20 կմ պիքսէլում․ Inouye աստղադիտակը Արեգակի անհաւանական մանրամասն լուսանկարներ է արել

Այլ

25/05/2023 - 09:50

20 կմ պիքսէլում․ Inouye աստղադիտակը Արեգակի անհաւանական մանրամասն լուսանկարներ է արել

ԱՄՆ Ազգային գիտական հիմնադրամը ներկայացրել է Արեգակի լուսանկարների շարք, որոնք արւել են Դենիէլ Կ․ Ինոուէի անւան արեգակնային աստղադիտակով (Daniel K. Inouye Solar Telescope, DKIST)։

«alikonline.ir» - ԱՄՆ Ազգային գիտական հիմնադրամը ներկայացրել է Արեգակի լուսանկարների շարք, որոնք արւել են Դենիէլ Կ․ Ինոուէի անւան արեգակնային աստղադիտակով (Daniel K. Inouye Solar Telescope, DKIST)։

Լուսանկարում պատկերւած իւրաքանչիւր պիքսէլը համապատասխանում է Արեգակի մակերեսի 20 կմ-ին։ Սրանք մեր աստղի ամենամանրամասն պատկերներն են։ Քանի որ գիտութիւնն այդքան էլ լաւ պատկերացում չունի Արեգակի վրայ տեղի ունեցող գործընթացների մասին, իւրաքանչիւր այսպիսի լուսանկար ճանապարհ է դէպի զարմանալի բացայայտումներ:

Ըստ News.am-ի՝ ինչպէս տեղեակցնում է Scitechdaily.com-ը, ընդհանուր առմամբ, գիտնականները համաձայն են, որ Արեգակի եւ աստղերի «աշխատանքի» հիմքում ընկած են քւանտային ֆիզիկայի օրէնքները։ Քւանտային մեխանիկական երեւոյթների հաւանական բնոյթը աստղերի ներսում ջերմամիջուկային ռեակցիաներին թոյլ է տալիս դանդաղ եւ կայուն ընթանալ։ Հակառակ տարածւած կարծիքի, աստղերի միջուկում միայն վիթխարի ճնշումը եւ ջերմաստիճանը բաւարար չեն ջերմամիջուկային ռեակցիա առաջացնելու համար: Ջրածնի պրոտոնների համար անհրաժեշտ է քւանտային անցում, որպէսզի յաղթահարեն էլեկտրամագնիսական վանումը եւ մօտենան միմեանց, նախքան ուժեղ փոխազդեցությունների սկիզբը:

Բայց այդ ամէնը չափազանց բարդ ֆիզիկա է: Արեգակի մանրամասն դետալներով լուսանկարները հնարաւորութիւն են տալիս աւելի ճշգրիտ ներկայացնել մեր աստղի վրայ կոնւեկտիւ գործընթացների մոդելը եւ առաւելագոյն ճշգրտութեամբ հետեւել մագնիսական դաշտերի միգրացիային:

Inouye աստղադիտակը, ինչպէս ցոյց են տալիս դրա ստացած առաջին պատկերները, կարող է օգնել բացայայտելու Արեգակի ցիկլային ակտիւութիւնը եւ նրա մագնիսական բեւեռների պարբերական փոփոխութեան առեղծւածը: Դասական ֆիզիկան կարող է օգնել դրան, եւ աստղադիտակի տւեալները գիտնականների համար կը դառնան ամենաարժէքաւոր օգնութիւնն այս հարցում:

Ի վերջոյ, այս լուսանկարները, որոնք կարող էք դիտել ստորեւ, պարզապէս գեղեցիկ են:

