Հա

Քաղաքական

26/10/2019 - 10:20

Երկիրը փորձադաշտ չէ

ՀՀ վարչապետ Նիկոլ Փաշինեանի որոշմամբ, հոկտեմբերի 23-ին արցախեան պատերազմի մասնակից Իգոր Սարգսեանն ազատւել է բնապահպանութեան եւ ընդերքի տեսչական մարմնի ղեկավարի տեղակալի պաշտօնից: Սա որոշ դաշնակցականներ որակեցին՝ կադրային ջարդ, որը շարունակւում է յատկապէս ՀՅԴ անդամների նկատմամբ:

«alikonline.ir» - ՀՀ վարչապետ Նիկոլ Փաշինեանի որոշմամբ, հոկտեմբերի 23-ին արցախեան պատերազմի մասնակից Իգոր Սարգսեանն ազատւել է բնապահպանութեան եւ ընդերքի տեսչական մարմնի ղեկավարի տեղակալի պաշտօնից: Սա որոշ դաշնակցականներ որակեցին՝ կադրային ջարդ, որը շարունակւում է յատկապէս ՀՅԴ անդամների նկատմամբ:

168.am-ի հետ զրոյցում բժիշկ-ազատամարտիկ Տարօն Տօնոյեանն ասաց, որ դեռեւս չի կարող ասել, թէ իրենց ընկերն ինչ պատճառով է ազատւել աշխատանքից, որովհետեւ դեռ չեն հասցրել տեղեկութիւն ստանալ կամ քննարկել այդ հարցը:

 

- Առհասարակ, այսօր արցախեան պատերազմի մասնակիցները, հերոսները արժանի ձեւով գնահատւո՞ւմ են:

- Եթէ մէկ բառով ասեմ՝ ոչ: Այսօր արցախեան ազատամարտի մասնակիցներին գնահատելը ոչ այնքան նրանց է պէտք, որքան աճող սերնդին, մեր հայրենիքի ապագային, որն այսօր, ես տեսնում եմ՝ խիստ վտանգւած է: Մեր երկրի մէջ արժէքը դարձել է 2018-ի ապրիլ-մայիսի յեղափոխութիւնը, դրանից աւելի բարձր արժէք չկայ: Ես սա եմ տեսնում:

 

- Ի՞նչ կասէք Արցախի հերոսների եւ ՀՀ իշխանութիւնների, քաղաքական տարբեր ուժերի միջեւ երբեմն դուրս մղւող հակասութեան մասին: Մեղաւորութիւնը երկու կողմի՞նն է, թէ՞

- Դա շատ ծաւալուն թեմա է, անհատական մօտեցում, առանձին գնահատական է պէտք իւրաքանչիւրին: Բայց այն, որ ընդհանուր առմամբ արժեզրկւում է հայրենիքի պաշտպանի գաղափարը, մարդիկ, որոնք իրենց կեանքը եւ առողջութիւնն են նւիրել, դա միանշանակ է: Այդ տեսակը չի յարգւում, չի խրախուսւում, եւ սա լի է լուրջ վտանգներով:

 

- Պատերազմով անցած անձանց քաղաքականութիւն մտնելուն ինչպէ՞ս էք վերաբերւում, արդեօք ամէն մէկը կարո՞ղ է քաղաքացիական կեանքում իրեն ճիշտ դրսեւորել, քաղաքական գործիչ դառնալ:

- Պատերազմով անցած մարդը նոյնպէս քաղաքացի է եւ կարող է մտնել քաղաքականութիւն, մանաւանդ, որ պատերազմով անցած մարդը լուրջ փորձառութիւն ունի, աւելին, բաւականին լուրջ կամք եւ բնաւորութիւն ունի դրա համար: Կարծում եմ՝ իրենց մեծամասնութիւնը նաեւ շիտակ մարդիկ են եւ ազնիւ: Ես սա դրական կողմով եմ ասում: Օրինակ, ես բժիշկ եմ, բայց եղել է ժամանակ, որ փորձել եմ մտնել քաղաքականութիւն, ՀՅԴ ցուցակով դառնալ ԱԺ պատգամաւոր: Դա անճարութիւնից է: Այսինքն՝ դու մտածում ես, որ քո բժիշկ չլինելու բացը լրացնողներ կը լինեն, բայց քաղաղաքականութեան մէջ տեսել ես այդ մեծ բացը եւ փորձել ես այդպէս լրացնել այն՝ անձնական զոհաբերութիւնների հաշւին: Ես գիւղերն ընկած աւելի շատ քարոզում էի՝ փող մի՛ վերցրէք, մի՛ վնասէք մեր երկրի ապագայի անվտանգութիւնը:

