Հա

Քաղաքական

28/09/2019 - 13:13

Սթրովոլոսի քաղաքապետը Զօրակցել է Արացախի ժողովրդի ազատ ինքնորոշման իրաւունքին

ՀՅԴ Կիպրոսի Հայ Դատի յանձնախմբի եւ ՀՅԴ Եւրոպայի Հայ Դատի գրասենեակի նախաձեռնութեամբ Արցախում գտնւող Կիպրոսի Սթրովոլոս քաղաքը ներկայացնող պատւիրակութիւնը սեպտեմբերի 26-ին հիւրընկալւել է ՀՅԴ Ստեփանակերտի «Նիկոլ Դուման» կենտրոնում: Սթրոլոսի քաղաքապետ Անդրէաս Պապախարալամպուսի հանդիպմանը ՀՅԴ Արցախի ԿԿ անդամները քննարկել են Արցախի եւ Կիպրոսի քաղաքական դաշտերին վերաբերող մի շարք հարցեր:


ՀՅԴ Կիպրոսի Հայ Դատի յանձնախմբի եւ ՀՅԴ Եւրոպայի Հայ Դատի գրասենեակի նախաձեռնութեամբ Արցախում գտնւող Կիպրոսի Սթրովոլոս քաղաքը ներկայացնող պատւիրակութիւնը սեպտեմբերի 26-ին հիւրընկալւել է ՀՅԴ Ստեփանակերտի «Նիկոլ Դուման» կենտրոնում: Սթրոլոսի քաղաքապետ Անդրէաս Պապախարալամպուսի հանդիպմանը ՀՅԴ Արցախի ԿԿ անդամները քննարկել են Արցախի եւ Կիպրոսի քաղաքական դաշտերին վերաբերող մի շարք հարցեր:

Քաղաքապետի խնդրանքով ՀՅԴ Արցախի ԿԿ անդամները ներկայացրել են ՀՅԴ Արցախի կառոյցի քաղաքական առաջնահերթութիւնները եւ առաջիկայ ծրագրերը:

Անդրէաս Պապախարալամպուսը խօսել է Արցախից ստացած տպաւորութիւնների մասին, նշել, որ ծանօթ է Արցախի պատմութեանը, բայց այցն աւելի է ամրապնդել իր գիտելիքները:

Հանդիպմանը ներկայ էին նաեւ ՀՅԴ Եւրոպայի Հայ Դատի գրասենեակի նախագահ Գասպար Կարապետեանը եւ ՀՅԴ Կիպրոսի կոմիտէի անդամ Րաֆֆի Մահտեսեանը:

«Ապառաժ»-ի հետ զրոյցում Գասպար Կարապետեանը նշել է, որ հիւրերը հանդիպեցին Ստեփանակերտի քաղաքապետի հետ, կարծիքներ փոխանակեցին կրթութեան եւ մշակոյթի բնագաւառում ապագայ համագործակցութեան վերաբերեալ: «Կիպրոսից առաջին անգամ է նման պատւիրակութիւն ժամանում Արցախ: Համագործակցութիւնը հնարաւորութիւն կը տայ Արցախին դէպի դուրս նոր ճամփայ ուենենալ, մշակութային եւ կրթական ոլորտում փորձի փոխանակում կատարել:

Ամենակարեւորն այն է, որ այցը քաղաքական մեծ նշանակութիւն ունի, որովհետեւ քաղաքապետի ներկայութիւնը նշանակում է, որ ինքը զօրաւիգ է Արցախի ժողովրդի ազատ ինքնորոշման իրաւունքին»,- նշել է Գասպար Կարապետեանը:

«Ապառաժ»

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։