Հա

Քաղաքական

07/07/2019 - 08:40

«Որեւէ իշխանութիւն ինքնուրոյն չի կարող պատասխանատւութիւն ստանձնել ու ասել՝ ես եմ լուծում Արցախի հարցը». ԼՂ ԱԺ պատգամաւոր

Ողջունելի է, որ Հայաստանի եւ Արցախի արտաքին գործերի նախարարները ստորագրել են խորհրդակցութիւնների պլան: «Tert.am»-ի հետ զրոյցում Լեռնային Ղարաբաղի Ազգային ժողովի պատգամաւոր Վարդգէս Բաղրեանն ասաց, որ ղարաբաղեան հակամարտութեան կարգաւորման հարցով ցանկացած միասնական աշխատանք ՀՀ ու ԱՀ միջեւ պէտք է գնահատել դրական:

«alikonline.ir» - Ողջունելի է, որ Հայաստանի եւ Արցախի արտաքին գործերի նախարարները ստորագրել են խորհրդակցութիւնների պլան: «Tert.am»-ի հետ զրոյցում Լեռնային Ղարաբաղի Ազգային ժողովի պատգամաւոր Վարդգէս Բաղրեանն ասաց, որ ղարաբաղեան հակամարտութեան կարգաւորման հարցով ցանկացած միասնական աշխատանք ՀՀ ու ԱՀ միջեւ պէտք է գնահատել դրական:

«Մեզ յուզող ամենակարեւոր հարցի շուրջ տարակարծութիւններ չպէտք է լինեն: Լաւ է, որ պլան է ստորագրւել, բայց պէտք է ասեմ նաեւ, որ առանց դրա էլ գոնէ Արցախի հարցում լուրջ տարակարծութիւններ չեն եղել: Կարծում եմ, որ փաստաթուղթը հաւանաբար կողմերին աւելի է պարտաւորեցնելու»,- ասաց Վարդգէս Բաղրեանը:

Պատգամաւորը նկատեց, որ «չեն եղել բաներ, որոնց մասին Հայաստանի իշխանութիւնները Ղարաբաղի իշխանութիւններին տեղեակ չեն պահել», իսկ խորհրդակցական պլանի ստորագրումից յետոյ պէտք է պահեն:

«Ես աշխատել եմ նախագահ Արկադի Ղուկասեանի աշխատակազմում, հեռուստատեսութիւնում ու կարող եմ ասել, որ միշտ էլ բանակցութիւններից առաջ, յետոյ ՀՀ իշխանութիւնները Ղարաբաղի իշխանութիւններին ոչ միայն տեղեակ են պահել քննարկածը, այլեւ անպայման հաշւի են առել Արցախի իշխանութիւնների տեսակէտը: Երբեւէ լուրջ տարաձայնութիւն չի եղել: Մտքերի փոխանակութիւն է եղել, ինչ-ինչ հարցերի շուրջ գուցէ եղել են տարբեր կարծիքներ, բայց նոյն մեխին են խփել»,- մանրամասնեց Վարդգէս Բաղեանը:

Ըստ պատգամաւորի՝ պլանը «օրինականացնում է» յարաբերութիւնները, որոնք միշտ էլ եղել են բոլոր իշխանութիւնների ժամանակ:

«Մենք չենք կարող ջլատել մեր ուժերը՝ տարբեր կարծիքներ ունենալով: Սա լաւ է, որ հայկական կողմերից որեւէ մէկը ինքնուրոյն, միայնական չգործի: Ո´չ Հայաստանի, ո´չ Արցախի իշխանութիւնները իրաւունք չունեն, միայն իրենց կարծիքը հաշւի առնելով, որեւէ բան ստորագրեն, թէեւ ես այն կարծիքին եմ, որ հարցը միայն հանրաքւէով կարող է լուծւել: Որեւէ իշխանութիւն ինքնուրոյն չի կարող պատասխանատւութիւն ստանձնել ու ասել՝ ես եմ լուծում հարցը»,- ասաց նա:

