Հա

Այլ

21/10/2019 - 08:10

8 բանջարեղէն, որոնք ցանկալի է աւելի յաճախ օգտագործել

Բազմաթիւ մասնագէտների կարծիքով՝ բանջարեղէնը պէտք է լինի ցանկացած սննդակարգի հիմքը, չէ՞ որ այն պարունակում է շատ մանրաթելեր, վիտամիններ եւ հանքանիւթեր, որոնք անհրաժեշտ են օրգանիզմի նորմալ աշխատանքի համար:

«alikonline.ir» - Բազմաթիւ մասնագէտների կարծիքով՝ բանջարեղէնը պէտք է լինի ցանկացած սննդակարգի հիմքը, չէ՞ որ այն պարունակում է շատ մանրաթելեր, վիտամիններ եւ հանքանիւթեր, որոնք անհրաժեշտ են օրգանիզմի նորմալ աշխատանքի համար: Այս մասին գրում է News.am-ը:

Ձեր ուշադրութեանն ենք ներկայացնում մի քանի բանջարեղէն, որոնք ցանկալի է աւելի յաճախ ուտել.

 

Սոխ

Հում սոխը պարունակում է շատ հակաօքսիդանտներ, որոնք պաշտպանում են բջիջները ազատ ռադիկալների ազդեցութեան հետեւանքով առաջացող վնասւածքներից: Համարւում է, որ սոխի պարբերական օգտագործումն ամրապնդում է իմունիտետն ու բարձրացնում դիմադրութիւնը օնկոլոգիական հիւանդութիւնների նկատմամբ:

 

Բրոկոլի

Բրոկոլին նոյնպէս պարունակում է հակաօքսիդանտներ, որոնք օգնում են օրգանիզմին ոչնչացնել քաղցկեցային բջիջները: Դեռ աւելին, դրանում կան շատ օգտակար վիտամիններ եւ միներալներ, այդ իսկ պատճառով մասնագէտները խորհուրդ են տալիս հնարաւորինս յաճախ ուտել բրոկոլի:

 

Կարմիր պղպեղ

Կարմիր պղպեղում կայ շատ վիտամին C, որն անփոխարինելի է աթերոսկլերոզի զարգացումը կանխելու համար:

 

Սպանախ

Սպանախը պարունակում է կարոտինոիդներ՝ հակաօքսիդանտներ, որոնք կարեւոր են տեսողութիւնը պահպանելու համար եւ օգնում են կանխարգելել կուրութիւնը տարեց հասակում:

 

Եգիպտացորեն

Եգիպտացորենում կայ լիւտին հակաօքսիդանտը, որը խոչընդոտում է տարիքային կուրութեան զարգացմանը:

 

Ոլոռ

Ոլոռ օգտագործելն օգնում է նւազեցնել ստամոքսի քաղցկեղի զարգացման վտանգը: Դեռ աւելին, դրանում կան սպիտակուցներ, որոնք նոյնպէս անհրաժեշտ են օրգանիզմին:

 

Կաղամբ

Կաղամբը վիտամին C-ի հիանալի աղբիւր է, որի օգտագործումը զգալի չափով նւազեցնում է «վատ» խոլեստերինի մակարդակն ու պաշտպանում սրտի հիւանդութիւնների առաջացումից:

 

Ճակնդեղ

Ճակնդեղում պարունակւող նատրիումն ու կալցիումն ապահովում են արեան նորմալ շրջանառութիւնը, արիւնատար համակարգը դառնում է աւելի պաշտպանւած անօթային հիւսւածքների կոշտացման բացասական գործընթացից, ինչպէս նաեւ զարկերակային ճնշման բարձրացումից:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։