Հա

Ազգային

You are here:Գլխաւոր էջ»Uncategorised»Ազգային»Դաշնակցական բեմ»ՀՅԴ 132-ամեակի շքեղ տօնակատարութիւն Գլենդէլի «Ալեքս» թատրոնում
بانک صادرات ایران
20/02/2023 - 13:45

ՀՅԴ 132-ամեակի շքեղ տօնակատարութիւն Գլենդէլի «Ալեքս» թատրոնում

ՀՅԴ 132-ամեակի շքեղ տօնակատարութիւն Գլենդէլի «Ալեքս» թատրոնում

Կիրակի, փետրւարի 19-ի երեկոյեան տեղի ունեցաւ ՀՅԴ 132-ամեակի շքեղ տօնակատարութիւն Գլենդէլի «Ալեքս» թատրոնում: Լեփ լեցուն սրահում ներկայ էին ազգային, եկեղեցական եւ հասարակական կազմակերպութիւնների ներկայացուցիչներ եւ համայնքի անդամներ, որոնք խուռներամ մասնակցութեամբ հաւաքւել էին տօնախմբելու ՀՅԴ-ի հիմնադրման 132-ամեակը Արեւմտեան Ամերիկայի այս ափերում:

Կիրակի, փետրւարի 19-ի երեկոյեան տեղի ունեցաւ ՀՅԴ 132-ամեակի շքեղ տօնակատարութիւն Գլենդէլի «Ալեքս» թատրոնում: Լեփ լեցուն սրահում ներկայ էին ազգային, եկեղեցական եւ հասարակական կազմակերպութիւնների ներկայացուցիչներ եւ համայնքի անդամներ, որոնք խուռներամ մասնակցութեամբ հաւաքւել էին տօնախմբելու ՀՅԴ-ի հիմնադրման 132-ամեակը Արեւմտեան Ամերիկայի այս ափերում:

Միջոցառումը բացւեց ՀՄԸՄ-ի Շրջանային դրօշակախմբի տողանցքով, որոնք պատիւ տալով դրօշակներին ունկնդրեցին ԱՄՆ, Հայաստան եւ Արցախի հիմներգները: Ապա «Մշակ Բանւոր»-ի ներքոյ ՀՅԴ դրօշակը տեղադրուեց բեմի վրայ:

Օրւայ հանդիսավար Կարօ Մատենլեանը բացման խօսքը արտասանելուց յիշատակեց նաեւ միջոցառման ներկայ ընտրեալ պաշտօնեաներին: Ապա բեմ հրաւիրեց Հայ Երիտասարդաց Դաշնակցութեան ներկայացուցիչ՝ Նարեկ Կիւմճեանին իր խօսքն արտասանելու համար:

Նարեկ Կիւմճեանի խօսքից յետոյ ցուցադրւեց կարճ ժապաւէն շրջանի անցնող տարւայ գործունէութեան մասին: Ապա բեմ հրաւիրւեց օրւայ բանախօսներից՝ ԱՄՆ Հայ Դատի գրասենեակի գործադիր տնօրէն՝ Արամ Համբարեանը: Արամ Համբարեանի խօսքերին փոխարինեց Դրօ Գրիգորեանը, որ Արա Տաբաղեանի գիթառի ընկերակցութեամբ երկու յեղափոխական երգեր մատուցեց ներկաներին:

Յաջորդ խօսքը պատկանում էր ՀՅԴ Արեւմտեան ԱՄՆ-ի Կենտրոնական կոմիտէի ներկայացուցիչ՝ Տարօն Տէր-Խաչատուրեանին: Կենտրոնական կոմիտէի ներկայացուցչի խօսքին փոխարինեց ՀՅԴ Հայաստանի Գերագոյն մարմնի նախագահի յատուկ ձայնագրւած պատգամը, որով նա առողջապահական պատճառներով չէր կարողացել անձամբ ներկայ գտնւել միջոցառմանը: Իշխան Սաղաթելեանի խօսքից յետոյ յատուկ բաժնով յիշատակւեց անցնող տարւայ ընթացքում ՀՅԴ Արեւմտեան Ամերիկայի ընտանիքից առյաւէտ բաժանւած ընկերների յիշատակը:

Գեղարւեստական նորարար եւ ազգային յայտագրով հանդէս եկաւ «Լեռնազանգ» անսամբլը ազգային երգ ու պարի գեղեցիկ ցուցադրութեամբ: Գեղարւեստական բաժնից յետոյ թեմի առաջնորդ Սրբազան Թորգոմ Տօնոյեանն իր սրտի խօսքը փոխանցեց հանրութեանը:

Վերջում օրւայ հանդիսավարը բեմ հրաւիրեց միջոցառման գլխաւոր բանախօս, ՀՅԴ Բիւրոյի ներկայացուցիչ՝ Յակոբ Տէր-Խաչատուրեանին օրւայ խօսքը ներկայացնելու համար:

Յայտագրի յաջորդ բաժնում յայտարարւեց, որ թէեւ երէկ հանդիսաւոր երդման արարողութեւմբ նոր ընկերներ են միացել կազմակերպութեան շարքերին, սակայն նոր սերնդի հոսքը դեռ շարունակւում է եւ այժմ տեղի պիտի ունենայ պատանեկան միութեան շարքերը միացող պատանիների երդման արարողութիւն: ԱՄՆ Հայ Դատի գրասենեակի գործադիր տնօրէն՝ Արամ Համբարեանը այս անգամ բեմ բարձրացաւ իբրեւ կնքահայր եւ կարդաց պատանիների երդումը:

Այս հոգեպարար արարողութեանը երկրորդեց յեղափոխական երգերի անզուգական մեկնաբան՝ Գառնիկ Սարգսեանի յեղափոխական երգերի կատարումները, որոնց ընկերակցեցին նաեւ պատանիները: Յայտագիրը փակւեց «Արիւնոտ դրօշ»-ով:

 

Arfd.am

 

Image Gallery

View the embedded image gallery online at:
https://alikonline.ir/news/national/item/81361-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-132-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProId54fa8c6658

Յարակից լուրեր

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