 

- Գործող իշխանութիւնն ասում է, որ խորհրդարանական վերջին ընտրութիւնն ամենաարդարն է եղել, մարդիկ փողով չեն ընտրել:

- Ես ընդունում եմ դա: Եւ ոչ միայն ընդունում եմ, այլեւ՝ գնահատում: Բայց մի ուրիշ բան կարող եմ ասել. եթէ յանկարծ միւս ընտրութիւններին փող բաժանեն, թոյլտւութիւն լինի, ժողովուրդը նորից փող է վերցնելու:

 

- Այսինքն՝ հասարակութեան գիտակցութիւնը դեռ պիտի փոխւի:

- Պէտք է ձեւաւորւի էլիտա, որն օրինակ կը ծառայի մեր ժողովրդին: Իսկ այսօր… գոնէ նախորդ իշխանութիւնների ժամանակ արւեստագէտը գնահատւում էր, հիմա իրենք, իրենցից բացի, ուրիշ ոչ մէկի չեն տեսնում: Ես ցաւում եմ, գիտեմ, որ երիտասարդ են, դա բնորոշ է երիտասարդութեանը, բայց երկիրը փորձադաշտ չէ:

 

- Բայց նախորդ իշխանութիւնների ժամանակ էլ կային որոշ արւեստագէտներ, որ գնահատւած չէին, այսինքն՝ որոշակի խումբ էր գնահատւում, տներ եւ մեդալներ ստանում, հիմա էլ այլ խումբ է գնահատւում, մեծ հաշւով:

- Թէ այն ժամանակ, որ խումբն էր գնահատւում… իսկ միւս ձեր ասածն արատաւոր երեւոյթ է: Բայց ես այսօր յստակ այդ միտումը տեսնում եմ…: Թեմայից շեղւեմ եւ անդրադառնամ ՍԴ-ի շուրջ զարգացումներին, ինչպէս նաեւ Հրայր Թովմասեանին: Տպաւորութիւն է, որ մեր ազգի բոլոր խնդիրները լուծւած են, մնացել է Հրայր Թովմասեանը, եւ, եթէ նրան բռնենք, բոլոր հարցերը լուծւելու են, լաւ ենք ապրելու, մեր երկիրը, ասենք, ունենալու է առնւազն 90-100 տանկ:

 

- Իսկ այն, որ վիրահատութեան ընթացքից կամ գուցէ իր նախընտրած ժամին ԱԺ նախկին նախագահ Արա Բաբլոյեանը ՀՔԾ հարցաքննութեան է հրաւիրւել

- Երկուստեք լսել եմ: Ես մի փաստ արձանագրեմ՝ սկզբից մի յօդւածով տանում են, յետոյ զգում են, որ դա համաներման տակ է ընկնելու, փոխում են իրենց որոշումը: Սա ինձ վախեցնում է՝ որպէս ՀՀ քաղաքացի, եւ յստակ երեւում է, որ արդարադատութիւնն ընտրովի է, ոչ թէ հաւասար:

Ինչ վերաբերում է Բաբլոյեանին, գիտենք նրա վաստակը մեր ժողովրդին, բժշկագիտութեանը, ՀՀ-ին, այդքան երեխաներ է վիրահատել, կեանքեր փրկել: Ի՞նչ է նշանակում այդ հապճեպութիւնը, որ պէտք էր անպայման լեարդի փոխպատւաստման բացառիկ վիրահատութեան օրը, երբ դրսից մարդ կար հրաւիրւած, տանէին հարցաքննութեան: Այս երեւոյթներից տեղս չեմ գտնում:

 

Մարիամ Պետրոսեան

Յարակից լուրեր

  • Հակադաշնակցական արշաւի ներքին ու արտաքին պատւիրատուները
    Հակադաշնակցական արշաւի ներքին ու արտաքին պատւիրատուները

    Պատմութիւնը կրկնւելու «խասիաթ» ունի, եթէ այն չես իւրացնում կամ դրան իրաւաքաղաքական գնահատական չես տալիս։