Դիտարկմանը, թէ արդեօք Նիկոլ Փաշինեանը կարո՞ղ է «ինքնուրոյն լուծել հարցը», արդեօք նման կասկածնե՞ր ունէք, Վ. Բաղրեանը բացասական պատասխան տւեց՝ նշելով, որ եթէ որեւէ մէկը նման բան անի, դա կը լինի քաղաքական ինքնասպանութիւն:

Յարակից լուրեր

  • Համահայկական տեսլականի տագնապը
    Համահայկական տեսլականի տագնապը

    Հայաստանի վերանկախացումէն ի վեր բազմիցս հրապարակ իջած է Հայաստան-Սփիւռք կապերու բարելաւման եւ համակարգման խնդիրը։ Տակաւին Հայաստան պաշտօնապէս չէր անկախացած՝ 1991-ի ամռան, երբ Վազգէն Մանուկեանի կառավարութեան նախաձեռնութեամբ կայացաւ հայ գործարարներու առաջին համագումարը։ Սկզբնական խանդավառութիւնը, շատ վառ երազներով, պիտի յանգէր սահմանափակ տարողութեամբ մի քանի իրագործումներու։

  • Անդրադարձ. Զգուշաւորութիւն եւ անվճռականութիւն
    Անդրադարձ. Զգուշաւորութիւն եւ անվճռականութիւն

    Ժողովրդավարական վարչակարգի տէր պետութեան մը մէջ գոյութիւն ունին մտածողութեան եւ մանաւանդ գործունէութեան անշրջանցելի արժեհամակարգ ու մշակոյթ, որոնք կը բացառեն կամայականութիւնը: Այդ արժեհամակարգէն ու մշակոյթէն որեւէ շեղում, կամայական որեւէ քայլ առնել կը նշանակէ մուտք գործել Լութովիկոս ԺԴ.-ի «Ես եմ պետութիւնը» մտածելակերպի աշխարհ:

  • Հայաստանը միացել է ՈՒԵՖԱ-ի PlayMakers ծրագրին
    Հայաստանը միացել է ՈՒԵՖԱ-ի PlayMakers ծրագրին

    Հայաստանը միացել է  ՈՒԵՖԱ-ի PlayMakers ծրագրին, որը ՈՒԵՖԱ-ի եւ «Դիսնէյ» աշխարհահռչակ ընկերութեան համագործակցութիւնն է, հիմքում ընկած է «Դիսնէյ»-ի հերոսների շնորհիւ նպաստել 5-8 տարեկան աղջիկների շրջանում ֆուտբոլի տարածմանն ու խթանմանը:

  • ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»
    ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»

    ՀՀ-ում Իրանի Իսլամական Հանրապետութեան դեսպան Աբբաս Բադախշան Զոհուրին յուլիսի 6-ին Հանրային հեռուստաընկերութեան եթերում անդրադարձել է Հայաստանի եւ Իրանի յարաբերութիւններին, տնտեսական համագործակցութեան զարգացմանը, ռազմավարական յարաբերութիւններին, հայ համայնքին եւ այլ թեմաների:

  • «Արարատ Միրզոյեանն առանձին յարաբերութիւննե՞ր է հաստատում Կրեմլի հետ». «Փաստ»
    «Արարատ Միրզոյեանն առանձին յարաբերութիւննե՞ր է հաստատում Կրեմլի հետ». «Փաստ»

    «Փաստ» թերթը գրում է. «Վերջին շրջանում էլ աւելի է սրւել հայ-ռուսական յարաբերութիւնների թեման։ Մեր երկրների յարաբերութիւնները որքան էլ բարեկամական են, դաշնակցային, միեւնոյն է՝ առաջնորդների մակարդակով բաւական սառն են, ինչի մասին խօսում են արդէն ոչ միայն միջազգայնագէտները, քաղաքագէտները, այլ անգամ սովորական մարդիկ։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։