Հա

Քաղաքական

03/09/2018 - 11:23

Քոչարեանի վերադարձն ուշացած է, բայց եւ՝ ոչ անհեռանկար. ի՞նչ են ասում փորձագէտները

ՀՀ վարչապետը նախկինի պէս դեռ վայելում է ընտրազանգւածի զգալի մասի աջակցութիւնը։ Բայց ՀՀ ԱԺ արտահերթ ընտրութիւններից առաջ ֆորսմաժորային իրավիճակները բացառւած չեն։

«alikonline.ir»- ՀՀ վարչապետը նախկինի պէս դեռ վայելում է ընտրազանգւածի զգալի մասի աջակցութիւնը։ Բայց ՀՀ ԱԺ արտահերթ ընտրութիւններից առաջ ֆորսմաժորային իրավիճակները բացառւած չեն։

ՀՀ երկրորդ նախագահի վերադարձը քաղաքականութիւն եւ ՀՀ ԱԺ արտահերթ ընտրութիւններին մասնակցելու նրա մտադրութիւնը ոչ միանշանակ էր ընկալւել հասարակութեան եւ փորձագիտական շրջաններում։ Քաղաքագէտ Երւանդ Բոզոյեանն, օրինակ, կարծում է, որ Ռոբերտ Քոչարեանն ուշացրել է քաղաքականութիւն իր վերադարձը։ Ինչպէս «Sputnik» Արմենիայի հետ զրոյցում նշեց փորձագէտը, պետութեան նախկին ղեկավարն իր վերադարձի մասին առնւազն 5 տարի առաջ պէտք է յայտնէր։

«Այն ժամանակ նրա դիրքերն աւելի ամուր  կը լինէին։ Այսօր, «թաւշեայ յեղափոխութիւնից» յետոյ, երբ իշխանութիւնը նոր է փոխւել, եւ այդ իշխանութեան վարկանիշը բաւական բարձր է, Քոչարեանի շանսերը նւազագոյն են։ Նրա վերադարձը հասարակութեան համար անհասկանալի է դառնում»,- նշեց Բոզոյեանը։

Երկրորդ նախագահն աւելի վաղ «Sputnik» Արմենիայիn տւած բացառիկ հարցազրոյցում յայտարարել էր, որ կը մասնակցի ապագայ խորհրդարանական ընտրութիւններին, իր շուրջը համախմբելով նրանց, ովքեր յիշում են իր նախագահութեան տարիները եւ այդ տարիների տնտեսական զգալի ձեռքբերումները։

Միեւնոյն ժամանակ Բոզոյեանը, կարծում է, որ եթէ երկրորդ նախագահը վերադառնար Սերժ Սարգսեանի օրoք, դառնալով նրա սփարինգ-գործընկերը, ապա նա յաջողութեան հասնելու աւելի մեծ շանսեր կունենար։ Հաշւի առնելով Սարգսեանի կառավարումից հասարակութեան դժգոհութիւնը, Քոչարեանը կը կարողանար իր կողմը քաշել ընտրազանգ6ածի զգալի հատւածին։

«Սակայն այսօր մարդիկ սատարում են Նիկոլ Փաշինեանին, որը փաստօրէն կարողացաւ յաղթել Սարգսեանին։ Եւ այս պայմաններում Քոչարեանի վերադարձն ընկալւում է  որպէս քրէական հետապնդումից խուսափելու փորձ։ Նրա գործողութիւններում աւելի շատ անձնական մոտիւացիա կայ, քան զուտ քաղաքական»,- աւելացրեց Բոզոյեանը։

Սակայն, միեւնոյն ժամանակ, Քոչարեանի յաջողութիւնը կախւած է նրանից, թէ որքան երկար Փաշինեանը կը կարողանայ պահպանել իր բարձր վարկանիշը։  Եթէ տնտեսութեան, սոցիալական ոլորտում վարչապետի քաղաքականութիւնը շարունակի համապատասխանել հանրութեան մեծ մասի սպասումներին եւ պահանջմունքներին, ապա Քոչարեանը հազիւ թէ ՀՀ ԱԺ ընտրութիւններին յաջողութիւն գրանցի։

Եթէ Փաշինեանը մինչ այդ լուրջ սխալներ թոյլ տայ, ապա երկրորդ նախագահի հնարաւորութիւնները կը մեծանան։

Նրա խօսքով`  այժմ դժւար է կանխատեսել, թէ արդեօք Փաշինեանի կառավարութիւնը կը կարողանայ յաջողութիւնների հասնել, թէ ոչ։ Վարչապետ ընտրւելուց 100 օր անց, էյֆորիան դեռ պահպանւում է։

Նշենք, որ ԱԺ արտահերթ ընտրութիւնները ենթադրաբար կանցկացւեն 2019 թւականի ապրիլին։

Քաղտեխնոլոգ Արմէն Բադալեանի կարծիքով` Քոչարեանի շանսերը միանշանակ զրոյական գնահատել չի կարելի։  Քանի որ արտահերթ ընտրութիւններից առաջ, ներքաղաքական լանդշաֆտը կարող է լուրջ փոփոխութիւններ կրել։

Արտահերթ ընտրութիւններից առաջ յեղափոխական էյֆորիան կը նւազի, եւ իշխանութեան հասցէին քննադատութիւնը զգալիօրէն կուժեղանայ։ Եւ չի բացառւում, որ երկրորդ նախագահը կօգտւի այդ իրավիճակից։

