Հա

Քաղաքական

04/11/2019 - 08:45

«Ղարաբաղի հարցում դաւադրութիւնները բացառւում են. այս հարցի լուծումը պէտք է ընդունելի լինի Հայաստանի, Ղարաբաղի եւ Ադրբեջանի ժողովուրդների համար». Փաշինեան

ՀՀ վարչապետ Նիկոլ Փաշինեանը ֆէյսբուքեան ուղիղ եթերում խօսել է Ղարաբաղի հարցի շուրջ քննարկումների եւ շահարկումների մասին, որոնք տեղի են ունենում վերջին 1.5 տարւայ ընթացքում: Նա ներկայացրեց մի քանի դիտարկումներ:

«alikonline.ir» - ՀՀ վարչապետ Նիկոլ Փաշինեանը ֆէյսբուքեան ուղիղ եթերում խօսել է Ղարաբաղի հարցի շուրջ քննարկումների եւ շահարկումների մասին, որոնք տեղի են ունենում վերջին 1.5 տարւայ ընթացքում: Նա ներկայացրեց մի քանի դիտարկումներ: Գրում է Tert.am-ը:

«Առաջին դիտարկումն այն է, որ լուրեր են շրջանառւում, թե ՀՀ կառավարութիւնն ու անձամբ Նիկոլ Փաշինեանը մտադիր են Ղարաբաղը յանձնել: Յետոյ շրջանառութեան դրւեց այն թեզը, թէ ես ներքաշւած եմ Ղարաբաղի դէմ դաւադրութեան մէջ եւ, ըստ ամենայնի, պայմանաւորւած պատերզամով Ղարաբաղը յանձնւելու է:

Դա տեղի ունեցաւ 2018 թւականին` խորհրդարանական ընտրութիւնների համատեքստում եւ ես այդ ժամանակ Սիւնիքի մարզում էի, մի քանի սուր ելոյթներ ունեցայ, ապա ԱԱԾ-ին յանձնարարեցի, որ հրաւիրի եւ հարցաքննի մարդկանց, թէ ի՞նչ տեղեկութիւնների հիման վրայ են նման լուրեր հաղորդում:

Հիմա, ամբողջ խնդիրն այն է, որ շրջանառութեան մէջ է դրւում երրորդ թեզը: Ասում են, թէ կառավարութիւնը կամ վարչապետը չի համաձայնւում յանձնել կամ զիջումներ անել, դա նշանակում է, որ բանակցութիւնները մտել են փակուղի եւ սկսել են մարդկանց վախեցնել պատերազմով: Բիւջէներ են բաց թողնւում, քարոզչութիւններ են արւում այս թեմայով եւ այլն:

Այն իրավիճակը, որ մենք ունենք հայ-ադրբեջանական յարաբերութիւններում, միշտ էլ վտանգներ է պարունակում, սակայն դրանք աւելին չեն, քան եղել են 3, 4 կամ 5 տարի առաջ: Եթէ մոնիթորինգի ենթարկենք սահմանային իրավիճակը, կը տեսնենք, որ նախորդ 1.5 տարւայ ընթացքում, լարւածութեան կտրուկ եւ էական անկում ունենք եւ դա տեղի է ունցել Դուշամբէի յայտնի քննարկումների համատեքստում, ինչը չի նշանակում, թէ լարւածութիւն չկայ: Ցաւօք սրտի, մենք ունենք զոհեր»,- ասաց Փաշինեանը:

Փաշինեանի խօսքով, սակայն, բանակցային գործընթացում կայ դրական դինամիկա եւ նա յոյս յայտնեց, որ այն կը զարգանայ:

«Բացառւում են դաւադրութիւնները Ղարաբաղի հարցում: Սա իմ հարցը չէ, սա խմբի հարց չէ, սա համազգային հարց է: Բանակցութիւնները վարւում են հետեւեալ տրամաբանութեամբ. ես ասել եմ, որ այս հարցի որեւէ լուծում պէտք է ընդունելի լինի Հայաստանի, Ղարաբաղի եւ Ադրբեջանի ժողովուրդների համար: Իմ խնդիրն է բանակցային սեղանի շուրջ փնտրել եւ գտնել Հայաստանի, հայ ժողովրդի համար ընդունելի լուծում: Եւ երբ բանակցային գործընթացում կը ձեւակերպւի այնպիսի լուծում, այնպիսի առաջարկ, որն ընդունելի կը լինի հայ ժողովրդի համար, այն կը ներկայացնեմ, կը լինի համազգային քննարկում եւ որոշումները կը կայացւեն համազգային ֆորմատով»,- ասաց նա:

