Հա

Քաղաքական

24/10/2018 - 14:55

Ներումը գալիս է ճանաչումից յետոյ. Արմէն Սարգսեանի ուղերձը՝ Թուրքիայի նախագահին

Շւէյցարիայի հանրային հեռուստառադիոընկերութիւնը (RTS) հատւածներ է հրապարակել Հայաստանի Հանրապետութեան նախագահ Արմէն Սարգսեանի հետ հարցազրոյցից:

«alikonline.ir» - Շւէյցարիայի հանրային հեռուստառադիոընկերութիւնը (RTS) հատւածներ է հրապարակել Հայաստանի Հանրապետութեան նախագահ Արմէն Սարգսեանի հետ հարցազրոյցից: Տեղեկացնում է «tert.am»-ը:

Նոյեմբերի 11-ի արարողութիւններին ընդառաջ, երբ բազմաթիւ երկրներում կը նշւի Առաջին աշխարհամարտի աւարտի 100-ամեակը, Հայաստանի նախագահ Արմէն Սարգսեանը յոյս է յայտնել, որ այդ իրադարձութիւնն առիթ կը հանդիսանայ «ճանաչելու» կամ «յիշելու 1915-1916-ին հայերի կրած Ցեղասպանութիւնը»:

«Ես չգիտեմ, թէ ինչպէս կարելի է խօսել Առաջին համաշխարհային պատերազմի մասին՝ առանց անդրադառնալու այն ողբերգութեանը, որ տեղի է ունեցել շուրջ 105 տարի առաջ եւ առանց խօսելու Ցեղասպանութեան մասին: Երկրների ղեկավարների կողմից ճանաչումը կամ կոչը բարձր կը գնահատւի իմ կողմից, Հայաստանի եւ ամբողջ հայ ժողովրդի կողմից»,- RTS-ին ասել է Արմէն Սարգսեանը: 

«Հայոց Ցեղասպանութեան ճանաչումը պարզապէս մի ողբերգութեան ճանաչում չէ, որը վերաբերում է մէկ ժողովրդի: Նախ եւ առաջ դա 20-րդ առաջին, ամենամեծ Ցեղասպանութիւնն է: Քանի որ այն չկանխւեց, ճանաչում ու դատապարտում չունեցաւ, հետագայում եւս 20-րդ դարում Ցեղասպանութիւնները կրկնւեցին»,- շարունակել է նախագահը:

Ուղերձ Էրդողանին. «Ներումը գալիս է ճանաչումից յետոյ»

Թուրքիայի նախագահ Ռեջեբ Էրդողանին իր ուղերձի վերաբերեալ հարցին ի պատասխան՝ Արմէն Սարգսեանն ասել է, թէ պատրաստ է երկխօսութեան եւ յղում է արել իր քրիստոնէական համոզմունքներին: Նա չի բացառել, որ մի օր ներում կը լինի, սակայն «ներումը գալիս է ճանաչումից յետոյ»: Նրա համոզմամբ՝ այդ ճանաչումը պատմական աւելի լայն ընդգրկում կունենայ, քանի որ հայոց Ցեղասպանութիւնը «20-րդ դարի առաջին Ցեղասպանութիւնն էր»: 

«Ես նախ եւ առաջ կասէի Էրդողանին. «Բարի լոյս, պարոն նախագահ: Կարծում եմ՝ մենք միասին քննարկելու հարց ունենք: Դու Թուրքիայի նախագահն ես, իսկ ես՝ Հայաստանի: Իմ ընտանիքը, իմ նախնիները Էրզրումից, Վանից ու Բիթլիսից են: Իմ հին ընտանիքը պատմութիւն ունի: Ինչո՞ւ չխօսենք Թուրքիայի ու Հայաստանի միջեւ յարաբերութիւնների մասին, ինչո՞ւ չխօսենք մեր անձնական պատմութիւնների մասին: Մենք պէտք է խօսենք ոչ միայն պատմութեան, այլեւ ապագայի մասին՝ քո ու իմ երեխաների, թոռների ապագայի, մեր երկու ժողովուրդների մասին»: Ես քրիստոնեայ եմ: Քրիստոնէութիւնը սովորեցնում է, որ միշտ կայ ներելու հնարաւորութիւն, սակայն ներողամտութիւնը կարող է միայն յաջորդել ճանաչմանը»,- ասել է նախագահ Սարգսեանը: 

«Մէկ տարի յետոյ Փարիզում մեծ համերգ՝ նւիրւած Ազնաւուրին»

Հայաստանի նախագահը յայտնել է, որ պայմանաւորւել է Էմանուէլ Մակրոնի հետ կազմակերպել բարեգործական մեծ համերգ Շառլ Ազնաւուրի յիշատակին, «ըստ ամենայնի, 2019-ի հոկտեմբերին»: «Բազմաթիւ երգիչներ եւ դերասաններ կը լինեն», ասում է նա՝ յիշելով, որ Էմանուէլ եւ Բրիջիտ Մակրոնների հետ Երեւանում Ազնաւուր են երգել:

