Արցախի Հանրապետութեան արտաքին գործերի նախարարութիւնը խստիւ դատապարտում է սեպտեմբերի 13-ին Հայաստանի Հանրապետութեան նկատմամբ Ադրբեջանի սանձազերծած ագրեսիւ գործողութիւնները, Հայաստանի սուվերեն տարածքի ռմբակոծութիւնները եւ ուժի կիրառումը։

ԱԳՆ նախարարութեան մամուլի խօսնակ Նասեր Քանանին անդրադարձել է հայ-ադրբեջանական սահմանային վերջին լարւածութիւններին եւ շեշտել է Հայաստանի եւ Ադրբեջանի Հանրապետութիւնների տարածքային ամբողջականութիւնը պահպանելու անհրաժեշտութեանը, հաղորդում է ԱԳ նախարարութիւնը:

Freedom House միջազգային իրաւապաշտպան կազմակերպութիւնն իր անհանգստութիւնն է յայտնել Ադրբեջանի կողմից հայկական բնակավայրերը հրետակոծելու լուրերով։ «Մեզ անհանգստացնում են տեղեկութիւններն այն մասին, որ այս գիշեր ադրբեջանական զինուժը ինտենսիւ հրետակոծութեան է ենթարկել հայկական բնակավայրերը՝ Գորիսը, Ջերմուկը, Վարդենիսը եւ Սոթքը: Մենք կոչ ենք անում երկու կողմերին անյապաղ դադարեցնել կրակը եւ գտնել խաղաղ լուծում», - նշւում է կազմակերպութեան Twitter-ի էջում հրապարակւած յայտարարութեան մէջ:

Սեպտեմբերի 13-ին ադրբեջանական ԶՈՒ ստորաբաժանումները՝ հրետանային միջոցներով, խոշոր տրամաչափի զինատեսակներով լայնածաւալ յարձակման են անցել Սիւնիքի, Վայոց Ձորի, Գեղարքունիքի հայկական դիրքերի եւ բնակավայրերի ուղղութեամբ: Թշնամին կիրառում է նաեւ ԱԹՍ-ներ: Թիրախաւորւել են բնակավայրեր եւ ռազմական օբիեկտներ:

Օլիմպիական խաղերի ոսկէ, արծաթէ, բրոնզէ մեդալակիր Արթուր Ալեքսանեանը հռչակւեց աշխարհի քառակի չեմպիոն: Սերբիայի մայրաքաղաք Բելգրադում աւարտւող յունահռոմէական ըմբշամարտի աշխարհի առաջնութիւնում 97 կգ քաշայինների եզրափակիչ գօտեմարտում գիւմրեցի ըմբիշը չորրորդ անգամ նւաճեց ոսկէ մեդալ:

Հայաստանի տարածքի նկատմամբ Ադրբեջանի ագրեսիայի առնչութեամբ ՀՀ Կառավարութիւնն արդէն դիմել է Ռուսաստանին, ՄԱԿ-ի Անվտանգութեան խորհրդին եւ Հաւաքական անվտանգութեան պայմանագրի կազմակերպութեանը: Այս մասին յայտնել են ՀՀ վարչապետի աշխատակազմից: