Հա

Քաղաքական

31/10/2019 - 11:10

ՀՀ ԱԳՆ մամուլի խօսնակ Աննա Նաղդալեանի պատասխանը Լիբանանում տեղի ունեցող զարգացումների վերաբերեալ հարցին

Լիբանանում վերջին օրերին տեղի ունեցող իրադարձութիւնների ողջ ընթացքում Բէյրութում ՀՀ դեսպանութիւնը գործում է արտակարգ ռեժիմով եւ մէկն է այն դեսպանութիւններից, որի հիւպատոսական բաժինը այս ողջ ժամանակահատւածում շարունակել է ընդունելութիւնները եւ շուրջօրեայ ծառայութիւնները ՀՀ քաղաքացիներին։ 

«alikonline.ir» - Հարց. Լիբանանում ծաւալւող իրադարձութիւնների կապակցութեամբ որո՞նք են Հայաստանի արտաքին քաղաքական գերատեսչութեան ելակէտային մօտեցումները։

Պատասխան. Լիբանանը բարեկամ երկիր է, որի հետ Հայաստանը կապւած է ջերմ եւ բազմաշերտ կապերով, եւ մենք լիայոյս ենք, որ ներքաղաքական այս գործընթացներում կը գտնւեն լաւագոյն ելքերն ու լուծումները՝ ի շահ Լիբանանի Հանրապետութեան հետագայ կայունութեան ու բարգաւաճման եւ ի բարօրութիւն Լիբանանի եղբայրական ժողովրդի։ 

Լիբանանում վերջին օրերին տեղի ունեցող իրադարձութիւնների ողջ ընթացքում Բէյրութում ՀՀ դեսպանութիւնը գործում է արտակարգ ռեժիմով եւ մէկն է այն դեսպանութիւններից, որի հիւպատոսական բաժինը այս ողջ ժամանակահատւածում շարունակել է ընդունելութիւնները եւ շուրջօրեայ ծառայութիւնները ՀՀ քաղաքացիներին։ 

Ինչպէս գիտէք, մեր դեսպանութիւնը յայտարարութեամբ դիմել է ժամանակաւորապէս Լիբանան այցելած ՀՀ քաղաքացիներին՝ յորդորելով հեռու մնալ կուտակումներից եւ մարդաշատ վայրեր այցելելուց։ 

Ինչ վերաբերում է լիբանանահայ համայնքին, ապա այն սահմանադրօրէն է ներկայացւած երկրի պետական կառուցներում եւ Լիբանանի ներքաղաքական գործընթացներին առնչւում է իբրեւ երկրի քաղաքական կեանքի բնականոն մասնակից եւ դերակատար։ 

Բէյրութում Հայաստանի դեսպանութիւնը մշտական կապի մէջ է ինչպէս համայնքային կառոյցների ղեկավարների, այնպէս էլ Լիբանանի իշխանութիւնների համապատասխան ներկայացուցիչների հետ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։