Հա
18/07/2019 - 12:30

Աւինեան. «Հայաստանը, Ռուսաստանը, Վրաստանն ու Իրանը կարող են միաւորել էներգացանցերը»

ՀՀ փոխվարչապետ Տիգրան Աւինեանը ռուսական լրատւամիջոցին պատմել է էներգետիկ ոլորտի խոշոր նախագծի մասին։

«alikonline.ir» - ՀՀ փոխվարչապետ Տիգրան Աւինեանը ռուսական լրատւամիջոցին պատմել է էներգետիկ ոլորտի խոշոր նախագծի մասին։

Հայաստանի, Ռուսաստանի, Վրաստանի եւ Իրանի էներգացանցերի միաւորումը ցանկութեան դէպքում կարելի է աւարտել 2-3 տարւայ ընթացքում։ ՌԻԱ Նովոստիին տւած հարցազրոյցում նման կարծիք է յայտնել ՀՀ փոխվարչապետ Տիգրան Աւինեանը։

Նշենք, որ դեռեւս 2015 թւականի դեկտեմբերին Հայաստանը, Ռուսաստանը, Վրաստանն ու Իրանը էլեկտրաէներգիայի փոխադարձ հոսքերի եւ էներգետիկ համակարգում անվտանգութեան կառավարման մակարդակի բարձրացման նպատակով համագործակցութեան մասին յուշագիր էին ստորագրել։

Ինչպէս Աւինեանն է նշել, հայկական կողմն այսօր Վրաստանի եւ Իրանի հետ բարձրավոլտ գծեր է կառուցում։ Այս համագործակցութիւնը կարեւորելով՝ փոխվարչապետը նշել է, որ անհրաժեշտ է համաժամանակեայ դարձնել Հայաստանի, Վրաստանի, Ռուսաստանի եւ Իրանի ցանցերի աշխատանքը։

Նրա խօսքով` ցանցերի միաւորման նպատակը մէկ գլոբալ շուկայի եւ գլոբալ էներգետիկ ենթակառուցւածքի առկայութիւնն է։

«Մենք ուզում ենք կառուցել համակարգ, որը թոյլ կը տայ սինխրոն աշխատել Ռուսաստանի հետ, կամ փոխակերպել յաճախականութիւնները, որպէսզի կարողանանք կապի մէջ լինել»,- նշել է Աւինեանը։

Աւելի վաղ փոխվարչապետը նաեւ յայտնել էր, որ Հայաստանը մտադիր է հրաժարւել ատոմային էներգետիկայից եւ այժմ բանակցութիւններ է վարում Ռուսաստանի հետ նոր ԱԷԿ-ի կառուցման հարցով։

Յիշեցնենք, որ ՀՀ փոխվարչապետ Տիգրան Աւինեանը յուլիսի 15-20-ը աշխատանքային այցով ԱՄՆ-ում կը լինի։ Այցի ընթացքում փոխվարչապետը բանակցութիւններ կանցկացնի ՄԱԿ-ի եւ մի շարք երկրների բարձրաստիճան ղեկավարների հետ։

Դրանից բացի, Նիւ Եօրքում եւ Բոստոնում Աւինեանը կը հանդիպի հայ համայնքի ներկայացուցիչների եւ հասարակական գործիչների հետ։

Յարակից լուրեր

  • Յայտնիները միացել են «ՁԱ՛ՅՆ ՏՈՒՐ» արշաւին․ նպատակն է ընտրութիւններին ընդառաջ հանրութեանն իրազեկել ընտրական իրաւունքի եւ ընտրութիւններին քաղաքացիների մասնակցութեան կարեւորութեան մասին
    Յայտնիները միացել են «ՁԱ՛ՅՆ ՏՈՒՐ» արշաւին․ նպատակն է ընտրութիւններին ընդառաջ հանրութեանն իրազեկել ընտրական իրաւունքի եւ ընտրութիւններին քաղաքացիների մասնակցութեան կարեւորութեան մասին

