Հա

Քաղաքական

09/07/2019 - 11:00

«Փաստ». «Գործող վարչապետի պաշտօնական այցերն աւելի շատ տուրիստական բնոյթ են կրում՝ երկրին չբերելով առարկայական օգուտներ»

«Փաստ» թերթը գրում է. «Աւարտւել է ՀՀ վարչապետ Նիկոլ Փաշի­նեանի պաշտօնական այցը Վիետնամ եւ Սինգապուր: Արդէն այն փաստը, որ Փաշինեանը երկրի համար առանցքային տօնին՝ Սահմա­նադրութեան օրը, բացակայում էր Հայաստա­նից, ենթադրում է, որ այդ այցերը Հայաստա­նի համար բացառիկ նշանակութիւն ունեն:

«alikonline.ir» - «Փաստ» թերթը գրում է. «Աւարտւել է ՀՀ վարչապետ Նիկոլ Փաշի­նեանի պաշտօնական այցը Վիետնամ եւ Սինգապուր: Արդէն այն փաստը, որ Փաշինեանը երկրի համար առանցքային տօնին՝ Սահմա­նադրութեան օրը, բացակայում էր Հայաստա­նից, ենթադրում է, որ այդ այցերը Հայաստա­նի համար բացառիկ նշանակութիւն ունեն:

Միւս կողմից՝ շատ հնարաւոր է, որ Հայաս­տանի գործող վարչապետն ուղղակի յաւուր պատշաճի չի գնահատում Սահմանադրու­թեան օրը, մանաւանդ, որ կարճ պաշտօնա­վարման ընթացքում հասցրել է ֆորմալիզացնել, ֆետիշացնել յեղափոխութեան հետ ասոցացւող իրադարձութիւնները: Սահմանադրութեան օրը Փաշինեանը մեկ­նել է հէնց Վիետնամ ու չնայած այդ երկրում ունեցել է հանդիպումներ առանցքային բարձ­րաստիճան պաշտօնեաների, գործարարների հետ՝ այցի համատեքստը հիմնականում ամ­բողջացնում են, այսպէս կոչւած, մշակութա­յին, հումանիտար հանդիպումները:

Ֆէյսբուքեան իր էջում անդրադառնալով Վիետնամ կատարած այցին՝ ՀՀ վարչապետի մամուլի խօսնակ Վլադիմիր Կարապետեանը գրել է. «Ամփոփելով՝ ցանկանում եմ նշել, որ վարչապետի բոլոր հանդիպումները, այդ թւում՝ Վիետնամի իր գործընկերոջ և գործարար շրջանակների հետ, անցան արդիւնա­էտ: Տնտեսութեան եւ հումանիտար ոլորտնե­րում ձեռք բերւեցին կոնկրետ պայմանա­ւորւածութիւններ, որոնց կեանքի կոչման ուղղութեամբ, վստահ եմ, համապատասխան գերատեսչութիւնները կը ձեռնարկեն ակտիւ աշխատանքներ:

Նշեմ, որ վիետնամական բաւականին խոշոր գործարարներ շա­հագրգռւածութիւն յայտնեցին համագոր­ծակցելու հայկական կողմի հետ, նրանք մեծ հետաքրքրութիւն ցուցաբերեցին հայկական արտադրանքի, կոնեակի, գինու, վերամշակւած գիւղմթերքի նկատմամբ»: Նա ընդգծել է, որ վարչապետ Փաշինեանի պայմանաւորւածութիւնները պէտք է գործնական փուլ մտնեն աշնանը հայ-վիետնամական գործա­րար համաժողովի ընթացքում, յաւելելով, որ քաղաքական առումով երկու երկրներն ունեն լիարժէք փոխըմբռնում, ինչը եւս կա­րեւոր է յատկապէս միջազգային հարթակնե­րում համագործակցելու առումով:

Հայ-վիետնամական գործարար համաժո­ղովը Փաշինեանի մեծաթիւ պատւիրակութեան այցի միակ առարկայական ձեռքբե­րումն է, սակայն անկեղծ լինեմ՝ այդ համաժո­ղովի առարկայական, գործնական նշանա­կութիւնը գերագնահատել պարզապէս չի կարելի: Բանն այն է, որ մեր երկու երկրների միջեւ ապրանքաշրջանառութիւնն անցած տարւայ ընթացքում չի հասել անգամ 50 միլիոն դոլարի, ու այս համատեքստում դժւար է ակնկալել որակական բեկում, մանաւանդ,  որ Հայաստանն ու Վիետնամը չունեն ընդհանուր քաղաքական, տնտեսական օրակարգ:

Սինգապուրը պէտք է դիտարկել մի փոքր այլ տեսանկիւնից, որովհետեւ հարաւ-արեւելեան Ասիայում գտնւող այս երկիրն ունի զւսրգացման մի մոդել, որն ուսանելի է ոչ միայն Հայաստանի, այլեւ աշխարհի շատ երկրների համար, որոնք ցանկանում են յաղթահարել աղքատութիւնը, զարգացնել տնտեսութիւնը:

1965-90 թթ. Սինգապուրում ՀՆԱ-ն մէկ մարդու հաշւով 400 դոլարից բարձրացաւ 12.2 հազար դոլարի, ինչի հետևանքով հարաւ-արեւելեան Ասիայի այս փոքրիկ պետութիւնը համալրեց աշ­խարհի տասը հարուստ երկրների թիւը:

