Հա

Քաղաքական

20/10/2019 - 14:00

Ունենք բաւարար հիմքեր ազատ, անկախ, թափանցիկ ընտրութիւններ կայացնելու

Արցախի Արդարադատութեան նախարարութիւնում գրանցւած 22 կուսակցութիւններից 15-ի հետ ՀՅԴ-ն հանդիպել է, 3 կուսակցութիւն հրաժարւել է հանդիպել, միւս կուսակցութիւնների հետ չի յաջողւել կապ հաստատել, որովհետեւ չեն եղել կուսակցութեան պատասխանատուներ։ Այս մասին News.am-ի հետ զրոյցում ասաց ՀՅԴ Արցախի ԿԿ ներկայացուցիչ Դաւիթ Իշխանեանը՝ անդրադառնալով Արցախի նախագահական ընտրութիւններին ընդառաջ ՀՅԴ նախաձեռնած միջկուսակցական քննարկումների ընթացքին։

«alikonline.ir» - Արցախի Արդարադատութեան նախարարութիւնում գրանցւած 22 կուսակցութիւններից 15-ի հետ ՀՅԴ-ն հանդիպել է, 3 կուսակցութիւն հրաժարւել է հանդիպել, միւս կուսակցութիւնների հետ չի յաջողւել կապ հաստատել, որովհետեւ չեն եղել կուսակցութեան պատասխանատուներ։ Այս մասին News.am-ի հետ զրոյցում ասաց ՀՅԴ Արցախի ԿԿ ներկայացուցիչ Դաւիթ Իշխանեանը՝ անդրադառնալով Արցախի նախագահական ընտրութիւններին ընդառաջ ՀՅԴ նախաձեռնած միջկուսակցական քննարկումների ընթացքին։

Նա տեղեկացրեց, որ քննարկումների առաջին փուլն աւարտւած է, եւ արդէն կան համախոհութեան որոշ նշաններ․ «Առաջին փուլն աւարտել ենք, մենք ունենք արդէն որոշակի պատկերացումներ եւ նաեւ քննարկումների արդիւնքերը։ Առաջին փուլի մեր քննարկումները վերաբերում էին միասնական օրակարգի հարցերին, այն օրակարգի, որ մեր կողմից ներկայացւել է քաղաքական ուժերին, եւ այդ օրակարգի շուրջ ընդհանուր համախոհութեան եւ համաձայնութեան առաջին ծիլերը կան, այսինքն՝ քաղաքական ուժերի կողմից ողջունւել է մեր նախաձեռնութիւնը, եւ յստակ դիրքորոշում է ներկայացւել օրակարգին, սակայն կարծում եմ՝ երկրոդ փուլի արդիւնքում կարող ենք վերջնական խօսել ընտրութիւների մասնակցութեան ձեւի, ձեւաչափի մասին, որովհետեւ տարբեր պատկերացումներ կան նաեւ մի շարք կուսակցութիւնների մօտ, յատկապէս այն կուսակցութիւնների, որոնք արդէն իսկ փորձում են անձի շուրջ ձեւաւորել իրենց ընդհանուր քաղաքականութիւնը եւ իրենց ապագայ քաղաքական քայլերը։ Այդ առումով թերեւս մի քիչ վաղ է վերջնական տեսակէտ ներկայացնելու, բայց առաջիկայ մէկ ամսւայ ընթացքում կարծում եմ՝ կամբողջականայ եւ արդէն վերջնական կունենանք մեր կուսակցութեան յստակ դիրքորոշումը»։

Իշխանեանը նշեց, որ ՀՅԴ-ի նախաձեռնած քննարկումներին չեն մասնակցել այն կուսակցութիւնները, որոնք ունեն ինքնուրոյն օրակարգ․ «Երեք կուսակցութիւն հրաժարւել է ընդհանրապէս մեզ հետ հանդիպելուց, մէկը խորհրդարանում գործող ընդդիմադիր «Ազգային վերածնունդ» կուսակցութիւնը եւ արտախորհրդարանական «Հանրապետութիւն» եւ «Մեր տունը Հայաստանն է» կուսակցութիւնները, որոնք ներկայացրին, որ ունեն իրենց օրակարգը եւ իրենց սեփական թեկնածուն»։