Image Gallery

View the embedded image gallery online at:
https://alikonline.ir/news/other/item/83262-20-%D5%AF%D5%B4-%D5%BA%D5%AB%D6%84%D5%BD%D5%A7%D5%AC%D5%B8%D6%82%D5%B4%E2%80%A4-inouye-%D5%A1%D5%BD%D5%BF%D5%B2%D5%A1%D5%A4%D5%AB%D5%BF%D5%A1%D5%AF%D5%A8-%D5%A1%D6%80%D5%A5%D5%A3%D5%A1%D5%AF%D5%AB-%D5%A1%D5%B6%D5%B0%D5%A1%D6%82%D5%A1%D5%B6%D5%A1%D5%AF%D5%A1%D5%B6-%D5%B4%D5%A1%D5%B6%D6%80%D5%A1%D5%B4%D5%A1%D5%BD%D5%B6-%D5%AC%D5%B8%D6%82%D5%BD%D5%A1%D5%B6%D5%AF%D5%A1%D6%80%D5%B6%D5%A5%D6%80-%D5%A7-%D5%A1%D6%80%D5%A5%D5%AC#sigProIdc403200f62

Յարակից լուրեր

Երկրի վրայ կեանք կարող էր առաջանալ Արեգակի անհաւանական հզօր «սուպերբռնկումների» շնորհիւ

Երկրի վրայ կեանք կարող է առաջացած լինել հիպերակտիւ եւ երիտասարդ Արեգակի վրայ տեղի ունեցած հզօրագոյն «սուպերբռնկումների» արդիւնքում։
Գիտնականներն առաջին անգամ տեսել են, թէ ինչպէս է աստղը մոլորակ կլանում. նոյն ճակատագիրն է սպասւում նաեւ Երկրին

Գիտնականներն առաջին անգամ ականատես են եղել, թէ ինչպէս է Արեգակի նման աստղն ընդլայնւում եւ «խժռում» մոլորակը։ Ամենայն հաւանականութեամբ, նոյն ճակատագիրն է սպասւում նաեւ Երկրին, սակայն դա տեղի կունենայ մօտ չորս-հինգ միլիարդ տարի յետոյ, երբ մահացող Արեգակը կուռչի, կը վերածւի կարմիր հսկայի եւ կուլ կը տայ մեր մոլորակը։
Արեգակի վրայ խոշոր բռնկում է տեղի ունեցել, որի պատճառով ռադիոկապն անջատւել է Երկրի որոշ մասերում․ NASA-ն ֆիքսել է բռնկման պահը

Արեգակի վրայ խոշոր բռնկում է տեղի ունեցել, որը յանգեցրել է ռադիոկապի անջատման Երկրի որոշ մասերում։ Ըստ News.am-ի՝ ինչպէս տեղեկացնում է Space.com-ը, այս բռնկումը նաեւ հիմք է ստեղծել հետագայ բռնկումների համար:
Ամանորի տրամադրութեամբ լուսանկար James Webb-ից. աստղադիտակը NGC 7469 գալակտիկայի գեղեցիկ լուսանկար է արել

Ամանորից առաջ James Webb աստղադիտակը նոր լուսանկար է արել, որում երեւում է NGC 7469 գալակտիկան՝ իր ողջ հմայքով թեքւած դէպի Երկիր։ Այս գալակտիկան գտնւում է Երկրից մօտ 220 միլիոն լուսատարի հեռաւորութեան վրայ՝ Պեգաս համաստեղութիւնում։ Այն ունի մօտ 90,000 լուսատարի լայնութիւն, իսկ կենտրոնում ակտիւ սեւ խոռոչ կայ։
Յիշողութեան ուժը՝ Սեւակ Ասրեանի լուսանկարներում

Նոյեմբերի 9-ին Ստեփանակերտի Վահրամ Փափազեանի անւան պետական դրամատիկական թատրոնի շէնքում կայացել է Սեւակ Ասրեանի լուսանկարների ցուցահանդէսը: «Յիշողութեան ուժ»-ը խորագրով ցուցահանդէսին ներկայացւած են լուսանկարչի՝ Արցախի բռնազաւթւած տարածքներում արած 44 լուսանկարները: