Հա

Քաղաքական

25/06/2019 - 13:10

«Կազանի փաստաթղթի» մոդիֆիկացիան. ի՞նչ են համանախագահներն առաջարկել Երեւանին եւ Բաքւին

Մամեդեարովի յայտարարութիւնները կցկտուր բնոյթ են կրում, Հայաստանի իշխանութիւնը պէտք է բացատրի, թէ կոնկրետ ինչ առաջարկներ կան բանակցութիւնների սեղանին։

«alikonline.ir» - Մամեդեարովի յայտարարութիւնները կցկտուր բնոյթ են կրում, Հայաստանի իշխանութիւնը պէտք է բացատրի, թէ կոնկրետ ինչ առաջարկներ կան բանակցութիւնների սեղանին։

ԵԱՀԿ ՄԽ համանախագահների առաջարկները, ամենայն հաւանականութեամբ, հիմնւած են այն նոյն այսպէս կոչւած «Կազանի փաստաթղթի» վրայ: «Sputnik» Արմենիայի հետ զրոյցում նման կարծիք յայտնեց քաղաքագէտ Երւանդ Բոզոյեանը` մեկնաբանելով Ադրբեջանի արտգործնախարար Էլմար Մամեդեարովի յայտարարութիւնը։

Աւելի վաղ` երկուշաբթի Մամեդեարովը յայտարարել էր, որ Երեւանն ու Բաքուն 2-3 ամիս կաշխատեն ԵԱՀԿ ՄԽ համանախագահների Վաշինգտոնում տեղի ունեցած հանդիպման ժամանակ ներկայացրած նոր փաստաթղթերով։

«Վաշինգտոնում համանախագահներն առաջարկեցին դուրս բերել զօրքը եւ խաղաղապահներ տեղակայել։ Բայց այս հարցի վրայ աշխատել է պէտք»,- Մամեդեարովի խօսքը մէջբերել էին Ադրբեջանական ԶԼՄ-ները։ Աւելի ուշ խաղաղապահների մասով Մամեդեարովին վերագրւող հատւածը հեռացւել էին լրատւամիջոցներից՝ պատճառաբանելով, թէ դա չի համապատասխանում իրականութեանը:

«Մամեդեարովի յայտարարութիւնը բաւականին կցկտուր էր։ Տպաւորութիւն է ստեղծւում, թէ նա ուզում էր ներկայացնել բանակցութիւնների որոշակի կոնկրետ մաս»,- ասաց Բոզոյեանը։

Ինչպէս նշեց փորձագէտը` Ադրբեջանի արտգործնախարարի խօսքերը ընդհանուր բնոյթ են կրում, դրանք դժւար է վերլուծելը, բայց հետաքրքիր է այն, որ հանդիպմանը նոր առաջարկներ են հնչեցւել, եւ կողմերը ժամանակ են վերցրել մտածելու համար։

Ընդ որում` Բոզոյեանն ընդգծեց, որ հասարակութեանը հարկ է աւելի մանրամասն բացատրել, թէ ինչ «յաւելեալ կոմպոնենտների» մասին է խօսքը։

«Միւս կողմից, ինչ էլ լինի, իմ կարծիքով, խօսքը «Կազանի փաստաթղթերի» (խմբագրւած «Մադրիդեան սկզբունքներ» - Խմբ.) շուրջ ինչ-որ մոդիֆիկացիաների մասին է։ Սակայն հետաքրքիր է, որ լրացուցիչ մանրամասներ կան, ինչի մասին խօսում էր Մամեդեարովը»,- ասաց Բոզոյեանը։

Հէնց այս հաւանական «դետալներն» էլ կարող են Հայաստանում եւ Ադրբեջանում լուրջ քննարկման առարկայ դառնալ։

Քաղաքագէտը չի բացառում, որ Հայաստանում տեղի ունեցած իշխանափոխութիւնից յետոյ, համանախագահներն ուսումնասիրում են նոր ղեկավարութեան մօտեցումները։

«Կարծում եմ, որ հէնց այս համատեքստում է պէտք դիտարկել այն, ինչ առաջարկում են համանախագահները, ինչը նախկինում չի եղել, եւ ինչի մասին խօսում է Մամեդեարովը»,- նշեց Բոզոյեանը։

Նշենք, որ երկու երկրների արտգործնախարարները հերթական հանդիպումն անցկացրեցին Վաշինգտոնում յունիսի 20-ին։ Դրա արդիւնքներով ԵԱՀԿ ՄԽ համանախագահները յայտարարութիւն տարածեցին, որում ափսոսանք յայտնեցին հակամարտութեան գօտում վերջին կորուստների հետ կապւած եւ յամառօրէն կոչ արեցին կողմերին շտապ միջոցներ ձեռնարկել այդ ուղղութեամբ, ինչպէս նաեւ հաստատեցին հրադադարի ռեժիմի անշեղ կատարմանն ուղղւած եւ սադրիչ քայլերից զերծ մնալու պարտաւորութիւնները։

