Հա

Այլ

24/11/2020 - 07:50

Յայտնի են 2021 թւականի գլխաւոր կիբեռսպառնալիքները

2021 թւականին գլխաւոր կիբեռսպառնալիքները կը լինեն քաղաքական կիբեռլրտեսութիւնը, 5G-ի միջոցով գրոհները եւ հեռավար աշխատակիցների վրայ թիրախային յարձակումները: Հաքերների հիմնական թիրախները եւ այն գործիքները, որոնք նրանք կօգտագործեն, թւարկւած են «Կասպերսկու լաբորատորիա»-ի GReAT հետազօտական կենտրոնի կանխատեսման մէջ:

«alikonline.ir» - 2021 թւականին գլխաւոր կիբեռսպառնալիքները կը լինեն քաղաքական կիբեռլրտեսութիւնը, 5G-ի միջոցով գրոհները եւ հեռավար աշխատակիցների վրայ թիրախային յարձակումները: Հաքերների հիմնական թիրախները եւ այն գործիքները, որոնք նրանք կօգտագործեն, թւարկւած են «Կասպերսկու լաբորատորիա»-ի GReAT հետազօտական կենտրոնի կանխատեսման մէջ, այս մասին ըստ՝ News.am-ի հաղորդում է Lenta-ն:

Մասնագէտները կանխատեսում են, որ զոհերի տւեալների գողութեան սպառնալիքը եւ դրանց հետագայ վաճառքը նպատակային կիբեռյարձակումներ պատրաստող հաքերների խմբերին կարող են առանցքային վտանգ դառնալ: Նման մանիպուլիացիաների նպատակը ընկերութեան ցանց ներթափանցելն ու սարքերը վարակելն է:

«Յարձակւողները կը շարունակեն օգտագործել նման սխեմաներ բարդ նպատակային արշաւներում»,- կարծում են փորձագէտները: «Կասպերսկու լաբորատորիա»-ում ընդգծել են, որ կազմակերպութիւնները պէտք է մանրակրկիտ ստուգեն ցանկացած վնասաբեր ծրագրային ապահովում եւ գործողութիւններ ձեռնարկեն իւրաքանչիւր համակարգչի վրայ, որտեղ վտանգ կը յայտնաբերւի:

Հեռավար աշխատանքի թրենդի պատճառով չարամիտներն այժմ կկենտրոնանան ցանցային սարքերում խոցելի տեղերի վրայ՝ օգտագործողների տւեալները հաւաքելու համար: Մասնագէտների կարծիքով, հաքերները կը ծածկագրեն որոշակի կազմակերպութեան տւեալները եւ նրանից մեծ փրկագին  կը պահանջեն:

Հետազօտական կենտրոնի կանխատեսմամբ՝ յաջորդ տարի տարբեր երկրների իշխանութիւնները գնալով աւելի բացայայտօրէն կը յայտարարեն յարձակմանը որոշակի խմբի մասնակցութեան մասին: Փորձագէտները կարծում են, որ պաշտօնական խողովակներով տեղեկատւութեան բացայայտումը կօգնի կիբեռլրտեսութեան դէմ պայքարին: Հետազօտողները նկատում են, որ 2021 թ. 5G տեխնոլոգիայի ժողովրդականութիւնը մեծանում է, չարագործները կը սկսեն աւելի ակտիւօրէն փնտրել դրա թերութիւնները եւ օգտագործել դրանք իրենց շահադիտական նպատակների համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։