Դատի յանձնախումբը ԱՄՆ-ի օրէնսդիրներին կոչ է անում քննարկւող տարեվերջեան ծախսերի փաթեթում ընդգրկել Արցախին 50 միլիոն դոլարի օգնութեան փաթեթը: Այս մասին յայտնում է Հայ Դատի յանձնախումբը:

Սենատի արտաքին յարաբերութիւնների յանձնաժողովի նախագահ Բոբ Մենենդէսին հասցէագրւած նամակում Ամերիկայի Հայ Դատի յանձնախմբի նախագահ Րաֆֆի Համբարեանը ամերիկահայ համայնքի եւ կոալիցիոն գործընկերների անունից շնորհակալութիւն է յայտնել նրան Կովկասում ԱՄՆ քաղաքականութեան վերաբերեալ վերջին լսումների համար:

Լսումների ընթացքում Բոբ Մենենդէսն անընդունելի էր անւանել Վաշինգտոնի ռազմական աջակցութիւնն Ադրբեջանին եւ արցախահայերին օգնութիւն չուղարկելը:

Սենատի արտաքին յարաբերութիւնների յանձնաժողովի նախագահ Մենենդէսին ուղղւած նամակում նաեւ նշւում է հետեւեալը. «Ինչպէս ցաւալիօրէն երեւաց Ձեր լսումների ժամանակ, ԱՄՆ-ի ներկայիս ներգրաււածութիւնը տարածաշրջանում ղեկավարւում է նաւթով հարուստ Ադրբեջանի կողմից՝ կոռումպացւած բռնապետութիւն, որին Բայդէնի վարչակազմը թոյլ է տւել թելադրել ԱՄՆ-ի քաղաքականութիւնը»։

Կոնգրեսի հայկական յանձնախմբի հիմնադիր համանախագահ Ֆրենկ Փալոնին յղած նամակում Համբարեանը շեշտել է. «Ինչպէս գիտէք, Բայդէնի վարչակազմը, ինչպէս եւ նախկինում Թրամփի վարչակազմն Ադրբեջանի ճնշման տակ Արցախին ԱՄՆ մարդասիրական օգնութիւնն արգելափակելու անխոհեմ եւ անպատասխանատու քաղաքականութիւն են վարել՝ չնայած այնտեղ դրա լուրջ կարիքին, ինչպէս նաեւ երկու կուսակցութիւնների լայն աջակցութեանը, որն այս օգնութեան ծրագիրը վայելում է Կոնգրեսի երկու պալատներում։ Արցախին ԱՄՆ-ի օգնութեան դէմ Ադրբեջանի վետոյի վերացումը Ամերիկայի Հայ Դատի յանձնախմբի եւ մեր համայնքի եւ կոալիցիոն գործընկերների համար օրէնսդրական գերակայութիւն է»:

Սեպտեմբերին կոնգրեսական Փալոնը եւ Նեւադայի կոնգրեսական Դինա Տիտուսը Կոնգրեսի աւելի քան 45 անդամների աջակցութեամբ դիմել էին ԱՄՆ պետքարտուղար Էնթոնի Բլինքէնին եւ ԱՄՆ Միջազգային զարգացման գործակալութեան (USAID) ադմինիստրատոր Սամանթա Փաուէրին` կոչ անելով «անյապաղ քայլեր ձեռնարկել՝ յատկացնելով զգալի ռեսուրսներ» վտանգի տակ գտնւող Արցախի հայ բնակչութեանն աջակցելու համար:

 

Յարակից լուրեր

  • Արցախում աջակցութիւն կը տրամադրւի շրջափակման պատճառով աշխատանքից ազատւած անձանց
    Արցախում աջակցութիւն կը տրամադրւի շրջափակման պատճառով աշխատանքից ազատւած անձանց

    Արցախում շրջափակման հետեւանքների մեղմմանն ուղղւած սոցիալական ծրագրերի շրջանակում ֆինանսական աջակցութիւն կը ցուցաբերւի 2022 թւականի դեկտեմբերի 12-ից մինչեւ ընթացիկ տարւայ փետրւարի 1-ն ընկած ժամանակահատւածոււմ աշխատանքից ազատւած անձանց:

  • Արցախի թեմում նշւեց Ս. Սարգսի տօնը, կատարւեց երիտասարդների օրհնութեան կարգ
    Արցախի թեմում նշւեց Ս. Սարգսի տօնը, կատարւեց երիտասարդների օրհնութեան կարգ

    Արցախի թեմում երէկ՝ փետրւարի 4-ին նշւեց Ս. Սարգսի տօնը, որի առթիւ թեմի գործող եկեղեցիններում կատարւեց երիտասարդների օրհնութեան կարգ: Այս մասին տեղեկացնում են Հայ Առաքելական Սուրբ Եկեղեցու Արցախի թեմից։

  • Քաղաքական նախաձեռնութիւններ շրջափակման պայմաններում
    Քաղաքական նախաձեռնութիւններ շրջափակման պայմաններում

    Շարունակւող շրջափակումը անկիւնադարձային փոփոխութիւնների է ենթարկել Արցախում բնակւող իւրաքանչիւր անհատի առօրեայ կեանքը: Այդ փոփոխութիւնները անհատական դաշտից առաւել նկատելի են Արցախի քաղաքական, տնտեսական, անվտանգային եւ կենսապահպանման համակարգերում: Բնական է, որ լուծելի խնդիրների առաջին շարքում պարենի, առաջին անհրաժեշտութեան ապրանքների սակաւութեան վերացման կամ հաւասարաչափ բաշխման համակարգի ստեղծումն է:

  • Ինչի՞ մասին է խօսքը…
    Ինչի՞ մասին է խօսքը…

    Արցախի շրջափակման 51-րդ օրն է եւ հայութեան համաշխարհային զօրաշարժը մտած է իր տարերքին մէջ։ ՀՅԴ համաժողովրդական համակարգը ամէն կողմ է։ Նոյնպիսի թափով կը գործեն Սփիւռքի միւս քաղաքական եւ հասարակական կազմակերպութիւնները։ Յանկարծ Արցախի պահանջատիրական խօսոյթը նոյն նշանաբանով կը թուի գործել հայ կեանքի բոլոր շերտերէն։ Արցախը կը գտնուի իր կենաց-մահու մարտահրաւէրին առջեւ եւ Արցախի փրկութիւնը ամբողջ հայութեան աւագ խնդիրն է այս պահուն։

  • Բերձորի միջանցքի շրջափակումը կրնայ միջազգային ճանաչման ենթահողի վերածուիլ
    Բերձորի միջանցքի շրջափակումը կրնայ միջազգային ճանաչման ենթահողի վերածուիլ

    Բերձորի միջանցքի շրջափակումին հետեւանքով հայկական կողմին ջանքերը՝ միջազգային ընտանիքին դիմաց մերկացնելու Ատրպէյճանի Արցախը հայաթափելու իսկական նպատակը, սկսան արձագանգ գտնել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։