    «Ալիբի իրաւապաշտպան» հասարակական կազմակերպութեան կողմից յունիսի 7-ին մեկնարկել է «ՁԱ՛ՅՆ ՏՈՒՐ» արշաւը, որին միացել են մի շարք յայտնիներ, որոնց թւում են՝  Հայաստանի Հանրապետութեան ազգային հերոս, դիրիժոր Յովհաննէս Չեքիջեանը, Հայաստանի պետական սիմֆոնիկ նւագախմբի գեղարւեստական ղեկավար, գլխաւոր դիրիժոր Սերգէյ Սմբատեանը, Մարդու իրաւունքների եւրոպական դատարանի նախկին դատաւոր Ալւինա Գիւլումեանը, Գերաշնորհ Տ. Միքայէլ Արքեպիսկոպոս Աջապահեանը եւ այլոք։

  • «Փաշինեանի բանակցային ստերը, կամ ինչպէ՞ս հասանք պատերազմի»․ «168 ժամ»
    «Փաշինեանի բանակցային ստերը, կամ ինչպէ՞ս հասանք պատերազմի»․ «168 ժամ»

    «Հայաստանում ընթացող ամենալարւած եւ պետութեան համար ճակատագրական նախընտրական քարոզարշաւի առաջին փուլում ՀՀ երրորդ նախագահ Սերժ Սարգսեանի գաղտնազերծած ձայնագրութիւնը Նիկոլ Փաշինեանին կրկին գցել է իր ստացած բանակցային ժառանգութիւնը քննադատելու եւ իր վարած ղարաբաղեան քաղաքականութիւնը մաքրագրելու արատաւոր շղթայի մէջ:

  • ՀՅԴ Գանատայի Կեդրոնական Կոմիտէի կոչը
    ՀՅԴ Գանատայի Կեդրոնական Կոմիտէի կոչը

    Հայաստանի մէջ Յունիս 20-ին կայանալիք արտահերթ խորհրդարանական ընտրութիւններուն սեմին, Հայ Յեղափոխական Դաշնակցութեան Գանատայի կառոյցը իր անվերապահ զօրակցութիւնը կը յայտնէ «Հայաստան» դաշինքին։

  • «ԱՄՆ-ն Ռուսաստանին իր թշնամին է հռչակել». Պուտին
    «ԱՄՆ-ն Ռուսաստանին իր թշնամին է հռչակել». Պուտին

    Միացեալ Նահանգները Ռուսաստանին իր հակառակորդն ու թշնամին է յայտարարել դեռեւս 2017 թւականին եւ որոշել է աջակցել ՌԴ-ում քաղաքական կազմակերպութիւններին: Այս մասին իր ամերիկացի գործընկեր Ջօ Բայդէնի հետ բանակցութիւններից յետոյ կայացած մամուլի ասուլիսում յայտարարել է ՌԴ նախագահ Վլադիմիր Պուտինը:

  • Լոնդոնի ՀՅԴ կոմիտէ․ Մեր խօսքը
    Լոնդոնի ՀՅԴ կոմիտէ․ Մեր խօսքը

    Հետեւողականօրէն եւ ուշադրութեամբ հետեւում ենք Հայաստանի քաղաքական զարգացումնրի ընթացքին եւ արտակարգ ընտրութիւնների քարոզարշաւին: Դժւար է պատկերացնել՝ յատկապէս երբ ամբողջ կեանքդ ապրել ես սփիւռքում, թէ ինչպէ՞ս եւ ինչո՞ւ պատերազմի եւ պարտութեան խորհրդանիշ համարւող վարչապետի հրաժարականի եւ հեռացման պահանջով սկսած Հայրենիքի փրկութեան շարժումին չմիացաւ ժողովուրդի հոծ բազմութիւն, որպէսզի կերտէին անցումային կառավարութիւն եւ մէկ տարւայ ժամանակշրջանում կազմակերպէին ընտրութիւններ՝ առանց Նիկոլի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։