Հա

Այլ

25/05/2022 - 09:40

Մարդաբանները հաղորդակցման բարդ լեզու են յայտնաբերել շիմպանզէների մօտ

իմպանզէները շփւելու համար բաւականին հարուստ լեզու են օգտագործում, որի «բառերը» նրանք կարողանում են միաւորել «նախադասութիւնների» մէջ, պարզել են Գերմանիայի Մաքս Պլանկի էւոլիւցիոն մարդաբանութեան համալսարանի փորձագէտները: Նրանք աւելի մանրամասն նկարագրել են իրենց դիտարկումները Communications Biology ամսագրում հրապարակւած յօդւածում:

«alikonline.ir» - Շիմպանզէները շփւելու համար բաւականին հարուստ լեզու են օգտագործում, որի «բառերը» նրանք կարողանում են միաւորել «նախադասութիւնների» մէջ, պարզել են Գերմանիայի Մաքս Պլանկի էւոլիւցիոն մարդաբանութեան համալսարանի փորձագէտները: Նրանք աւելի մանրամասն նկարագրել են իրենց դիտարկումները Communications Biology ամսագրում հրապարակւած յօդւածում: Տեղեկացնում է News.am-ը:

Հետազօտողները վերլուծել են Կոտ դ'Իւուարի Տաի ազգային պարկի չափահաս շիմպանզէների միջեւ գրեթէ 5000 զրոյցի ձայնագրութիւնները՝ ընդհանուր մօտ 900 ժամ: Նրանք կարողացել են առանձնացնել 390 եզակի ձայնային յաջորդականութիւն։

Թէեւ ակնյայտ էր, որ շիմպանզէների արձակած ձայները որոշակի տեղեկութիւններ են կրում, սակայն ձայնաւորացման այդպիսի լայն սպեկտրն անակնկալ էր գիտնականների համար:

«Մեր արդիւնքները վկայում են այն մասին, որ շիմպանզէի ձայնային հաղորդակցման համակարգը շատ աւելի բարդ եւ կառուցւածքային է, քան համարւում էր»,- յայտարարել են նրանք:

Գիտնականները յայտնաբերել են ընդհանուր 12 տարբեր տեսակի ձայնաւորացում, այդ թւում՝ խռխռոց, բառաչոց եւ նւնւոց: Ձայնաւորացման կիրառման վրայ ազդել է համատեքստը. այդպէս շիմպանզէն մէկ խռնչիւն հանում էր ուտելիք տեսնելիս, իսկ մի քանիսը՝ որպէս հնազանդ ողջոյնի նշան:

Թէեւ շիմպանզէի լեզուն աւելի աղքատ է, քան մարդկայինը, պարզւել է, որ այն շատ աւելի հարուստ եւ բազմազան է, քան համարւում էր, նշում են հետազօտողները: Բացի այդ, դրանում հաւանաբար աւելի շատ հնարաւոր համակցութիւններ եւ հնչիւններ կան, քան մենք կարողացել ենք բացայայտել: Գիտնականները յոյս ունեն, որ կապիկների լեզւի հետագայ հետազօտումը կօգնի աւելին իմանալ մարդկանց լեզւի ծագման մասին:

 

Յարակից լուրեր

  • ԼԵԶՒԱԳԻՏՈՒԹԻՒՆ - Լեզու եւ մշակոյթ. որտեղից են գալիս «Խնդրեմ» եւ «Շնորհակալ եմ» արտայայտութիւնները
    ԼԵԶՒԱԳԻՏՈՒԹԻՒՆ - Լեզու եւ մշակոյթ. որտեղից են գալիս «Խնդրեմ» եւ «Շնորհակալ եմ» արտայայտութիւնները

    «Խնդրեմ» եւ «շնորհակալ եմ» ասելու սովորութիւնը առաջին անգամ սկիզբ է առել 16-րդ եւ 17-րդ դարերի առեւտրական յեղաշրջումների ընթացքում, նոյնինքն այն միջին խաւերում, որոնք պատասխանատու էին նրանց տարածմանը: Այն գրասենեակների, վաճառատների եւ դիւանակալների լեզուն է, որը վերջին 500 տարիների ընթացքում նրանց միջոցով տարածւել է աշխարհում: Նաեւ՝ մի աւելի լայն փիլիսոփայութեան ապացոյց է, մի շարք ենթադրութիւնների, թէ ի՛նչ է մարդ արարածը եւ ի՛նչ բան է պարտական միւսին, այնքա՛ն պարտական, որ այլեւս չի տեսնում իր պարտքը»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։