Մինչդեռ «Ազատ հայրենիք» կուսակցութեան հետ ՀՅԴ արցախեան թեւը կարողացել է որոշակի փոխհամաձայնութիւն ձեւաւորել, թէեւ ոչ վերջնական, քանի որ «Ազատ հայրենիք»-ը, ըստ Դաւիթ Իշխանեանի, կենտրոնացած է իր թեկնածուի վրայ․ «Ինչ վերաբերում է «Ազատ հայրենիքի» հետ մեր ընկալումներին, թերեւս ընդհանուր ընկալումը եւ տեղեկատւութիւնը մի քիչ այլ ձեւ է ներկայացւում։ «Ազատ հայրենիք»-ի հետ հանդիպման ժամանակ ընդհանուր հարցերը, որ մենք ներկայացրել ենք, ընդհանուր փոխըմբռնում կար, եւ «Ազատ հայրենիք»-ի կողմից եւս ողջունւեց մեր ներկայացրած օրակարգը։ Մենք այդ հարցերի մասին խօսեցինք առանձնաբար, ոչ միայն արտաքին ու ներքին խնդիրների մասին, այլ նոյնիսկ սահմանադրական բարեփոխումներին անդրադարձանք 2020 թւականի ընտրութիւններից յետոյ։ Բայց խնդիրն այստեղ այլ է, «Ազատ հայրենիք» կուսակցութիւնը գոնէ այս պահի դրութեամբ ամէն ինչ կառուցում է իր սեփական թեկնածուի շուրջ եւ փորձում են սեփական թեկնածուի առաջադրմամբ ամէն ինչ համախմբել, ամէն ինչ կառուցել իրենց թեկնածուի շուրջ։

Մեր մօտեցումները մի քիչ այլ են, մենք ինչու ենք նախաձեռնել այս գործընթացը, սա ինքնանպատակ չէ, կամ որ անճարակ ենք, չունենք թեկնածու եւ չենք կարող թեկնածու առաջադրել։ Մենք փորձել ենք բոլոր քաղաքական ուժերին բացատրել ընդհանուր իրավիճակը, բոլոր ուժերին ներկայացնել այն հանգամանքը, որ անցած տարիներին խիստ կարեւորւում էր մեր ընդհանուր միասնականութեան դրսեւորումը եւ համախոհութեան մթնոլորտում գործելու անհրաժեշտութիւնը, իսկ այնպիսի իրավիճակ, ինչպիսին այսօր է, եւ այն մթնոլորտը, այն մարտահրաւէրները, որ մեր առջեւ են, յատկապէս արտաքին ճակատում, մէկ անգամ եւս մեզ թելադրում են, պարտադրում են, որպէսզի կարողանանք ընդհանուր համախոհութիւն դրսեւորել։ Այստեղ խնդիրը այն չէ, որ բոլոր կուսակցութիւնները գան մէկ դաշտ եւ ունենան մէկ թեկնածու, խնդիրն այն է, որ քաղաքական ուժերը կարողանան իրար հետ քննարկել ընդհանուր իրավիճակը, ձեւաւորել ընդհանուր օրակարգ եւ այս օրակարգի շուրջ արդէն խօսւի թեկնածուների մասին, բայց ցաւօք որոշ կուսակցութիւններ ունեն շատ մակերեսային պատկերացումներ, մօտեցումներ, եւ ամէն ինչ փորձում են կառուցել անձի շուրջ»։

«Դաշնակցութիւն» խմբակցութեան ղեկավարը նշեց նաեւ, որ իրենց ակնկալած խորքային քննարկումները երբեմն չեն յաջողւել, քանի որ որոշ կուսակցութիւններ որպէս այդպիսին ձեւաւորւած չէին․ «Մի շարք այսպէս կոչւած կուսակցութիւնների հետ քննարկումները շատ մակերեսային էին, որովհետեւ դասական առումով այդ կուսակցութիւնները չկան եւ չեն գործում, խորհրդարանական կամ նախագահական ընտրութիւնների նախաշեմին ձեւաւորւած կուսակցութիւններ են, որոնց կարելի է համարել մարդ-կուսակցութիւններ»։

Դաւիթ Իշխանեանը նաեւ ճշգրտեց, որ քննարկումները համաձայնեցւած թեկնածուի շուրջ են, եւ ոչ թէ միասնական, ընդ որում, թեկնածուին անդրադառնալու են միայն ընդհանուր օրակարգը համաձայնեցնելուց եւ հաստատելուց յետոյ․ «Մենք խօսում ենք համաձայնեցւած թեկնածուի մասին, միասնական թեկնածու եւ համաձայնեցւած թեկնածու մի քիչ այլ են։ Ես փորձեցի բացատրել ռազմավարութիւնը՝ օրակարգի ձեւաւորում, օրակարգի շուրջ համաձայնեցւած թեկնածու ունենալու հանգամանք։ Այդ ամէնը պէտք բնականաբար ամրագրւի յուշագրով, իւրաքանչիւրի դերակատարութեամբ։ Եթէ չյաջողւի ընդհանուր համաձայնութիւն ունենալ, եթէ չկարողանանք յաջողել համաձայնեցւած թեկնածուի գաղափարը միասնական օրակարգի շուրջ, ՀՅԴ-ն հանդէս կը գայ իր սեփական թեկնածով»։ Քննարկումների երկրոդ փուլում դաշնակցականները կը հանդիպեն Արցախի նախագահի հաւանական թեկնածուների հետ, եւ միայն այդ քննարկումներից յետոյ կը հրապարակենք իրենց որոշումը․ «Նոյեմբերին մեր արտակարգ ժողովում մեր վերջնական որոշումը կայացնելու բոլոր հիմքերը կարծում եմ կունենանք»,- ասաց Դաւիթ Իշխանեանը։

