Հա

Քաղաքական

21/10/2019 - 14:30

«Վարչապետը միտք արտայայտելիս պէտք է ստեղծի նաեւ դրա իրականացման մեխանիզմը». Արմէն Սարգսեան

ՀՀ վարչապետը, եթէ մի միտք է արտայայտում, պէտք է ստեղծի համապատասխան մեխանիզմ՝ այդ միտքն իրականացնելու համար. Yerkir.am-ի հետ հարցազրոյցում ասաց Արցախի Հանրապետութեան ԱԺ պատգամաւոր, ՀՅԴ Արցախի ԿԿ անդամ Արմէն Սարգսեանը՝ մեկնաբանելով Նիկոլ Փաշինեանի՝ «Արցախը Հայաստան է, եւ վերջ» արտայայտութեան ազդեցութիւնը բանակցային գործընթացի վրայ:

«alikonline.ir» - ՀՀ վարչապետը, եթէ մի միտք է արտայայտում, պէտք է ստեղծի համապատասխան մեխանիզմ՝ այդ միտքն իրականացնելու համար. Yerkir.am-ի հետ հարցազրոյցում ասաց Արցախի Հանրապետութեան ԱԺ պատգամաւոր, ՀՅԴ Արցախի ԿԿ անդամ Արմէն Սարգսեանը՝ մեկնաբանելով Նիկոլ Փաշինեանի՝ «Արցախը Հայաստան է, եւ վերջ» արտայայտութեան ազդեցութիւնը բանակցային գործընթացի վրայ:

«Մենք պայքարում ենք միաւորման համար եւ գիտենք, որ Արցախի Հանրապետութիւնը պէտք է մնայ Արցախի Հանրապետութիւն, որպէսզի ինքնորոշման իրաւունքը կարողանանք վաստակել»,- ասաց նա:

Նրա համոզմամբ՝ բանակցային գործընթացի տրամաբանութիւնը յստակ պէտք է լինի հետեւեալ ձեւով՝ Արցախի Հանրապետութիւնը մասնակցի բանակցային գործընթացին, իսկ Հայաստանի Հանրապետութիւնը լինի միայն անվտանգութեան եւ անկախութեան երաշխաւորը:

Արմէն Սարգսեանը այս հարցում ճիշտ է համարում Դաշնակցութեան դիրքորոշումը, որի համաձայն՝ ՀՀ եւ ԱՀ միջեւ պէտք է կնքւի ռազմավարական դաշինք: Դեռ 1992-ին ՀՅԴ-ն Լեւոն Տէր-Պետրոսեանին առաջարկել էր ճանաչել Արցախի Հանրապետութիւնը, բայց այն առ այսօր ճանաչւած չէ: Եթէ այսօր դա արւի, սխալ ընկալում կը ձեւաւորւի՝ կը ստացւի, որ մինչեւ հիմա ՀՀ-ն չի ճանաչել Արցախի Հանրապետութիւնը: Հէնց այս պատճառով Դաշնակցութիւնը կողմնակից է հայկական երկու հանրապետութիւնների միջեւ ռազմավարական դաշինքի կնքմանը: «Այսինքն՝ մինչեւ հիմա ճանաչել ենք, հիմա ամրապնդում ենք դաշինքով: Իմ կարծիքով՝ ՀՅԴ-ի առաջարկն ամենաճիշտ լուծումն է»,- ասաց Արմէն Սարգսեանը:

Հանրային ընկալման տեսանկիւնից՝ Արմէն Սարգսեանը հանգիստ է, ասում է՝ ժողովուրդներն արդէն իրենց հարցը լուծել են՝ Արցախը Հայաստան է, Արեւմտեան Հայաստանը՝ Հայաստան է, ու վերջ, իսկ այն իշխանութիւնները, որոնք կը փորձեն սեպ խրել ՀՀ եւ ԱՀ ժողովուրդների միջեւ, նրա համոզմամբ, դատապարտւած են քաղաքական մահւան:

ՀՅԴ Արցախի ԿԿ անդամը խօսեց նաեւ 2020 թ.-ի՝ Արցախի նախագահի ընտրութիւններում ՀՅԴ թեկնածուի շուրջ բանակցութիւնների ընթացքի մասին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։