Հա

Քաղաքական

03/07/2019 - 14:50

Նաղդալեանը բացառում է Արցախի հարցում միակողմանի զիջումների սցենարի գոյութիւնը

Հայաստանի համար խաղաղութեանը նպաստող միջավայրի ձեւաւորումն առաջնահերթութիւն է: Հայաստանը մշտապէս խօսել է խաղաղութեան դիրքերից, սակայն սա չի նշանակում, թէ խաղաղութեան համար պատրաստ է գնալ միակողմանի զիջումների:

«alikonline.ir» - Հայաստանի համար խաղաղութեանը նպաստող միջավայրի ձեւաւորումն առաջնահերթութիւն է: Հայաստանը մշտապէս խօսել է խաղաղութեան դիրքերից, սակայն սա չի նշանակում, թէ խաղաղութեան համար պատրաստ է գնալ միակողմանի զիջումների:

«Արմէնպրես»-ի հաղորդմամբ՝ հրաւիրւած ճեպազրոյցում այս մասին ասաց ՀՀ արտաքին գործերի նախարարութեան մամուլի խօսնակ Աննա Նաղդալեանը:

«Խաղաղութեանը նպաստող միջավայրի ձեւաւորումն առաջնահերթութիւն է մեզ համար, քանի որ մենք չենք հաւատում, թէ հնարաւոր է արդիւնաւէտութիւն արձանագրել բանակցային գործընթացում, եթէ կայ տեղում իրադրութեան լարում։ Այն ենթադրութիւնը, թէ Հայաստանը կարող է բանակցել սպառնալիքի ներքոյ, շատ վտանգաւոր ենթադրութիւն է: Հայաստանը մշտապէս խօսել է խաղաղութեան դիրքերից, խօսել է բոլորի համար ընդունելի լուծում գտնելու անհրաժեշտութեան դիրքերից, սակայն սա չի նշանակում, թէ խաղաղութեան համար պատրաստ է գնալ միակողմանի զիջումների, որոնք վտանգի տակ են դնում Արցախի ինքնորոշման իրաւունքն ու անվտանգութիւնը»,- ասաց Նաղդալեան ու շեշտեց՝ այն ենթադրութիւնը, թէ միակողմանի զիջումների սցենարն իրական է, բացառւում է:

Անդրադառնալով յունիս ամսին Վաշինգտոնում Հայաստանի եւ Ադրբեջանի ԱԳ նախարարներ Զոհրաբ Մնացականեանի եւ Էլմար Մամեդեարովի հանդիպմանը՝ Նաղդալեանը նշեց, որ այդ հանդիպման ժամանակ հիմնական շեշտադրումն արւել է հանդիպմանը նախորդած ժամանակաշրջանում իրավիճակին, լարւածութեան թուլացմանը եւ վերադարձին այն իրավիճակին, որը հնարաւոր էր եղել ձեւաւորել Դուշանբէում ձեռք բերւած պայմանաւորւածութիւնների արդիւնքում: «Դուշանբէում ձեռք բերւած պայմանաւորւածութիւններով հաստատւել էր օպերատիւ կապ, որն իր մէջ միջադէպերի կանխարգելման եւ դրանց արձագանքման տարրեր էր պարունակում: Ուստի հիմա անհրաժեշտութիւն է առաջացել ամրապնդել այդ մեխանիզմը, ինչը նշանակում է, որ անհրաժեշտ է ամրապնդել նաեւ հրադադարի ռեժիմը»,- ասաց նա:

Աննա Նաղդալեանը նշեց, որ այդ ամէնի մասին պայմանաւորւածութիւն ձեռք է բերւել այս տարւայ Վիեննայի, ինչպէս նաեւ 2016 թւականի Սանկտ Պետերբուրգի եւ Վիեննայի գագաթնաժողովների ժամանակ:

Յարակից լուրեր

  • Ադրբեջանի նախագահը խօսում է ցեղասպանութեան բացայայտ սպառնալիքներով
    Ադրբեջանի նախագահը խօսում է ցեղասպանութեան բացայայտ սպառնալիքներով

    Ադրբեջանի նախագահը [և իշխանութեան միւս մարմինները] ողջ հայ ժողովրդի ու Հայաստանի բնակչութեան մասին խօսում են էթնիկ զտումների ու ցեղասպանութեան բացայայտ սպառնալիքներով:

  • «Կորցրել ենք մեր սուվերենութիւնն ու տարածաշրջանային սուբիեկտ լինելու հանգամանքը». Բ. Եսայեան
    «Կորցրել ենք մեր սուվերենութիւնն ու տարածաշրջանային սուբիեկտ լինելու հանգամանքը». Բ. Եսայեան

    ՀՅԴ անդամ Բագրատ Եսայեանը ֆէյսբուքեան իր էջում գրել է․

  • Փրփուրին կառչելու փորձ մը
    Փրփուրին կառչելու փորձ մը

    11 յունուարին Մոսկուայի մէջ տեղի ունեցաւ Փաշիեան-Փութին-Ալիեւ եռակողմ հանդիպումը: Ստորագրուեցաւ եռակողմ նոր յայտարարութիւն մը, որ կը վերաբերէր տարածաշրջանին մէջ բոլոր տնտեսական եւ փոխադրական կապերու ապաշրջափակման` 9 նոյեմբերի յայտարարութեան 9-րդ կէտի իրականացման հետագայ աշխատանքներուն:

  • Ադրբեջանին յանձնւած «Սիդնէյ»-ն ու սփիւռքահայերի յոյսերը
    Ադրբեջանին յանձնւած «Սիդնէյ»-ն ու սփիւռքահայերի յոյսերը

    Սփիւռքահայերի կէս միլիոն դոլարի հանգանակութեամբ Քարվաճառում հիմնւած «Սիդնէյ» թաղամասը չհասցրեց բնակելի դառնալ: Կարմիր քարով կառուցւած 15 միանման առանձնատներից 12-ը գրեթէ պատրաստ էր բնակութեան, երբ սկսւեց պատերազմը, որի աւարտից յետոյ «Սիդնէյ» նորակառոյց թաղամասը Քարվաճառի միւս բնակավայրերի հետ յանձնւեց Ադրբեջանին: Թաղամասի կառուցման համար սփիւռքահայերի հանգանակած կէս միլիոն դոլարին գումարւել էր նաեւ Արցախի կառավարութեան մօտ երեք հարիւր հազար դոլար ներդրումը՝ ենթակառուցւածքների ապահովման համար:

  • Շրջանցել փակուղին
    Շրջանցել փակուղին

    Մոսկուայի հանդիպումն ալ տեղի ունեցաւ: Անբնական կեանքը… բնականի պէս կը շարունակուի Երեւանի մէջ:

    Հ․Հ․ վարչապետի բանբերը, թէ՛ նախօրեակին եւ թէ՛ աւարտին, տեղեկութիւններով ճոխ յայտարարութիւններ չհրատարակեց, բան մը, որ սպասելի էր, մանաւանդ որ սեղանին շուրջ կը գտնուէին հանդիպման տէրն ու տիրականը՝ «քինկմէյքըր» Վլատիմիր Փութին, յաղթական Իլհամ Ալիեւ ու պարտեալ Նիկոլ Փաշինեան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։