Իսկ 2020 թւականին Դաշնակցութիւնը չի ակնակալում, որ նախագահական ընտրութիւնները կանցկացւեն իդեալական, բայց նաեւ Դաւիթ Իշխանեանի խօսքով՝ ակնյայտ է, որ տարեցտարի ընտրական մեխանիզմները կատարելագործւում են։

«Ընտրկան մեխանիզմն Արցախում տարեցտարի կատարելագործվել է, բայց այդ ամէնը դեռեւս իդեալական չէ, եւ թերեւս 2020 թւականի ընտրութիւնները չեն կարող լինել այն իդեալական ընտրութիւնները, որը մենք երազում ենք եւ որին ձգտում ենք, բայց որ իւրաքանչիւր ընտրութիւն մի քայլ առաջ էր, սա ակնյայտ է։ Այդ ամէնը մեզ թելադրում են, որ մենք ունենք բաւարար հիմքեր ազատ, անկախ, թափանցիկ ընտրութիւններ կայացնելու»,- նշեց նա։

Յարակից լուրեր

  • «Ի՞նչ է կատարւում ԼՂ հարցով բանակցային գործընթացում». «168 ժամ»
    «Ի՞նչ է կատարւում ԼՂ հարցով բանակցային գործընթացում». «168 ժամ»

    «198 ժամ»-ը գրում է. «Վերջին օրերին ղարաբաղեան հակամարտութեան կարգաւորման բանակցային գործընթացի շուրջ ինտենսիւ իրադարձութիւններ են տեղի ունենում:

  • «Հայրենիք»-ի խմբագրական. Ալիեւ… ե՛ւ աւելի
    «Հայրենիք»-ի խմբագրական. Ալիեւ… ե՛ւ աւելի

    Անգամ մը եւս, խօսքը կը վերաբերի… Ատրպէյճանի ղեկավար՝ Իլհամ Ալիեւի ձաբռտուքներուն: Հետզհետէ, ան աւելի ջղացնցուած՝ «հիսթերիք» կը թուի ըլլալ, յատկապէս հարաւի իր դրացի թշնամիին նկատմամբ: Այսպէս, դեռ քանի մը օր առաջ, նոյեմբեր 27-ին, Պաքուի համալսարանի հարիւրամեակին նուիրուած ձեռնարկին բեմ բարձրանալով, առիթը գտաւ կեղծիքը, շինծուն եւ յերիւրածոն ներմուծելու իր խօսքերուն մէջ՝ Հայաստանի եւ հայութեան հասցէին ցեխարձակումներով:

  • Վիտալի Բալասանեանը կը մասնակցի 2020-ի Արցախի նախագահական ընտրութիւններին. նա առաջադրել է թեկնածութիւնը
    Վիտալի Բալասանեանը կը մասնակցի 2020-ի Արցախի նախագահական ընտրութիւններին. նա առաջադրել է թեկնածութիւնը

    Շնորհակալ եմ վստահութեան համար եւ տալիս եմ իմ համաձայնութիւնը՝ առաջադրւելու եւ մասնակցելու 2020 թւականին Արցախի նախագահական ընտրութիւններին այս մասին Արցախի «Արդարութիւն» կուսակցութեան արտահերթ համագումարում յայտարարել է Արցախի հերոս, գեներալ Վիտալի Բալասանեանը:

  • «Թաւշեայ» իշխանութիւնն ու Արցախեան հարցը
    «Թաւշեայ» իշխանութիւնն ու Արցախեան հարցը

    Միաձոյլ հայկական՝ 42 հազ. քառ կմ տարածքն ու երկու հայկական պետականութիւններն այն ամրոցն են, որտեղ կերտւում է Հայաստանի ներկան եւ ապագան, երաշխաւորւում 7 միլիոն սփիւռքահայութեան ինքնութեան եւ վերադարձի պայքարը: Հայկական ցանկացած իշխանութիւն եւ ուժ չի կարող հաւակնել որեւէ յաջողութեան՝ առանց Արցախի հարցի մասին իր դիրքորոշումը յստակեցնելու: Այս առումով գործող իշխանութեան տրամաբանութիւնը գրեթէ չի տարբերւում նախկին իշխանական մեծամասնութեան տրամաբանութիւնից:

  • ՀՅԴ Կեդրոնական կոմիտէի հանդիպումը Արցախի ներկայացուցիչներուն հետ
    ՀՅԴ Կեդրոնական կոմիտէի հանդիպումը Արցախի ներկայացուցիչներուն հետ

    Գոհաբանութեան տօնին կայացող Հայաստան համահայկական հիմնադրամի տարեկան դրամահաւաքին առիթով շրջանս գտնուող Արցախի Հանրապետութեան ներկայացուցիչները նոյեմբեր 26-ին հանդիպում մը ունեցան ՀՅԴ Արեւմտեան Ամերիկայի Կեդրոնական կոմիտէի անդամներուն հետ, քննարկելով հայութիւնը յուզող շարք մը հարցեր։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։