Յարակից լուրեր

  • Հայաստանը կորցնում է իր գրաւչութիւնը. ՄԱԿ-ի ահազանգը
    Հայաստանը կորցնում է իր գրաւչութիւնը. ՄԱԿ-ի ահազանգը

    ՄԱԿ-ը Հայաստանի ներդրումների միջավայրի վերաբերեալ հրապարակել է զեկոյց՝ արձանագրելով բաւական հակասական պատկեր: Չնայած ՄԱԿ-ի Առեւտրի եւ զարգացման համաժողովի (UNCTAD/ՄԱԿԱԶՀ) կողմից  հրապարակւած զեկոյցը դժւար է միանշանակօրէն նեգատիւ գնահատել, սակայն դրանում տեղ գտած մի շարք կարեւոր շեշտադրումներ ստիպում են խորապէս վերագնահատել իշխանութիւնների կողմից պարբերաբար արւող ամպագոռգոռ յայտարարութիւնները՝ կապւած տնտեսական յեղափոխութեան անխուսափելիութեան հետ:

  • Ակնարկ. 21-րդ դարու կայկական կրթակարգ. Բովանդակային քննարկումի անհրաժեշտութիւնը
    Ակնարկ. 21-րդ դարու կայկական կրթակարգ. Բովանդակային քննարկումի անհրաժեշտութիւնը

    Հայաստանի մէջ «Հայոց լեզու», «Հայ գրականութիւն», «Հայոց պատմութիւն» դասանիւթերը բարձրագոյն ուսման հաստատութիւններու մէջ ոչ պարտադիր դարձնելու նախաձեռնութիւնը տեղի տուած է  թէժ եւ լարուած իրավիճակներու: Դասադուլներ, նստացոյցեր, բանավէճեր, բողոքի գործողութիւններ` հասնելու համար նախարարի հրաժարականի պահանջ` խնդիրը կրթականէն մղուած է  հասարակական-քաղաքական հարթութիւն եւ ստացած սուր հնչեղութիւն:

  • «Մի՞թէ Փաշինեանն է այն «փայլատակող միտքը», որը վերջապէս գտել է խաղաղ կարգաւորման բանաձեւը». Արտակ Զաքարեան
    «Մի՞թէ Փաշինեանն է այն «փայլատակող միտքը», որը վերջապէս գտել է խաղաղ կարգաւորման բանաձեւը». Արտակ Զաքարեան

    Տարիներ շարունակ հայատեացութիւնը Ադրբեջանում դարձել է պետական քաղաքականութեան հիմնարար եւ բաղկացուցիչ մաս. այն խորապէս արմատաւորւել է դպրոցական դասագրքերում եւ թունաւորում է այդ երկրի երիտասարդ սերնդի մտածողութիւնը: Այս մասին Facebook-ի իր էջում գրել է ՀՀ պաշտպանութեան նախկին փոխնախարար Արտակ Զաքարեանը:

  • «Մել»-ի հակաբարոյական, հակազգային եւ հակապետական շարժապատկերը
    «Մել»-ի հակաբարոյական, հակազգային եւ հակապետական շարժապատկերը

    Սեռափոխւած ծանրամարտիկ Մելինէ Դալուզեանի (Մել) մասին պատմող ֆիլմի մասին բաւականին գրւեց եւ խօսւեց: «Մելը» 2019 թւականին Հայաստանի ազգային կինոկենտրոն ներկայացւած 65 յայտերից երկրորդ փուլ անցած լիամետրաժ նախագծերի թւում է: Պետութիւնը (ՀՀ ԿԳՄՍ նախարարութիւնը) ֆիլմի ֆինանսաւորման համար յատկացրել է 20 միլիոն դրամ:

  • Էրդողանի գլխաւոր խորհրդականն ասել է, թէ «մի օր Ադրբեջանի դրօշը կը ծածանւի Ղարաբաղում»
    Էրդողանի գլխաւոր խորհրդականն ասել է, թէ «մի օր Ադրբեջանի դրօշը կը ծածանւի Ղարաբաղում»

    Թուրքիայում Ադրբեջանի դեսպան Հազար Իբրահիմը կրկին խօսել է «Մէկ ազգ, երկու պետութիւն» սկզբունքի մասին եւ նշել, որ Ադրբեջանը միշտ Թուրքիայի կողքին է, Թուրքիան էլ՝ Ադրբեջանի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։