ՀՅԴ Հայ Դատի Կանադայի յանձնախմբի աշխատանքների արդիւնքում եւ խորհրդարանի ընդդիմադիր խմբակցութիւնների ջանքերով գումարւել է Կանադայի Խորհրդարանի արտաքին յարաբերութիւնների յատուկ նիստ՝ նւիրւած Արցախի Հանրապետութեան շրջափակմանը։ Յունւարի 18-ին կայացած նիստի արդիւնքում որոշւել է Արցախի շրջափակման հարցով եւս երեք նիստ գումարել, ինչպէս նաեւ տեղում իրավիճակի շուրջ իրազեկւելու համար քննարկման հրաւիրել ԱՄՆ-ում եւ Կանադայում Արցախի Հանրապետութեան ներկայացուցիչ Ռոբերտ Աւետիսեանին եւ Արցախի մարդու իրաւունքների պաշտպան Գեղամ Ստեփանեանին։ Համապատասխան որոշման մէջ օգտագործւած է Լեռնային Ղարաբաղի Հանրապետութիւն ձեւակերպումը։
ՀՅԴ Հայ Դատի Կանադայի յանձնախմբի աշխատանքների արդիւնքում եւ խորհրդարանի ընդդիմադիր խմբակցութիւնների ջանքերով գումարւել է Կանադայի Խորհրդարանի արտաքին յարաբերութիւնների յատուկ նիստ՝ նւիրւած Արցախի Հանրապետութեան շրջափակմանը։ Յունւարի 18-ին կայացած նիստի արդիւնքում որոշւել է Արցախի շրջափակման հարցով եւս երեք նիստ գումարել, ինչպէս նաեւ տեղում իրավիճակի շուրջ իրազեկւելու համար քննարկման հրաւիրել ԱՄՆ-ում եւ Կանադայում Արցախի Հանրապետութեան ներկայացուցիչ Ռոբերտ Աւետիսեանին եւ Արցախի մարդու իրաւունքների պաշտպան Գեղամ Ստեփանեանին։ Համապատասխան որոշման մէջ օգտագործւած է Լեռնային Ղարաբաղի Հանրապետութիւն ձեւակերպումը։
Ադրբեջանի կողմից Արցախի ամբողջական շրջափակման եւ արտաքին աշխարհից մեկուսացման պայմաններում սոյն որոշումն իր բնոյթով բացառիկ է ոչ միայն այն պատճառով, որ կանադական խորհրդարանական յանձնաժողովն օգտագործում է Լեռնային Ղարաբաղի Հանրապետութիւն ձեւակերպումը, այլ նաեւ քննարկման է հրաւիրում Արցախի Հանրապետութեան ներկայացուցիչներին։ Սա Արցախի միջազգային սուբիեկտայնութեան բարձրացման նոր դրսեւորում է, ինչի շուրջ ՀՅԴ Հայ Դատի յանձնախմբերի ու գրասենեակների համաշխարհային ցանցը տեւական շրջան աշխատանքներ է իրականացնում։
ՀՅԴ Հայ Դատի Կանադայի յանձնախումբը եւ ՀՅԴ Բիւրոյի Հայ Դատի կենտրոնական գրասենեակը կանադական խորհրդարանում առաջիկայ զարգացումների վերաբերեալ հանդէս կը գան հաղորդագրութիւններով։
ՀՅԴ Բիւրոյի Հայ Դատի կենտրոնական գրասենեակ
19.01.2023թ.
