Հա

Քաղաքական

17/01/2019 - 12:40

«Գերազանցիկները» կամ «Երկաթէ շերեփի տեսլականը»

Համացանցը լցւած է «Լուսաւոր Հայաստան» կուսակցութեան նախկին անդամ, այժմ՝ «Քաղաքացիական պայմանագիր» կուսակցութեան եւ «Իմ Քայլը» դաշինքի երդւեալ անդամ, ԱԺ պատգամաւոր Հայկ Կոնջորեանի «․․․Իրանը աւտորիտար երկիր» արտայայտութեան քննարկումներով։

ԱՒԵՏԻՔ ԻՇԽԱՆԵԱՆ

 

Համացանցը լցւած է «Լուսաւոր Հայաստան» կուսակցութեան նախկին անդամ, այժմ՝ «Քաղաքացիական պայմանագիր» կուսակցութեան եւ «Իմ Քայլը» դաշինքի երդւեալ անդամ, ԱԺ պատգամաւոր Հայկ Կոնջորեանի «․․․Իրանը աւտորիտար երկիր» արտայայտութեան քննարկումներով։

Իհարկէ իշխող քաղաքական ուժի պատգամաւորի արտայայտութիւնը քաղաքագիտա-դիւանագիտական նոնսենս է, գուցէ սեփական քաղաքական գիտելիքների ներկայացման անյաջող փորձ, նաեւ անփորձութեան հետեւանք։ Բայց ես կուզենայի ուշադրութիւն դարձնել նաեւ նրա ողջ ելոյթին, յատկապէս «ժողովրդավարութիւն» հասկացութեան համատեքստում։ Հայկ Կոնջորեանին, եւ ոչ միայն նրան, թւում է, որ եթէ Հայաստանը դառնայ աշխարհի ամենաժողովրդավարական պետութիւնը, ապա ողջ քաղաքակիրթ աշխարհը, հիանալով Հայաստանով, Արցախը, Նախիջեւանը, Արեւմտեան Հայաստանը, Կիլիկիան կը գրաւեն եւ կը նւիրեն մեզ, չէ՞ որ մենք ոչ միայն Ադրբեջանից եւ Թուրքիայից ենք աւելի ժողովրդավարական, այլեւ ողջ աշխարհից։ Եւ մեր ժողովրդավարութիւնը «կը յաղթի» եւ Ադրբեջանի նաւթին ու զէնքին, եւ ՆԱՏՕ-ի անդամ շուրջ 100 միլիոնանոց Թուրքիային։ Ահա թէ որտեղ է թաքնւած «երկաթէ շերեփը»։

Հայկ Կոնջորեանն աւելի հեռու է գնում, յիշելով քրիստոնէութիւնն ու դրա առաւելութիւնները մեր յարաբերութիւններում, մասնաւորապէս Բիւզանդիայի հետ։ Ըստ Կոնջորեանի, այսօրւայ ժողովրդավարութիւնը երէկւայ քրիստոնէութիւնն է։ Կարծեմ Կոնջորեանը պատմաբան է, ուստի լաւ պէտք է իմանայ, որ մուսուլմանական արաբական Խալիֆաթը ճանաչեց Բագրատունիների թագաւորութիւնը, իսկ քրիստոնէական Բիւզանդիան նպաստեց նրա կործանմանը։ Այսպէս էլ մեր գերազանցիկները չհասկացան, որ պետութիւնները, լինեն դրանք քրիստոնեայ, մուսուլմանական, ժողովրդավարական, թէ բռնապետական, առաջնորդւում են միայն ու միայն սեփական, ազգային շահերով։

Յիշենք 2015 թ․ Հայոց Մեծ Ցեղասպանութեան 100-ամեակին քանի քրիստոնեայ, ժողովրդավարական երկրների առաջնորդներ չժամանեցին Հայաստան՝ Թուրքիային եւ Ադրբեջանին չնեղացնելու համար։ Թէ՞ կարծում էք չեկան, քանի որ Հայաստանը ժողովրդավարական չէր, այ հիմա կը գային։ Տպաւորութիւն է ստեղծւում, որ գերազանցիկների համար ժողովրդավարութիւնը ոչ թէ արժէք է, այլ «շուստրիութիւն», եւ մեզ անհրաժեշտ է, որ աշխարհը մեզ քաղցր աչքով նայի։ Ժողովրդավարական, իրաւական պետութիւն, ես համոզւած եմ, առաջին հերթին եւ գուցէ միայն մեզ, Հայաստանի քաղաքացիներիս է անհրաժեշտ։ Իմ համոզմամբ՝ միայն այս ճանապարհով է հնարաւոր Հայաստանի զարգացումն ու հզօրացումը։ Իրական ժողովրդավարական, իրաւական պետութեան կայացման պարագայում մեր քաղաքացիներն ունենում են արժանապատւութեան զգացում եւ իսկապէս հպարտութիւն այդ երկրի քաղաքացի լինելու համար, պատրաստ պաշտպանելու այդպիսի հայրենիքը։ Իսկ արտաքին քաղաքականութիւնը կառուցւում է ըստ ազգային-պետական շահերի։

