Հա

Քաղաքական

29/07/2019 - 13:50

Մեկնարկել է Արցախի արտգործնախարարի աշխատանքային այցն Աւստրալիա. հանդիպումներին մասնակցել է Հայ Դատի Աւստրալիայի յանձնախմբի նախագահ Հայկ Կայսերեանը

Մեկնարկել է Արցախի Հանրապետութեան արտաքին գործերի նախարար Մասիս Մայիլեանի գլխաւորած պատւիրակութեան աշխատանքային այցն Աւստրալիա` Հայ Դատի Աւստրալիայի յանձնախմբի հրաւէրով։

«alikonline.ir» - Մեկնարկել է Արցախի Հանրապետութեան արտաքին գործերի նախարար Մասիս Մայիլեանի գլխաւորած պատւիրակութեան աշխատանքային այցն Աւստրալիա` Հայ Դատի Աւստրալիայի յանձնախմբի հրաւէրով։ Տեղեկացնում է «Yerkir.am»-ը:

Պատւիրակութեան կազմում է ԱՀ ԱԺ պատգամաւոր, ՀՅԴ Արցախի Կենտրոնական կոմիտէի ներկայացուցիչ Դաւիթ Իշխանեանը։ Այցի շրջանակներում նախատեսւած են մի շարք հանդիպումներ Աւստրալիայի պետական, քաղաքական եւ հասարակական գործիչների, ինչպէս նաեւ հայկական համայնքային կառոյցների եւ հոգեւոր դասի ներկայացուցիչներ հետ։

Կիրակի՝ յուլիսի 28-ին, Արցախի Հանրապետութեան պատւիրակութիւնը հանդիպել է Հայ Առաքելական Եկեղեցու Աւստրալիայի եւ Նոր Զելանդիայի թեմի առաջնորդ Տ. Հայկազուն արքեպիսկոպոս Նաջարեանի հետ։ Նոյն օրը Սիդնէյի Հայկական մշակութային կենտրոնում տեղի է ունեցել պատվիրակութեան անդամների հանդիպումը հայկական երիտասարդական կազմակերպութիւնների ներկայացուցիչների հետ, որի ընթացքում Մասիս Մայիլեանը ներկայացրել է Արցախում անկախ եւ ժողովրդավարական պետականաշինութեան գործընթացում արձանագրւած ձեռքբերումները։

Այս համատեքստում նա կարեւորել է հայկական սփիւռքի ներդրումը երկրորդ հայկական պետութեան զարգացմանն ուղղւած ծրագրերի իրականացման գործում։ Հանդիպմանն անդրադարձ է կատարւել նաեւ Արցախի միջազգային ճանաչման եւ ադրբեջանա-ղարաբաղեան հակամարտութեան խաղաղ կարգաւորման գործընթացներին։

Այնուհետեւ Մասիս Մայիլեանը եւ Դաւիթ Իշխանեանը պատասխանել են միջոցառման մասնակիցների բազմաթիւ հարցերին։ Հանդիպումներին մասնակցում էին նաեւ Աւստրալիայում Արցախի Հանրապետութեան մշտական ներկայացուցիչ Քայլար Միքայէլեանը եւ Հայ Դատի Աւստրալիայի յանձնախմբի նախագահ Հայկ Կայսերեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։