Հա

Այլ

07/03/2022 - 10:00

Սնւելու 5 սկզբունք՝ COVID-19-ից յետոյ վերականգնւելու համար

COVID-19 տարած շատ մարդիկ տեւական ժամանակ հետեւանքների եւ, այսպէս կոչւած, յետքովիդային համախտանիշին են բախւում: Ներկայացնում ենք սնւելու որոշ սկզբունքներ, որոնք կարող են օգնել աւելի արագ վերականգնել կորոնավիրուսային վարակից յետոյ։

«alikonline.ir» - COVID-19 տարած շատ մարդիկ տեւական ժամանակ հետեւանքների եւ, այսպէս կոչւած, յետքովիդային համախտանիշին են բախւում: Ներկայացնում ենք սնւելու որոշ սկզբունքներ, որոնք կարող են օգնել աւելի արագ վերականգնել կորոնավիրուսային վարակից յետոյ։ Գրում է News.am-ը:

Աւելի շատ սպիտակուց եւ աւելի քիչ շաքար

Քաղցր սնունդն արեան մէջ գլիւկոզայի մակարդակի բարձրացում է առաջացնում։ Համարւում է, որ քաղցր սնունդը նպաստում է նաեւ օրգանիզմում բորբոքային գործընթացներին, որոնք կորոնավիրուսային վարակից յետոյ կարող են միայն լրացուցիչ խնդիրներ առաջացնել։ Իսկ, ահա, սպիտակուցը նիւթ է ոչ միայն մկանների, այլեւ հակամարմին-իմունոգոլոբուլինների համար, որոնք արգելափակում են պաթոգենների ակտիւութիւնը եւ հեռացնում են պաթոգեններն օրգանիզմից, ուստի սննդակարգում պէտք է բաւարար սպիտակուց լինի:

Բջջանիւթեր եւ պրոբիոտիկներ

Այս երկու տարրերը կօգնեն վերականգնել աղիների միկրոբիոմը, որը խանգարում է դեղերի, յատկապէս հակաբիոտիկների եւ հիւանդութեան ժամանակ վատ սննդակարգի պատճառով:

Վիտամին D

Վիտամին D-ն ձմռանն անհրաժեշտ է գրեթէ բոլոր մարդկանց, քանի որ սովորաբար արեւի լոյսը բաւարար չէ։ Այս վիտամինը պարունակւում է այնպիսի մթերքներում, ինչպիսիք են իւղոտ ծովային ձուկը, ձիթապտղի իւղը, աւոկադօն եւ ընկոյզը:

Այս վիտամինը կարող էք ընդունել նաեւ սննդային յաւելումների տեսքով։ The Lancet ամսագրում հրապարակւած հետազօտութիւնը ցոյց է տւել, որ վիտամին D-ի 400-1000 IU պրոֆիլակտիկ դեղաչափով ընդունումը 22 տոկոսով  նւազեցնում է շնչառական վարակների վտանգը եւ զգալիօրէն մեծացնում է օրգանիզմի ընդհանուր պաշտպանողական գործառոյթները: Համարւում է նաեւ, որ վիտամին D-ի մակարդակի նորմալացումը կօգնի դադարեցնել մազաթափութիւնը, եթէ այն սկսւել է հիւանդութիւնից յետոյ:

Առողջ ճարպաթթուներ

Օմեգա-3 ճարպաթթուները բարելաւում են վիտամին D-ի իւրացումը, պահպանում են ճարպագեղձերի բնականոն գործունէութիւնը եւ մաշկի ջրային ճարպային հաւասարակշռութիւնը: Օմեգա-3-ն ուղեղի եւ սրտի բջջային թաղանթների մի մասն է եւ հաւասարապէս կարեւոր է այդ երկու օրգանների աշխատանքի համար: Օմեգա-3-ը պարունակւում է իւղոտ ձկների մէջ: Այն կարելի է նաեւ որպէս սննդային յաւելում ընդունել:

Մագնեզիում եւ վիտամին B6

The Lancet-ում հրապարակւած մէկ այլ հետազօտութեան համաձայն՝ կորոնավիրուսն ազդում է մարդու ճանաչողական ունակութիւնների վրայ՝ այսպէս կոչւած մառախուղ առաջացնելով ուղեղում՝ անտարբերութիւն ինտելեկտուալ աշխատանքի ժամանակ, անհասկանալի մտքեր, երկար ժամանակ կենտրոնանալու հետ կապւած դժւարութիւն։ Ենթադրւում է, որ մագնեզիումի՝ վիտամին B6-ով կոմպլեքսը կօգնի ամրապնդել նեարդային համակարգը, թուլացնել նեարդային լարւածութիւնը եւ բարելաւել քունը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։