Հա

Քաղաքական

14/03/2017 - 12:00

ՀՅԴ-ն միակ կուսակցութիւնն է, որի նախընտրական ծրագրում կայ ջաւախահայութեանը աջակցելու խնդիր

ՀՀ ԱԺ խորհրդարանական ընտրութիւնների նախաշեմին Ջաւախքի խնդիրները բարձրաձայնելու եւ հետագայ համագործակցութեան եզրեր փնտրելու նպատակով Ջաւախքի հայկական հասարակական կազմակերպութիւնների խորհրդի անդամները հանդիպելու են ընտրութիւններին մասնակցող կուսակցութիւնների ու դաշինքների հետ:

«alikonline.ir» - ՀՀ ԱԺ խորհրդարանական ընտրութիւնների նախաշեմին Ջաւախքի խնդիրները բարձրաձայնելու եւ հետագայ համագործակցութեան եզրեր փնտրելու նպատակով Ջաւախքի հայկական հասարակական կազմակերպութիւնների խորհրդի անդամները հանդիպելու են ընտրութիւններին մասնակցող կուսակցութիւնների ու դաշինքների հետ: Տեղեկացնում է «yerkirmedia.am»-ը:

Մարտի 13-ին խորհրդի անդամները հանդիպել են ՀՅԴ ներկայացուցիչների հետ: Հանդիպմանը բարձրաձայնւել են ջաւախահայութեանը յուզող կրթական, սոցիալ-տնտեսական, առողջապահական, հոգեւոր, մշակութային, ինչպէս նաեւ քաղաքական խնդիրներ: Յատկապէս կարեւորւել է Ջաւախքում թուրք-ադրբեջանական ակտիւութեան թեման:

Խորհրդի անդամների կարծիքով՝ այսօր, հաշւի առնելով մի շարք հանգամանքներ, լուրջ ուշադրութիւն պէտք է դարձւի վիրահայութեանը եւ ջաւախահայութեանը յուզող խնդիրներին:

«Ջաւախահայերի խնդիրները բազմազան եւ բազմաոլորտ են, յատկապէս Սամցխէ-Ջաւախքում եւ Քւեմօ Քարթլիում կան կրթական, սոցիալտնտեսական, առողջապահական, հոգեւոր, մշակութային, ինչու չէ նաեւ քաղաքական խնդիրներ, սակայն ամենակարեւոր հանագամանքը թուրք-ադրբեջանական ակտիւութիւնն է Վրաստանում եւ մասնաւորապէս վերջին շրջանում Ջաւախքում: Խորհուրդը դա դիտարկում է ՀՀ անվտանգութեան տեսանկիւնից, ինչու չէ նաեւ Հայաստան-Վրաստան յարաբերութիւնների համատեքստում: Ես կարծում եմ, Դաշնակցութիւնը մեծ պոտենցիալ ունի, որ կարողանայ իր աշխարհասփիւռ կառոյցներով կանգնել է եւ պէտք է կանգնի ջաւախահայութեանը յուզող բոլոր խնդիրները ժամանակին եւ պատշաճ ձեւով լուծելու համար»,- նշեց Սամցխէ-Ջաւախքի եւ Քւեմօ Քարթլիի հայկական հասարակական կազմակերպութիւնների խորհրդի համակարգող Արտակ Գաբրիէլեանը:

«ՀՅԴ-ն միակ կուսակցութիւնն է, որի նախընտրական ծրագրում կայ ջաւախահայութեանը աջակցելու խնդիր, մենք դա դիտում ենք որպէս հայ-վրացական յարաբերութիւնների սերտացման բոհի մէջ: Այդ յարաբերութիւնների սերտացման պարագայում, կը հեշտանայ Ջաւախքի հայութեան եւ ընդհանրապէս վիրահայութեան խնդիրների մեծ մասի լուծումը: Այս հանդիպմանը մենք ներկայացրեցինք մեր պատկերացումները, իրենք հարցեր ունէին, մենք իրնեց հարցեր ունէինք իրավիճակի մասին եւ կարծում եմ իրենք էլ գոհ են, որ հանդիպումը տեղի ունեցաւ: Հիմնականում կրթութեան խնդիրներն էին, բայց անշուշտ կան նաեւ սոցիալ-տնտեսական հարցեր, որոնք եթէ ոչ անպայման կուսակցութիւնները կարող են լուծել, բայց վաղը խորհրդարանը կարող է այդ ուղղութեամբ որոշ քայլեր ձեռնարկել, այսինքն Հայաստանի յարաբեութիւնների սերտացումը Վրաստանի հետ կը նպաստի նաեւ այդ խնդիրների կարգաւորմանը: Պարզ էր , որ մեր մօտեցումները իրենց համար հոգեհարազատ էր, քանի որ առաջին օրը չէ, որ մենք զբաղւում ենք Ջաւախքի հարցերով»,- ընդգծեց ՀՅԴ Բիւրոյի անդամ, Բիւրոյի Հայ Դատի եւ քաղաքական հարցերով գրասենեակի պատասխանատու Կիրօ Մանոյեանը:

Յարակից լուրեր

  • Կանոնաւոր բանակն անկախութեան երթը դարձրեց անշրջելի. ՀՅԴ Հայաստանի ԳՄ շնորհաւորական ուղերձը Բանակի օրւայ առիթով
    Կանոնաւոր բանակն անկախութեան երթը դարձրեց անշրջելի. ՀՅԴ Հայաստանի ԳՄ շնորհաւորական ուղերձը Բանակի օրւայ առիթով

    ՀՀ Զինւած ուժերի կազմաւորումը հայ ժողովրդի պատմութեան շրջադարձային էջերից մէկն է, հայոց նորանկախ երկու Հանրապետութիւնների սահմանների անվտանգութեան ապահովման եւ հետագայ վերելքի առանցքային գրաւականը: Անցնելով կազմաւորման մի քանի փուլեր՝ Զինւած ուժերը կրել են այն նոյն դժւարութիւնները եւ անցել այն նոյն փորձութիւններով, որոնք ապրել եւ յաղթահարել է հայ ժողովուրդը՝ վերջին երեսնամեակում:

  • ՀՅԴ նախընտրական ծրագրի հիմնադրոյթները
    ՀՅԴ նախընտրական ծրագրի հիմնադրոյթները

    «Ապառաժ»-ը ՀՅԴ Արցախի ԿԿ անդամ, ԱՀ ԱԺ փոխնախագահ Վահրամ Բալայեանի հետ զրուցել է դեռեւս մշակման փուլում գտնւող ՀՅԴ նախընտրական ծրագրային հիմնական դրոյթների, արդէն կատարւած աշխատանքների եւ առաջնահերթ լուծում պայանջող խնդիրների մասին ՀՅԴ պատկերացումների շուրջ:

  • Երկխօսութեան, համագործակցութեան եւ Սփիւռքի հետ յարաբերութեան մասին
    Երկխօսութեան, համագործակցութեան եւ Սփիւռքի հետ յարաբերութեան մասին

    Երբ 1992-ին օրին ՀՅԴ Բիւրոյի ներկայացուցիչ Հրայր Մարուխեան անարդարօրէն եւ վատաբար Հայաստանէն վտարուեցաւ ՀՀ նախագահ Լեւոն Տէր-Պետրոսեանի կողմէ, իր հրապարակային առաջին ելոյթին ընթացքին Դաշնակցութեան ղեկավարը, հակառակ ամէն ինչի, յայտարարեց որ կուսակցութիւնը իր ձեռքը երկարած կը պահէ հայրենի իշխանութիւններուն եւ պատրաստ կը մնայ համագործակցութեան:

  • «Փաշինենաի ասուլիսը փաստեց, որ քաղաքական դաշտում ՀՅԴ-ի մասնատմանը հաւատացող երկու անձ է մնացել». Վահէ Սարգսեան
    «Փաշինենաի ասուլիսը փաստեց, որ քաղաքական դաշտում ՀՅԴ-ի մասնատմանը հաւատացող երկու անձ է մնացել». Վահէ Սարգսեան

    Yerkir.am-ի գլխաւոր խմբագիր Վահէ Սարգսեանն իր ֆէյսբուքեան էջում անդրադարձել է դաշնակցութեան մասին 1in.am կայքի լրագրողի հարցադրմանը, եւ ՀՀ վարչապետ Նիկոլ Փաշինեանի պատասխանին:

  • Վարչապետին հերթական սպառնալիքը Հ. Յ. Դաշնակցութեան դէմ
    Վարչապետին հերթական սպառնալիքը Հ. Յ. Դաշնակցութեան դէմ

    Յախճապակեայ դղեակին մէջ ապաստանած, ՀՀ վարչապետ Նիկոլ Փաշինեան չի տեսներ կամ չ՚ուզեր ընդունիլ իրականութիւնը Հայ Յեղափոխական Դաշնակցութեան մասին։ Կապանի մէջ իր այսօրուան ասուլիսի ընթացքին, ան դարձեալ ապացուցեց թէ կտրուած է այս իրականութենէն։ Ան կրկին անգամ յայտնեց իր այն «ցանկալի մտածողութիւնը» (wishful thinking), թէ «եթէ կայ հակադրութիւն, ապա Դաշնակցութեան այն (այսինքն՝ Հայաստանեան) հատուածի եւ կառավարութեան միջեւ է»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։