Յ․Գ․ Ի դէպ, ժողովրդավարութիւնը արդէն նախապէս կանխորոշւած պաշտօն ստացող գործընկերոջը հաճոյանալը չէ․․․

«factor.am»

Յարակից լուրեր

  • Չերչիլն ու Խանջեանը
    Չերչիլն ու Խանջեանը

    Հայաստանի՝ որպէս իրաւական պետութեան կայացման մասին, ի տարբերութիւն ժողովրդավարութեան, խօսակցութիւններն սկսւեցին աւելի ուշ, հաւանաբար 1995 թ. սահմանադրական նախագծերի քննարկումների ժամանակ։ Ինչպէս մինչ այդ ժամանակաշրջանը, այնպէս էլ այսօր, ենթադրում եմ, որ մեր հասարակութեան գերակշիռ մեծամասնութեան համար, իրաւական պետութիւն հասկացութիւնն, այն է՝ իրաւունքի եւ օրէնքի երկիր ունենալը, ոչ միայն առանձնապէս ընկալելի, նաեւ ընդունելի չի. «… Մէկն ըլնի ժողովրդի մասին մտածի… ի՛նչ օրէնք, ի՛նչ բան, բոլորին նստցնել… Էս Նիկոլը խի՞ չի սաղին նստցնում եւ այլն»:

  • Հարց իրենց չէզոք, անաչառ համարող հասարակական գործիչներին
    Հարց իրենց չէզոք, անաչառ համարող հասարակական գործիչներին

    Հայաստանում Հելսինկեան կոմիտէի նախագահ Աւետիք Իշխանեանն իր ֆէյսբուքեան էջում գրում է. «Ս․ թ․ յունւարի 17-ին ՄԻԵԴ-ը որոշում կայացրեց Սամուէլ Մայրապետեանի գործով եւ ՀՀ իշխանութիւններին յանձնարարեց ապահովել Սամուէլ Մայրապետեանի բուժումն իրականացնել Գերմանիայում։

  • Քաղաքական դինաստիաններն ու ժողովրդավարութիւնը
    Քաղաքական դինաստիաններն ու ժողովրդավարութիւնը

    Յուլիսի 7-ին Յունաստանում տեղի ունեցած արտահերթ խորհրդարանական ընտրութիւններում յաղթել է «Նոր ժողովրդավարութիւն» ընդդիմադիր, աջակենտրոն կուսակցութիւնը՝ ստանալով ձայների 38.9% եւ 300 հոգանոց խորհրդարանի 158 տեղը։ Այսպիսով, Կիրիակոս Միցոտակիսի գլխաւորած կուսակցութիւնը հնարաւորութիւն է ստացել ձեւաւորել կառավարութիւն՝ առանց կոալիցիոն գործընկերների։

  • «Իշխանութեան ուժը աշխարհայեացք ու գաղափարներ չունենալն է, որը լուրջ մարտահրաւէր է պետութեան համար». քաղաքագէտ
    «Իշխանութեան ուժը աշխարհայեացք ու գաղափարներ չունենալն է, որը լուրջ մարտահրաւէր է պետութեան համար». քաղաքագէտ

    Գործող իշխանութեան ուժը աշխարհայեացք ու գաղափարներ չունենալն է, որի պատճառով նրա շուրջն են հաւաքւել տարբեր, երբեմն իրարամերժ հայեացքներ ունեցող մարդիկ եւ մարդկանց խմբաւորումներ, սակայն հեռանկարի առումով դա նաեւ թուլութիւն է, ինչպէս նաեւ լուրջ մարտահրաւէր պետութեան համար։ Այսպիսի եզրակացութեամբ վերլուծութիւն է հրապարակել քաղաքագէտ Ստեփան Դանիէլեանը ֆէյսբուքեան իր էջում։

  • Ժողովրդավարութեան գերեզմանափորները. դեռ ուշ չի դէմքը փրկելու համար
    Ժողովրդավարութեան գերեզմանափորները. դեռ ուշ չի դէմքը փրկելու համար

    Հրապարակախօս, լրագրող Վահան Իշխանեանն իր ֆէյսբուքեան էջում գրում է.

    «Այն քաղաքական ու հասարակական գործիչները, ովքեր վարչապետ Նիկոլ Փաշինեանի կոչով դատարանների մուտքերը փակեցին կամ ողջունեցին այն, չդիմացան այն փորձութեանը, որով պարզւեց, որ նրանք կայուն համոզմունքներ չունեն ժողովրդավարութեան եւ մարդու իրաւունքների վերաբերեալ, եւ իրենց առաջնորդի մատի շարժումով կարող են վերածւել ժողովրդավարութեան գերեզմանափորների։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։