Սակայն միեւնոյն ժամանակ փորձագէտը գրեթէ անհնար է համարում այն, որ Քոչարեանը կը կարողանայ իշխանութիւնից դուրս մղել Նիկոլ Փաշինեանի թիմին։

«Գործող իշխանութեան բոլոր թերութիւնների հետ մէկտեղ, այն զգալի ընտրազանգւած եւ վարչարարական ռեսուրսներ ունի։ Բացի այդ եւս մէկ սցենար կայ, որն այժմ այդքան էլ քիչ հաւանական չէ։ Երկրորդ անգամ Քոչարեանի կալանաւորումը։ Սա եւս կարեւոր գործoն է, որը պէտք չէ անուշադրութեան մատնել»,- նշեց Բադալեանը։

Բայց պէտք է նաեւ հաշւի առնել, որ եթէ Երեւանի քաղաքապետի ընտրութիւններին յաղթի Նիկոլ Փաշինեանի «Քաղաքացիական պայմանագրի» թեկնածուն, այդ հանգամանքը ՀՀ ԱԺ ընտրութիւններին Փաշինեանի համար լրացուցիչ յաղթաթուղթ կը դառնայ։

 

Յարակից լուրեր

  • «Տարածաշրջանում հասունանում է շատ վտանգաւոր իրավիճակ»․ Արման Աբովեան
    «Տարածաշրջանում հասունանում է շատ վտանգաւոր իրավիճակ»․ Արման Աբովեան

    Մինչեւ մեր երկրում բոլորը բոլորի «միսն են ուտում» ներքին քաղաքական դաշտում, տարածաշրջանում հասունանում է շատ վտանգաւոր իրավիճակ, կապւած` իրանեան միջուկային ծրագրի հետ։ Այս մասին ֆէյսբուքեան իր էջում գրել է «Բարգաւաճ Հայաստան» խմբակցութեան պատգամաւոր Արման Աբովեանը։

  • «Հայրենիք»-ի խմբագրական. «Արմենոֆոպիա» մոլուցքը
    «Հայրենիք»-ի խմբագրական. «Արմենոֆոպիա» մոլուցքը

    Քաղաքակիրթ աշխարհը, սկսեալ մարդկային իրաւունքներու պաշտպանութեան համար պայքարող ոչ-կառավարական հիմնարկներէն, մինչեւ Միացեալ Ազգերու Կազմակերպութեան հովանիին տակ գտնուող ենթայանձնախումբերը տեղեակ չեն, թէ որքան մտահոգիչ է Ատրպէյճանի մէջ եւ առ հասարակ ատրպէյճանցիի մօտ գոյութիւն ունեցող հակահայ ատելութիւնն ու մոլուցքը։

  • Հ.Հ. յուշարձաններուն ապագան... Քարակո՞յտ կա՞մ
    Հ.Հ. յուշարձաններուն ապագան... Քարակո՞յտ կա՞մ

    Հայաստանի Հանրապետութեան տարածքին կը գտնուին հայկական պատմամշակութային յուշարձաններու զգալի մէկ մասը: Սկզբնական բաժանում մը կատարելով՝ կրնանք զանոնք տեղաւորել ըստ՝ պատմական ժամանակաշրջանի, ոճային առանձնայատկութեան, եւ ներկայ վիճակի գնահատութեան, որ հիմք կը հանդիսանայ ապագայ կատարուելիք վերականգնողական ու վերաօգտագործման ձեռնարկներու կամ պահպանման ուղղուած գործընթացներու:

  • «Տարածաշրջանում խաղաղութեան եւ կայունութեան ապագայի պատասխանատւութիւնն անձնապէս կրում ենք՝ Արցախի Հանրապետութեան նախագահը, ՀՀ վարչապետը եւ Ալիեւը». Նիկոլ Փաշինեան
    «Տարածաշրջանում խաղաղութեան եւ կայունութեան ապագայի պատասխանատւութիւնն անձնապէս կրում ենք՝ Արցախի Հանրապետութեան նախագահը, ՀՀ վարչապետը եւ Ալիեւը». Նիկոլ Փաշինեան

    Այս պահին հանդիպման պայմանաւորւածութիւն չկայ, բայց բացառել հանդիպում չի կարելի, որովհետեւ քննարկումների փուլում է: Այս մասին այսօր մամուլի ասուլիսին ասաց ՀՀ վարչապետ Նիկոլ Փաշինեանը՝ պատասխանելով լրագրողներից մէկի հարցին, թէ Միւնխէնում պլանաւորւած է Ադրբեջանի նախագահի հետ հանդիպում:

  • Պետութիւն մերժողները. գողական ենթամշակոյթի ու Իմ քայլի ընդհանրութիւնները
    Պետութիւն մերժողները. գողական ենթամշակոյթի ու Իմ քայլի ընդհանրութիւնները

    Լրագրող, հրածարակախօս Վահան Իշխանեանն իր ֆէյսբուքեան էջում գրել է. «Գողական ենթամշակոյթի դէմ քրէական օրէնք ընդունելը վկայում է, որ լիբերալ մտաւորականութիւնն ու քաղաքական գործիչները անկարող լինելով Հայաստանում պերմանենտ տնտեսական ճգնաժամերը բացատրել կապիտալիզմով, արհեստական մեղաւորներ են փնտրում ու որպէս մեղաւոր կարգում գողական աշխարհը։ Ինչպէ՞ս մեղադրեն կապիտալիզմը, մի բան, որին հաւատում են ինչպէս քրիստոնեան Աստծոյ երկրորդ գալստեանն է հաւատում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։