Հէնց սա է «սինգապուրեան տնտեսական հրաշքի» հիմնական հետեւանքը՝ մարդու բարեկեցութիւ­նը: Դատարկ սառնարաններով հնարաւոր չէ շարունակ խօսել տնտեսական յեղափոխու­թեան մասին: Յուսանք՝ Սինգապուրում Նիկոլ Փաշինեանը հասկացել է այս ճշմարտութիւնն ու այն աքսիոմը, որ պոպուլիզմը բարեփոխում­ների լաւագոյն ուղեկիցը չէ:

Սակայն այս պարագայում էլ անպայման չէ ենթադրել, որ Նիկոլ Փաշինեանի մեծաթիւ պատւիրակութեան այցն արդարացւած էր, որովհետեւ զարգացման մոդել ուսումնասի­րելու համար աւելի կարեւոր է փորձագիտա­կան, մասնագիտական խմբեր գործուղելը: Յամենայն դէպս, քիչ սպասելի է, որ սինգապուրեան այցից յետոյ Նիկոլ Փաշինեանի յայ­տարարած տնտեսական յեղափոխութիւնը բովանդակութիւն կը ստանայ՝ դուրս գալով կարգախօսային կաղապարից:

Իսկ առայժմ տպաւորութիւն է, որ Նիկոլ Փաշինեանն անում է այն, ինչի համար ընդդիմադիր դիրքերից քննադատել է Ռոբերտ Քոչարեանին ու Սերժ Սարգսեանին, այլ խօսքով՝ գործող վարչապետի պաշտօնական այցերն աւելի շատ տուրիստական բնոյթ են կրում՝ երկրին չբերելով առարկայական օգուտներ: Նոր Հայաստանում հին աւան­դոյթները շարունակւում են»:

Յարակից լուրեր

  • «Հանգստեան օրերին իշխանութեան ներսում բաւականին լուրջ «ռազբորկաներ» են ընթացել». «Փաստ»
    «Հանգստեան օրերին իշխանութեան ներսում բաւականին լուրջ «ռազբորկաներ» են ընթացել». «Փաստ»

    «Փաստ» թերթը գրում է. «Հակառուսական տրամադրութիւնների ակտիւացման փաստն այլեւս նոյնիսկ թաքցնել չի յաջողւում: Փորձագէտները քանիցս նշել են, որ դա արւում է իշխանութեան մէջ տեղաւորւած, ինչպէս նաեւ իշխանամերձ արեւմտամէտ յայտնի շրջանակների նախաձեռնութեամբ ու վերահսկմամբ։ 

  • Համահայկական տեսլականի տագնապը
    Համահայկական տեսլականի տագնապը

    Հայաստանի վերանկախացումէն ի վեր բազմիցս հրապարակ իջած է Հայաստան-Սփիւռք կապերու բարելաւման եւ համակարգման խնդիրը։ Տակաւին Հայաստան պաշտօնապէս չէր անկախացած՝ 1991-ի ամռան, երբ Վազգէն Մանուկեանի կառավարութեան նախաձեռնութեամբ կայացաւ հայ գործարարներու առաջին համագումարը։ Սկզբնական խանդավառութիւնը, շատ վառ երազներով, պիտի յանգէր սահմանափակ տարողութեամբ մի քանի իրագործումներու։

  • Անդրադարձ. Զգուշաւորութիւն եւ անվճռականութիւն
    Անդրադարձ. Զգուշաւորութիւն եւ անվճռականութիւն

    Ժողովրդավարական վարչակարգի տէր պետութեան մը մէջ գոյութիւն ունին մտածողութեան եւ մանաւանդ գործունէութեան անշրջանցելի արժեհամակարգ ու մշակոյթ, որոնք կը բացառեն կամայականութիւնը: Այդ արժեհամակարգէն ու մշակոյթէն որեւէ շեղում, կամայական որեւէ քայլ առնել կը նշանակէ մուտք գործել Լութովիկոս ԺԴ.-ի «Ես եմ պետութիւնը» մտածելակերպի աշխարհ:

  • Հայաստանը միացել է ՈՒԵՖԱ-ի PlayMakers ծրագրին
    Հայաստանը միացել է ՈՒԵՖԱ-ի PlayMakers ծրագրին

    Հայաստանը միացել է  ՈՒԵՖԱ-ի PlayMakers ծրագրին, որը ՈՒԵՖԱ-ի եւ «Դիսնէյ» աշխարհահռչակ ընկերութեան համագործակցութիւնն է, հիմքում ընկած է «Դիսնէյ»-ի հերոսների շնորհիւ նպաստել 5-8 տարեկան աղջիկների շրջանում ֆուտբոլի տարածմանն ու խթանմանը:

  • ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»
    ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»

    ՀՀ-ում Իրանի Իսլամական Հանրապետութեան դեսպան Աբբաս Բադախշան Զոհուրին յուլիսի 6-ին Հանրային հեռուստաընկերութեան եթերում անդրադարձել է Հայաստանի եւ Իրանի յարաբերութիւններին, տնտեսական համագործակցութեան զարգացմանը, ռազմավարական յարաբերութիւններին, հայ համայնքին եւ այլ թեմաների:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։