Հա

Քաղաքական

06/04/2017 - 10:40

Աղւան Վարդանեան. «Դաշնակցութիւնն «աւելին էր ակնկալում»»

Ե՛ւ ընտրակաշառքից, ե՛ւ վարչական ռեսուրսի օգտագործումից, ե՛ւ ընտրողներին ուղղորդելուց, ե՛ւ այդ ուղղորդումը վերահսկելուց․․․ ե՛ւ վարկանիշային թեկնածուների մեծ քանակութիւնը, եւ ակտիւ աշխատանքը իւրաքանչիւր բնակչի հետ բերեց շատ մեծ մասնակցութիւն: Դժւար է ասել այս մասնակցութիւնը ամբողջովին իրակա՞ն էր, թէ՞ որոշ փոքր շեղումներ հեռաւոր տեղերում եղել են: Բայց որ սա նաեւ ակտիւութիւն դրսեւորում էր մարդկանց՝ իրենց ձայնը կարեւորելու դիրքորոշման, սա եւս ակնյայտ է:

«alikonline.ir» - «azatutyun.am»-ը զրուցել է ՀՅԴ Հայաստանի Գերագոյն մարմնի ներկայացուցիչ Աղւան Վարդանեանի հետ:

 

- Դաշնակցութեան գոհացնո՞ւմ են ընտրութիւնների արդիւնքները:

- Կայ որոշակի առաջընթաց՝ մանաւանդ, երբ որ 101 պատգամաւորի մասին ենք խօսում, բայց բնականաբար աւելին էինք ակնկալում:

 

- Ընտրութիւնների օրը խախտումների մասին էիք ահազանգում․ դրանք ազդեցութիւն ունեցե՞լ են ընտրութիւնների վրայ:

- Ես խօսել եմ երեք կոնկրետ տարածքների մասին, համապատասխան դիմումներ ուղարկել եմ, սպասում եմ արձագանգներին: Եւ ասեմ, որ որոշ պարագաներում դեռ ասելիք կունենամ․ խօսքը վերաբերում է յատկապէս Ոստիկանութեան տւած պարզաբանմանը: Բայց գոնէ այս առումով, վստահ եմ, որ էական ազդեցութիւն չեն ունեցել:

 

- Ձեր այսօրւայ յայտարարութեան մէջ (ՀՅԴ Հայաստանի ԳՄ-ի ապրիլի 5-ի յայտարարութիւն-«alikonline.ir») այսպիսի նկառառում կայ, որ «յատուկ քննութեան կարիք ունի ընտրողների անսպասելի բարձր մասնակցութիւնը, ինչը, մի կողմից, քաղաքացիական ակտիւութեան գնահատելի դրսեւորում է, միւս կողմից՝ ֆինանսական եւ վարչական ռեսուրսի օգտագործման արատաւոր երեւույթի հետեւանք»: Եթէ աւելի պարզ ասենք՝ ընտրակաշառքի՞ց էք խօսում:

- Բնականաբար: Ե՛ւ ընտրակաշառքից, ե՛ւ վարչական ռեսուրսի օգտագործումից, ե՛ւ ընտրողներին ուղղորդելուց, ե՛ւ այդ ուղղորդումը վերահսկելուց․․․ ե՛ւ վարկանիշային թեկնածուների մեծ քանակութիւնը, եւ ակտիւ աշխատանքը իւրաքանչիւր բնակչի հետ բերեց շատ մեծ մասնակցութիւն: Դժւար է ասել այս մասնակցութիւնը ամբողջովին իրակա՞ն էր, թէ՞ որոշ փոքր շեղումներ հեռաւոր տեղերում եղել են: Բայց որ սա նաեւ ակտիւութիւն դրսեւորում էր մարդկանց՝ իրենց ձայնը կարեւորելու դիրքորոշման, սա եւս ակնյայտ է:

 

- Դուք էլ էք իշխանութիւն: Երբ ասում էք՝ վարչական ռեսուրսը օգտագործւեց, նկատի ունէք, որ Հանրապետակա՞նը օգտագործեց իրեն ձայն ապահովելու համար:

- Այո: Նկատի ունեմ, որովհետեւ առնւազն մեր նախարարութիւնները, որոնք տիրապետում ենք, չենք փորձել արհեստականօրէն, զուտ վարչական ռեսուրսի օգտագործման, գոնէ ես որեւէ ցուցում, նման օրինակ չգիտեմ: Բայց այդ աւանդոյթն այսօր էլ շարունակւում է:

 

- Դաշնակցութիւնը եւ Հանրապետականը համագործակցութիւնը շարունակելու վերաբերեալ ինչպիսի պայմանաւորւածութիւն ունեն:

- Կարծում եմ, մեր համագործակցութեան համաձայնագիրը, մէկ տարի առաջ կնքւած, անժամկէտ էր, եւ կարեւորը այստեղ խնդիրներն են․ թէ ինչ խնդիրների շուրջ ենք համագործակցելու: Մեր ընտրական օրէնսգիրքը հնարաւորութիւն է տալիս առաջիկայ օրերին նման քննարկումներ կատարել: Առայժմ այդ քննարկումները չեն սկսւել:

 

- Այսինքն հնարաւոր է, որ այդ համագործակցութիւնը չշարունակւի՞:

- Ես նման բան ասացի արդեօ՞ք: Ես ասացի, որ քննարկումներ կը լինեն առաջիկայ օրերին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։