Հա

Այլ

10/02/2022 - 08:05

Մարդկութիւնը կանգնած է քաղցրահամ ջրի սակաւութեան սպառնալիքի առջեւ

Հալւող սառցադաշտերը շատ աւելի քիչ սառոյց են պարունակում, քան կանխատեսւում էր: Քաղցրահամ ջրի սակաւութեան սպառնալիքը սպասւածից աւելի է կախւած մարդկութեան գլխին: Այս մասին ըստ News.am-ի՝ զգուշացնում է Bloomberg-ը՝ վկայակոչելով Երկրաբանական գիտութիւնների ֆրանսիական ինստիտուտի եւ Դարտմուտի քոլեջի հետազօտութիւնը:

«alikonline.ir» -  Հալւող սառցադաշտերը շատ աւելի քիչ սառոյց են պարունակում, քան կանխատեսւում էր: Քաղցրահամ ջրի սակաւութեան սպառնալիքը սպասւածից աւելի է կախւած մարդկութեան գլխին: Այս մասին ըստ News.am-ի՝ զգուշացնում է Bloomberg-ը՝ վկայակոչելով Երկրաբանական գիտութիւնների ֆրանսիական ինստիտուտի եւ Դարտմուտի քոլեջի հետազօտութիւնը:

Արբանեակային նկարահանման նոր տեխնիկայի օգնութեամբ գիտնականներն առաջին անգամ չափել են աւելի քան 250.000 լեռնային սառցադաշտերի հաստութիւնը եւ շարժումը: Նրանք վերլուծութեան համար գրեթէ 812.000 զոյգ բարձրորակ լուսանկարներ եւ օգտագործել եւ ընդգրկել են Երկրի տարածքի 98 տոկոսը, որը 2017-ից 2018 թւականներին ծածկւած է եղել սառցադաշտերով:

Ստացւած տւեալների հիման վրայ հնարաւոր է եղել աւելի ճշգրիտ որոշել սառցադաշտերում պարունակւող սառոյցի ծաւալը։ Հետազօտողները սառոյցի եւ քաղցրահամ ջրի քանակի կտրուկ փոփոխութիւններ են յայտնաբերել, որոնցից հարիւր միլիոնաւոր մարդիկ կախւած են խմելու ջրի, գիւղատնտեսութեան եւ էլեկտրաէներգիայի արտադրութեան համար:

Պարզւել է, որ Հիմալայների սառցադաշտերը 37 տոկոսով աւելի շատ սառոյց են պարունակում, քան ենթադրւում էր: Հիմալայներում Ինդուս եւ Չենաբ գետերի աւազանների ութ միլիոն բնակիչների համար լաւ նորութիւն է. չոր սեզոններին սառցադաշտերի հալւած ջուրն ապահովում է գետի հոսքի կէսից աւելին: Պարզւել է նաեւ, որ Հիմալայներում սառցադաշտային պաշարները 30-87 տոկոսով աւելի են նաեւ Բրահմապուտրա գետի ենթաաւազանում:

«Հիմալայաները բացառութիւն են դարձել: Գրեթէ ամենուրեք սառոյցն աւելի բարակ է»,- ասել է հետազօտութեան հեղինակներից Մաթեօ Մորլիգեմը: Օրինակ, հարաւամերիկեան Անդերի սառցադաշտերը 27 տոկոսով աւելի քիչ սառոյց են պարունակում, քան գիտնականները կարծում էին:

Գիտնականները նւազեցրել են ծովի մակարդակի բարձրացման վրայ լեռնային սառցադաշտերի ներդրման նախկին գնահատականները: Եթէ ​​բոլոր սառցադաշտերը, բացառութեամբ Գրենլանդիայի եւ Անտարկտիդայի խոշոր սառցաշերտերի, հալւեն, ապա համաշխարհային ծովի մակարդակը կը բարձրանայ մօտ 25 սանտիմետրով, եւ ոչ թէ՝ 33-ով, ինչպէս նախկինում ենթադրւում էր: «Սակայն դա չի փոխում այն ​​փաստը, որ սառցադաշտերն աւելի ու աւելի արագ են հալւում»,- ասւում է գլխաւոր հեղինակ Ռոմէն Միլանի յայտարարութեան մէջ: Նա պարզաբանել է, որ նոր գնահատականները մեծապէս պայմանաւորւած են սառույցի ծաւալների հաւարկման ձեւի փոփոխութիւններով։