«Ես եւ Էմանուէլ Մակրոնը մեր տիկինների հետ այցելեցինք Շառլ Ազնաւուրի թանգարան եւ կեցավայր: Ես առաջարկեցի նախագահ Էմանուէլ Մակրոնին մէկ տարում կազմակերպել մեծ բարեգործական համերգ Փարիզում՝ ի յիշատակ Շառլ Ազնաւուրի: Յուսով եմ, որ այդ համերգը կը լինի 2019 թւականի հոկտեմբերին: Այն պէտք է լինի բարեգործական համերգ, որին կը հրաւիրւեն աշխարհահռչակ դերասաններ, երգիչներ: Ես խօսել եմ իմ մի խումբ ընկերների հետ, ովքեր ասել են, որ իրենց համար մեծ պատիւ կը լինի իրենց արւեստը ներկայացնել այդ համերգին»:

Հայաստանի նախագահը RTS-ին տւած հարցազրոյցում խօսել է նաեւ Հայաստանի ճկունութեան մասին: «Մեր երկիրը երիտասարդ է, նա գտնւում է Արեւելքի եւ Արեւմուտքի միջեւ»,- ասել է նա:

Յարակից լուրեր

  • Պէտք է ստեղծել Ցեղասպանութեան Համահայկական Հռչակագրի քայլերը կեանքի կոչող պետական կառոյց․ Սուրէն Մանուկեան
    Պէտք է ստեղծել Ցեղասպանութեան Համահայկական Հռչակագրի քայլերը կեանքի կոչող պետական կառոյց․ Սուրէն Մանուկեան

    Թուրքիայում ստեղծւած՝ Հայոց Ցեղասպանութեան ժխտմամբ զբաղւող մարմնի մասին խօսելիս պէտք է հասկանանք, որսա նոր երեւոյթ չէ՝ Yerkir.am-ի հետ հարցազրյցում ասաց ԵՊՀ Ցեղասպանութիւնների եւ այլ զանգւածային ոճրագործութիւնների կանխարգելման եւ կրթութեան ԻՒՆԵՍԿՕ-ի ամբիոնի վարիչ, Հայոց Ցեղասպանութեան թանգարան-ինստիտուտի Համեմատական ցեղասպանագիտութեան բաժնի վարիչ, Ցեղասպանագէտների միջազգային ընկերակցութեան խորհրդի անդամ Սուրէն Մանուկեանը։

  • Ո՞ր իրաւունքով է նախագահը հրաժարւում ստորագրել
    Ո՞ր իրաւունքով է նախագահը հրաժարւում ստորագրել

    2020 թ. յունիսի 30-ին ՀՀ ԱԺ-ն իր արտահերթ նստաշրջանում առաջին եւ մի քանի ժամ յետոյ նաեւ երկրորդ ընթերցմամբ ընդունեց ««Սահմանադրական դատարանի մասին» սահմանադրական օրէնքում փոփոխութիւններ եւ լրացումներ կատարելու մասին» ՀՀ օրէնքում եւ մի շարք այլ օրէնքներում փոփոխութիւններ կատարելու մասին օրէնքների նախագծերը:

  • Յունաստանի եւ Թուրքիայի դիրքերը կարող են յանգեցնել այնպիսի միջադէպի, որը կարող է վերաճել յոյն-թուրքական պատերազմի
    Յունաստանի եւ Թուրքիայի դիրքերը կարող են յանգեցնել այնպիսի միջադէպի, որը կարող է վերաճել յոյն-թուրքական պատերազմի

    Միջերկրական ծովի արեւելքում աշխարհաքաղաքական լարւածութիւնը մեծանում է, եւ դրա պատճառը Թուրքիան է, կիպրական SIGMA հեռուստաընկերութեանը տւած հարցազրոյցում ասել է յոյն պաշտօնաթող գեներալ-լէյտենանտ Անդրէաս Պենտարասը:

  • Հայաստա՞ն, թէ՞ «խաղաղութիւն»
    Հայաստա՞ն, թէ՞ «խաղաղութիւն»

    Ս․ թ․ յունիսի 27-ին կարդացի, որ ՀՀ ԱԺ «Լուսաւոր Հայաստան» խմբակցութեան, ներեցէք, «անկախ» պատգամաւոր Արման Բաբաջանեանը հանդիպում է ունեցել Արցախի նորընտիր նախագահ Արայիկ Յարութիւնեանի հետ։ Հանդիպման բուն թեման եղել է՝ Արցախը յանձնել Ադրբեջանին։ Այլ կերպ չես կարող մեկնաբանել Արման Բաբաջանեանի առաջարկութիւնը, թէ Արցախի հարցը պէտք է լուծւի Լեւոն Տէր-Պետրոսեանի «Պատերա՞զմ, թէ՞ խաղաղութիւն», իսկ իրականում՝ «Հայաստա՞ն, թէ՞ «խաղաղութիւն»» յօդւածի հայեցակարգին համապատասխան։

  • «Ուզում ենք հաւատալ, որ Հայաստանի Հանրապետութիւնը իրաւական երկիր է». Լ. Գալստեան
    «Ուզում ենք հաւատալ, որ Հայաստանի Հանրապետութիւնը իրաւական երկիր է». Լ. Գալստեան

    Armlur.am-ը զրուցել է ՀՅԴ Գերագոյն մարմնի անդամ Լիլիթ Գալստեանի հետ, պարզելու համար, թէ կոնկրետ ինչ հիմքեր են ներկայացւել դատախազութիւն, իշխանութիւններրին մեղադրելով յուրացման եւ Սահմանադրական կարգի տապալման համար:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։