    ՀՅԴ-ի դէմ Նիկոլ Փաշինեանն արշաւ է սկսել։ Նա այդ առումով օրիգինալ չէ։ Քանզի նորանկախ Հայաստանում ՀՅԴ-ի դէմ արշաւ տեղի է ունեցել նաեւ Նիկոլի քաղաքական «պապա» հանդիսացող ՀՀ 1-ին նախագահի կողմից։

  • «Իշխանութիւնը գայթակղո՞ւմ է ընդդիմութեանը». «168 ժամ»
    «Իշխանութիւնը գայթակղո՞ւմ է ընդդիմութեանը». «168 ժամ»

    «168 ժամ»-ը գրում է. «Ինչպէս յայտնի է` վերջին օրերին հանրային ուշադրութեան կենտրոնում են յայտնւել Հայ Յեղափոխական Դաշնակցութեան շուրջ տեղի ունեցող զարգացումները։ Օրերս յայտնի դարձաւ, որ ՀՅԴ ԳՄ որոշմամբ` երեք հոգի արտաքսւել են ՀՅԴ շարքերից։

  • Մէկ տարի անց ԱԺ-ն դարձել է հանրային անհամերաշխութեան խորհրդանիշը
    Մէկ տարի անց ԱԺ-ն դարձել է հանրային անհամերաշխութեան խորհրդանիշը

    Այսօր (դեկտեմբերի 9-ԽՄԲ.) լրացաւ 7-րդ գումարման ՀՀ Ազգային ժողովի ընտրութիւնների մէկ տարին: 12 ամիս անց ցաւալիօրէն պէտք է նշենք, որ քւէարկողների շուրջ 70 %-ի ձայները ստացած գործող ԱԺ-ն հանրութեան մէջ ունի ընդամենը 8.1 տոկոս լիարժէք վստահութիւն: Լինելով երկրի թիւ 1 հաստատութիւնը,պետական այլ օղակների հետ համեմատ՝ ԱԺ-ն, ցաւալիօրէն, ամենաքիչ վստահութիւն ունեցող օղակներից մէկն է:

  • «Դրա համա՞ր է վարչապետը ցայտնոտի մէջ, եւ ամէն օր պէտք է ձերբակալութիւններ լինեն». Կիրօ Մանոյեան
    «Դրա համա՞ր է վարչապետը ցայտնոտի մէջ, եւ ամէն օր պէտք է ձերբակալութիւններ լինեն». Կիրօ Մանոյեան

    ՀՅԴ Բիւրոյի անդամ, Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը «Ա1+»-ի հետ զրոյցում ասաց, որ Բրատիսլաւայում Հայաստանի եւ Ադրբեջանի արտաքին գործերի նախարարների հանդիպումից յետոյ ԵԱՀԿ Մինսկի խմբի երեք համանախագահների տարածած յայտարարութեան տակ երկու նախարարները չէին ստորագրել այն պատճառով, որ այդ փաստաթուղթը մերժել էր Էլմար Մամեդեարովը:

  • «Իշխանութիւնները մեծ վտանգ են տեսնում ՀՅԴ-ի ուժից». Արմենուհի Կիւրեղեան
    «Իշխանութիւնները մեծ վտանգ են տեսնում ՀՅԴ-ի ուժից». Արմենուհի Կիւրեղեան

    ՀՀ վարչապետ Նիկոլ Փաշինեանը, անդրադառնալով ՀՅԴ-ական երիտթեւի ՀՀ ԿԳՄՍ նախարարի հրաժարականի պահանջին, ԱԺ ամբիոնից յայտարարեց, որ նախարարի հրաժարականը չի կարող լինել քաղաքական զրօ ազդեցութիւն ունեցող քաղաքական ուժի քմահաճոյքի արդիւնք: Յիշեցնենք, որ այս յայտարարութեանը նախորդած օրը տեղի էր ունեցել բախում ՀՅԴ-ական ակտիւիստների եւ ոստիկանութեան միջեւ ԿԳՄՍ նախարարութեան առջեւ: Այս եւ մի շարք այլ հարցերի շուրջ «Իրաւունք»-ը պարզեց ՀՅԴ Գերագոյն մարմնի անդամ, ԱԺ վեցերորդ գումարման նախկին պատգամաւոր Արմենուհի Կիւրեղեանի տեսակէտը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։