Հա

Այլ

26/08/2020 - 11:25

Ինչո՞ւ է որոշ մարդկանց մօտ կորոնավիրուսի վտանգաւոր ձեւ զարգանում

Սպեցիֆիկ իմունային բջիջների անոմալ պահւածքը կարող է կորոնավիրուսի ծանր կամ վտանգաւոր ձեւի զարգացման պատճառ դառնալ՝ պարզել են Շւեդիայի Կառոլինի ինստիտուտի գիտնականները:

«alikonline.ir» - Սպեցիֆիկ իմունային բջիջների անոմալ պահւածքը կարող է կորոնավիրուսի ծանր կամ վտանգաւոր ձեւի զարգացման պատճառ դառնալ՝ պարզել են Շւեդիայի Կառոլինի ինստիտուտի գիտնականները: Նրանց հետազօտութեան արդիւնքները հրապարակւել են Science Immunology ամսագրում:

Ըստ News.am-ի՝ ինչպէս յայտնում է Lenta.ru-ն, հետազօտութեան հեղինակները վերլուծել են չափաւոր (10 մարդ) եւ ծանր (17 մարդ) կորոնավիրուսային վարակով 27 հիւանդի արեան նմուշները: Որպէս վերահսկման խումբ օգտագործւել են 17 առողջ մարդկանց արեան նմուշներ։ Պարզւել է, որ SARS-CoV-2-ի դէպքում ցիտոտոքսիկ լիմֆոցիտները, որոնք կոչւում են բնական մարդասպաններ (NK-բջիջներ), շուտ են ակտիւանում, սակայն տարբեր կերպ են գործում COVID-19-ի ծանր եւ չափաւոր ընթացքի դէպքում:

Ծանր հիւանդների Nk-բջիջները, որպէս կանոն, ցուցաբերել են պերֆորինի սպիտակուցների NKG2C եւ Ksp37 աւելի բարձր արտայայտութիւն, ինչը, հետազօտողների կարծիքով, արտացոլում է այսպէս կոչւած յարմարւողական բնական մարդասպանների բարձր մակարդակը: Յարմարւողական NK-բջիջները կարող են աւելի արդիւնաւէտ սպանել թիրախ-բջիջները համեմատած այլ NK բջիջների հետ:

Այժմ հետազօտողներն ուսումնասիրում են՝ որքան է իմունային պատասխանը, որը միջնորդաւորւած է NK-բջիջներով եւ նկատւում է ծայրայեղ ծանր վիճակում գտնւող հիւանդների մօտ, եւ արդեօք դա կարող է նպաստել COVID-19-ի ծանր ձեւի զարգացմանը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։