Հա

Այլ

08/05/2019 - 09:40

Օրգանիզմում սպիտակուցի անբաւարարութեան 6 նշան

Սպիտակուցն անհրաժեշտ է օրգանիզմի բնականոն աշխատանքի համար, եւ նրա անբաւարարութիւնը կարող է արտայայտւել մի շարք ախտանիշներով:

«alikonline.ir» - Սպիտակուցն անհրաժեշտ է օրգանիզմի բնականոն աշխատանքի համար, եւ նրա անբաւարարութիւնը կարող է արտայայտւել մի շարք ախտանիշներով: Տեղեկացնում է «News.am»-ը:

 

Մազերի եւ եղունգների փխրունութիւն

Մաշկի, եղունգների եւ մազերի որակը կախւած է կերակրացանկում սպիտակուցի քանակութիւնից, քանի որ դրա անբաւարարութիւնը անմիջապէս արտացոլւում է մեր արտաքինի վրայ։ Եթէ օրգանիզմը բաւարար քանակութեամբ սպիտակուց չի ստանում, եղունգների, մազերի եւ մաշկի կառուցւածքը համալրող սպիտակուցների արտադրութիւնը դանդաղում է, եւ արդիւնքում՝ մազերը դառնում են բեկուն եւ խամրած, եղունգները շերտատւում են, իսկ մաշկը աւելի է հակւում բորբոքւելու։

 

Կտրւածքների եւ վէրքերի դանդաղ ապաքինում

Սպիտակուցը մկանային հիւսւածքի բջիջների, մաշկի եւ արեան կարեւոր տարրն է, ուստի եթէ սպիտակուցը կերակրացանկում չի բաւականացնում, վնասւած մաշկի վերականգնումը շատ աւելի ժամանակ է խլում, քան եթէ մարդը բաւականաչափ քանակութեամբ սպիտակուց ստանար։

 

Յաճախակի մրսածութիւն

Սպիտակուցը կարեւոր դեր է խաղում մեր իմունային համակարգի համար, եւ նրա անբաւարարութիւնը թուլացնում է օրգանիզմի իմունային պաշտպանութիւնը։ Երբ մարդիկ քիչ են սպիտակուցներ օգտագործում, նրանք դառնում եմ աւելի խոցելի վարակների հանդէպ։ Եթէ անընդհատ մրսում եւ հիւանդանում էք, վերանայէք ձեր կերակրացանկը եւ փորձեք աւելացնել սպիտակուցային սնունդը, ինչպէս նաեւ մրգերն ու բանջարեղէնները։

 

Անընդհատ քաղցի զգացողութիւն

Սպիտակուցի բաւարար քանակութիւնն ամենօրեայ կերակրացանկում ապահովում է կուշտ լինելու կայուն զգացողութիւն օրւայ ընթացքում. դա բացատրւում է մարսողական համակարգի կողմից սպիտակուցի իւրացման գործընթացի երկարատեւութեամբ։ Սպիտակուցի անբաւարարութեան դէպքում մարդը կարող է մշտական քաղցածութիւն զգալ։ Մասնագէտները խորհուրդ են տալիս սպիտակուցն օգտագործել օրական երեք անգամ՝ սպիտակուցային մթերքների ձեւով։ Հարկ է նաեւ ամէն օր օգտագործել բարդ ածխաջրեր եւ չյագեցած ճարպեր։

 

Յաճախակիացած այտուցներ

Մասնագէտների խօսքով՝ սպիտակուցի անբաւարարութեան ֆոնին խախտւում է օրգանիզմի ջրա-աղային հաւասարակշռութիւնը, ինչի հետեւանքով նրա հիւսւածքներում ջուր է կուտակւում։ Մշտական այտուցները սպիտակուցի անբաւարարութեան ամենատարածւած նշաններից են։ Նման այտուցներ կարող են առաջանալ որովայնի շրջանում, ձեռքերի վրայ, կոճերի եւ ոտնաթաթերի շրջանում։

 

