Ծաւալապաշտական նկրտումները բաւարարելու Ադրբեջանի յանցաւոր քաղաքականութիւնը շարունակւում է։
Ծաւալապաշտական նկրտումները բաւարարելու Ադրբեջանի յանցաւոր քաղաքականութիւնը շարունակւում է։
Հեռահար նպատակներ հետապնդող «բնապահպանական» կազմակերպւած սադրանքիհետևանքով 2022 թւականի դեկտեմբերի 12-ից փակ է Արցախն ու Հայաստանը իրարկապող միակ ճանապարհը՝ Բերձորի միջանցքը։ Փաստօրէն Արցախը գտնւում է ամբողջական շրջափակման մէջ եւ շուրջ 120,000 հայ բնակչութիւնը կանգնած է հումանիտարաղէտի առջեւ։
Հերթական անգամ Ադրբեջանը շինծու պատրւակով կոպտօրէն ոտնահարում է 2020 թւականի նոյեմբերի 9-ի եռակողմ յայտարարութեամբ ձեռք բերւած պայմանաւորւածութիւնները՝ առանց լուրջ հակազդեցութեան արժանանալու Հայաստանի եւ Ռուսաստանի կողմից։
Ադրբեջանի այս սանձարձակ վարքագիծը, ինչպէս միշտ բացայայտ կերպով հովնաւորւում է Թուրքիայի ռազմաքաղաքական ղեկավարութեան կողմից։ Թուրք-Ադրբեջանական տանդեմի նպատակները պարզ են՝ հայաթափել Արցախը, մասնատել եւ ինքնիշխանութիւնից զրկել Հայաստանի Հանրապետութեանը։
Անցնող շաբաթների ընթացքում արցախահայութիւնը հերթական անգամ ի ցոյց դրեց իրանկոտրում կամքն ու ոգին եւ հակառակ բոլոր դժւարութիւններին շարունակում է տէր կանգնել իր ինքնիշխանութեանը։ Տարբեր միջազգային կառոյցների եւ ատեանների, բազմաթիւ երկրների պետական հաստատութիւնների եւ պաշտօնատար անձանց հասցէական դատապարտումները, առանձին գործիչների յայտարարութիւնները խիստ կարեւոր եւ գնահատելի նկատելով հանդերձ, կ’անդրադառնանք, որ դրանք բաւարար չեն Ադրբեջանի անմարդկային գործելակերպը կանխելու համար։
Հ.Յ. Դաշնակցութիւնն իր կազմակերպական միաւորների, Հայ Դատի գրասենեակների եւ յանձնախմբերի, ուղեկից միութիւնների եւ քոյր կառոյցների միջոցով կարողացել է դեկտեմբերի 12-ից դիւանագիտական, քաղաքական, տեղեկատուական-քարոզչական եւ մարդասիրական գետնի վրայ հսկայածաւալ աշխատանքներ իրականացնել եւ այսուհետ եւսարւելու է առաւելագոյնը արցախահայութեանը զօրավիգ կանգնելու եւ Արցախի իրաւունքները պաշտպանելու համար։
Արցախը հայկական պահելու հարցում բոլորս անելիք ունենք։ Դժւարին ու ճակատագրական զարգացումները դեռ առջեւում են։ Ինքնակազմակերպւելու, համազգային ջանքերով մեր իրաւունքներին տէր կանգնելու ու մեր ազգային շահերը պաշտպանելու մարտահրաւէրների առջեւ ենք։
Առ այդ, ՀՅԴ Բիւրօն անհրաժեշտ է համարում Արցախի իշխանութիւնների հետ անմիջականօրէն աշխատող, համահայկական ցանցային ներուժը կազմակերպող եւ համակարգող մարմին առաջացնելու շուրջ գործնական քայլերի ձեռնարկումը։
Միաժամանակ, մէկ անգամ եւս, հարկ ենք համարում Հայաստանի օրւայ իշխանութիւններին յորդորել զերծ մնալու Հայաստանի եւ Արցախի շահերը վտանգող, ապաշնորհ ու անհեռատես քաղաքականութիւնից։ Հայաստանը չի կարող հրաժարւել Արցախի անվտանգութեան երաշխաւորի յանձնառութիւնից։ Որեւէ պարագայում Արցախի ինքնիշխանութիւնը, արցախահայութեան ինքնորոշման իրաւունքը չեն կարող սակարկման առարկայ լինել։ Ցանկացած ետքայլ կարժանանայ հակազդեցութեան՝ բոլոր հնարաւոր ձեւերով եւ եղանակներով։
Հ.Յ.Դ. ԲԻՒՐՕ
Յունւար 05 2023