Հետազօտողները կարծում են, որ սառոյցի ընդհանուր ծաւալի կրճատումն անխուսափելիօրէն սպասւածից աւելի շուտ կանդրադառնայ մոլորակի վրայ։ Նրանք յոյս ունեն, որ իրենց կանխատեսումը կազդի ջրամատակարարման ենթակառուցւածքների կառուցման վերաբերեալ կառավարութիւնների որոշումների վրայ: Սառցադաշտերի հալւելը կլիմայի փոփոխութեան հետեւանքներից մէկն է։

 

Յարակից լուրեր

  • Մարդկութիւնն ունի երեք տարի. ՄԱԿ-ը գլոբալ տաքացումը կանգնեցնելու շահաւէտ միջոցներ է առաջարկել
    Մարդկութիւնն ունի երեք տարի. ՄԱԿ-ը գլոբալ տաքացումը կանգնեցնելու շահաւէտ միջոցներ է առաջարկել

    ՄԱԿ-ի տւեալներով՝ մարդկութիւնը երեք տարի ունի գլոբալ տաքացումը կանգնեցնելու համար։ Իսկ յետոյ արտանետումների կիսով չափ կրճատումը միանգամայն իրատեսական է:

  • Լուսնի վրայ ջուր են գտել
    Լուսնի վրայ ջուր են գտել

    Լուսնից հողի նմուշում, որը Երկիր է հասցւել չինական «Չանէ-5» աւտոմատ տիեզերական ապարատի միջոցով, ջուր են յայտնաբերել։ Ուսումնասիրութեանը նւիրւած յօդւածը հրապարակւել է Science Advances գիտական ​​ամսագրում:

  • Մասնաւոր լուսնագնացը կուղեւորւի ջուր փնտրելու 2024 թւականին
    Մասնաւոր լուսնագնացը կուղեւորւի ջուր փնտրելու 2024 թւականին

    Լուսինը նորից հետաքրքրութիւնների կիզակէտում է։ Վերջերս Աւստրալական տիեզերական գործակալութիւնը յայտարարել է NASA-ի հետ համատեղ ծրագրի մասին, որի շրջանակում 2026թ. Լուսին կուղեւորւի ռովեր, բայց աւստրալական մասնաւոր ընկերութեան մասնակցութեամբ ստեղծւած սարքը կարող է երկու տարով առաջ անցնել դրանից։ Ռոբոտը Լուսնի մակերեսին ջուր է փնտրելու, ինչը կօգնի ապագայ հետազօտութիւններում։

  • Անւանւել է Եթովպիայից մարդու նոր նախնին
    Անւանւել է Եթովպիայից մարդու նոր նախնին

    Հնէամարդաբանները հնագոյն մարդուն, որն ապրում է Եթովպիայի ներկայիս տարածքում, անւանել են Homo bodoensis:

  • Որ տարին է ամենասարսափելին եղել մարդկութեան համար
    Որ տարին է ամենասարսափելին եղել մարդկութեան համար

    Համարւում է, որ 2020 թւականն, իր բազմաթիւ աղէտներով, կարող է դառնալ մարդկութեան պատմութեան մէջ ամենասարսափելիներից մէկը, բայց մինչ այդպիսի յայտարարութիւններ անելը անհրաժեշտ է ուսումնասիրել արդէն կուտակւած փորձը: Մեր քաղաքակրթութեան պատմութեան ընթացքում եղել են աւելի սարսափելի ժամանակներ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։