Վատ տրամադրութիւն

Օրգանիզմի բջիջների միջեւ տեղեկատւութեան հաղորդման համար ուղեղն օգտագործում է միջնորդներ՝ նէյրոփոխանցողներ, որոնք կազմւած են ամինաթթուներից՝ սպիտակուցի շինանիւթերից։ Սպիտակուցի անբաւարարութեան պատճառով ուղեղում կարող են առաջանալ խախտումներ, որոնք արտայայտւում են վարքագծում՝ ճնշւած տրամադրութիւն, ընկճախտ, ագրեսիւութիւն։

 

Կերակրացանկում սպիտակուցի աղբիւր կարող են լինել այնպիսի մթերքներ, ինչպիսին են տաւարի միսը, հնդկահաւի միսը, հաւը, ոչ իւղոտ խոզի միսը, ձուկը, կաթնամթերքները, ձուն, լոբազգիները եւ այլ մթերքներ։

Յարակից լուրեր

  • Ի՞նչ կը պատահի, եթէ չափից շատ ջուր խմէք
    Ի՞նչ կը պատահի, եթէ չափից շատ ջուր խմէք

    Ջուրն անհրաժեշտ է օրգանիզմի նորմալ աշխատանքի համար, բայց չարժէ չափից աւելի շատ գործածել. ջրի չափից աւելի շատ գործածման հետեւանքով օրգանիզմից դուրս են գալիս կարեւոր վիտամիններն ու միկրոտարրերը, աւելին՝ կայ սպիտակուցի քայքայման առաջացման վտանգ:

  • 7 պատճառ ամէն առաւօտ դատարկ ստամոքսին ջուր խմելու համար
    7 պատճառ ամէն առաւօտ դատարկ ստամոքսին ջուր խմելու համար

    Ջուրը մարդու օրգանիզմի համար կենսական նշանակութիւն ունեցող հեղուկ է, մինչդեռ շատերը մոռանում են օրւայ ընթացքում բաւարար քանակութեամբ ջուր խմելու անհրաժեշտութեան մասին: Ջուրը յատկապէս օգտակար է առաւօտեան դատարկ ստամոքսին խմելու դէպքում, ուստի մասնագէտները ներկայացրել են 7 պատճառ ամէն առաւօտ օրը մաքուր ջրով սկսելու համար:

  • 5 պատճառ օրւայ ընթացքում բաւարար քանակութեամբ ջուր խմելու համար
    5 պատճառ օրւայ ընթացքում բաւարար քանակութեամբ ջուր խմելու համար

    Բոլորն էլ գիտեն, որ ջուրը կենսական նշանակութիւն ունեցող հեղուկ է եւ մարդու օրգանիզմի աւելի քան 50%-ը բաղկացած է ջրից, սակայն ոչ բոլորն են օրւայ ընթացքում բաւարար քանակութեամբ ջուր օգտագործում:

  • Ի՞նչ վտանգներ են մեզ սպասում շոգ եղանակին եւ ինչպէ՞ս դրանք յաղթահարել
    Ի՞նչ վտանգներ են մեզ սպասում շոգ եղանակին եւ ինչպէ՞ս դրանք յաղթահարել

    Երբ օդի ջերմաստիճանը գերազանցում է մարդու նորմալ կենսագործունէութիւնն ապահովող միջին ջերմաստիճանային ցուցանիշը, ուլտրամանուշակագոյն ճառագայթումը մարդու մօտ կարող է առաջացնել մի շարք առողջական խնդիրներ:

  • 3 օգտակար չրեր, որոնք ցանկալի է ուտել ձմռանը
    3 օգտակար չրեր, որոնք ցանկալի է ուտել ձմռանը

    Ձմռանը մրգերն աւելի քիչ են, քան տարւայ միւս եղանակներին, այդ պատճառով օրգանիզմը օգտակար վիտամիններով, հանքանիւթերով եւ բջջանքով ապահովելու համար չրերին անցնելու իսկական ժամանակն է։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։