Հա

Քաղաքական

26/10/2019 - 10:40

«Թաւշեայ» իշխանութեան «խաղաղասիրութիւնը»

«7or.am» կայքի գլխաւոր խմբագիր, «Պոլիտէկոնոմիա» հետազօտական իսնտիտուտի տնօրէն Անդրանիկ Թեւանեանն իր ֆէյսբութեան էջում անդարադրձել է BBC-ի Hard Talk հաղորդմանը ՀՀ ԱԳ նախարար Զոհրաբ Մնացականեանի տւած հարցազրոյցին.

«alikonline.ir» - «7or.am» կայքի գլխաւոր խմբագիր, «Պոլիտէկոնոմիա» հետազօտական իսնտիտուտի տնօրէն Անդրանիկ Թեւանեանն իր ֆէյսբութեան էջում անդարադրձել է BBC-ի Hard Talk հաղորդմանը ՀՀ ԱԳ նախարար Զոհրաբ Մնացականեանի տւած հարցազրոյցին.

«ՀՀ արտգործնախարարի հարցազրոյցը BBC-ին հայկական դիւանագիտական մտքի վատագոյն դրսեւորումներից էր։ Հնչում էին ասիմետրիկ ու անհամարժէք պատասխաններ մեր դէմ ուղղւած հարցերին։

Ամենավտանգաւորն այն է, որ նախարարը ոչ թէ փորձեց շտկել Նիկոլ Փաշինեանի սխալ յայտարարութիւնները եւ միջազգային մամուլով յստակեցնել մեր դիրքորոշումը, այլ դեռ մի բան էլ խորացրեց կասկածները, որ պաշտօնական Երեւանը որդեգրել է դէպի փակուղի եւ պատերազմ տանող «խաղաղասիրական» քաղաքականութիւն։

1. Ալիեւը խօսում է «Ղարաբաղը Ադրբեջան է։ Եւ բացականչական նշան» տարբերակով, իսկ Մնացականեանը հարցազրոյցի ժամանակ խօսում է միայն Արցախի կարգավիճակի եւ անվտանգութեան մասին՝ այդպէս էլ յստակ չձեւակերպելով, որ Արցախի ժողովուրդն ունի ինքնորոշման իրաւունք եւ Արցախի կարգավիճակը պէտք է լինի անկախ Ադրբեջանի կազմից դուրս։

2. Ալիեւը խօսում է այն մասին, որ խնդիր է դրել ցամաքային կապ հաստատել Նախիջեւանի հետ, իսկ Մնացականեանը երկրորդում է Փաշինեանին՝ ասելով, որ հակամարտութեան լուծման տարբերակը պէտք է բաւարարի նաեւ Ադրբեջանի ժողովրդին։

Հարց է առաջանում՝ իսկ ո՞րն է այն լուծումը, որը պէտք է բաւարարի բացականչական նշանով աւարտւող «Ղարաբաղը Ադրբեջան է» յայտարարութիւն անողին ու «Արցախը Հայաստան է, եւ վե՛րջ» գոռացողին։ Այս իրարամերժ յայտարարութիւններից յետոյ կրկին խօսել այն մասին, որ պէտք է նաեւ Բաքւի ցանկութիւնները բաւարարել՝ առնւազն դիւանագիտական անմեղսունակութիւն է։

Պաշտօնական Երեւանի այսօրինակ ոտաբոբիկութիւնը եւ «խաղաղասիրութիւնը» լրջագոին սպառնալիք են մեր անվտանգութեանը»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։