Փաշինեանը նշեց, որ վերջին շրջանում շատ է շահարկւում այն թեման, թէ Հայաստանի եւ Արցախի իշխանութիւնների միջեւ կան հակասութիւններ եւ փորձ է արւում ներկայացնել, թէ Արցախի հարցում կայ նման իրավիճակ: Նա արձանագրեց, որ Հայաստանի եւ Ղարաբաղի իշխանութեան պատկերացումներն Արցախի հարցի կարգաւորման վերաբերեալ նոյնական են:

«Այլ կերպ լինել չի կարող: Այս թեմայով որեւէ շահարկում լինել չի կարող: Այս թեմայով յաճախ եմ քննարկումներ ունենում Արցախի նախագահ Բակօ Սահակեանի հետ»,- ասաց Փաշինեանը:

Յարակից լուրեր

  • Հայաստանը կորցնում է իր գրաւչութիւնը. ՄԱԿ-ի ահազանգը
    Հայաստանը կորցնում է իր գրաւչութիւնը. ՄԱԿ-ի ահազանգը

    ՄԱԿ-ը Հայաստանի ներդրումների միջավայրի վերաբերեալ հրապարակել է զեկոյց՝ արձանագրելով բաւական հակասական պատկեր: Չնայած ՄԱԿ-ի Առեւտրի եւ զարգացման համաժողովի (UNCTAD/ՄԱԿԱԶՀ) կողմից  հրապարակւած զեկոյցը դժւար է միանշանակօրէն նեգատիւ գնահատել, սակայն դրանում տեղ գտած մի շարք կարեւոր շեշտադրումներ ստիպում են խորապէս վերագնահատել իշխանութիւնների կողմից պարբերաբար արւող ամպագոռգոռ յայտարարութիւնները՝ կապւած տնտեսական յեղափոխութեան անխուսափելիութեան հետ:

  • Ակնարկ. 21-րդ դարու կայկական կրթակարգ. Բովանդակային քննարկումի անհրաժեշտութիւնը
    Ակնարկ. 21-րդ դարու կայկական կրթակարգ. Բովանդակային քննարկումի անհրաժեշտութիւնը

    Հայաստանի մէջ «Հայոց լեզու», «Հայ գրականութիւն», «Հայոց պատմութիւն» դասանիւթերը բարձրագոյն ուսման հաստատութիւններու մէջ ոչ պարտադիր դարձնելու նախաձեռնութիւնը տեղի տուած է  թէժ եւ լարուած իրավիճակներու: Դասադուլներ, նստացոյցեր, բանավէճեր, բողոքի գործողութիւններ` հասնելու համար նախարարի հրաժարականի պահանջ` խնդիրը կրթականէն մղուած է  հասարակական-քաղաքական հարթութիւն եւ ստացած սուր հնչեղութիւն:

  • «Եթէ Արցախի հարցով ունենամ մտահոգութիւն, ամէն ինչ անելու եմ, որ այս իշխանութիւնները յաջորդ ընտրութիւններին չընտրւեն». Հրանտ Մարգարեան
    «Եթէ Արցախի հարցով ունենամ մտահոգութիւն, ամէն ինչ անելու եմ, որ այս իշխանութիւնները յաջորդ ընտրութիւններին չընտրւեն». Հրանտ Մարգարեան

    Արցախից է փրկութիւնը. ըստ Yerkir.am-ի՝ ասաց ՀՅԴ Բիւրոյի նախկին ներկայացուցիչ Հրանտ Մարգարեանը՝ «Վերնատուն» հասարակական-քաղաքական ակումբի միաւորիչ հաւաքի ընթացքում։

  • «Նիկոլ Փաշինեանի անուրջները եւ իրականութիւնը». Աւետիք Չալաբեան
    «Նիկոլ Փաշինեանի անուրջները եւ իրականութիւնը». Աւետիք Չալաբեան

    «Ազգային օրակարգ» կուսակցութեան համահիմնադիր Աւետիք Չալաբեանն իր ֆէյսբուքեան էջում գրառում է կատարել՝ անդրադառնալով վարչապետի գործունէութեանը։

  • Վարչապետը մանիպուլեացնում է հարցի էութիւնը
    Վարչապետը մանիպուլեացնում է հարցի էութիւնը

    Վարչապետ Նիկոլ Փաշինեանը կրկին մանիպուլեացիայի է ենթարկում հարցի էութիւնը, այս պայքարը միայն ֆիլմի համար չէ, հարցն աւելի գլոբալ է՝ ազգային արժէքների պահպանում, ազգային քաղաքականութեան իրականացում, իսկ նա մանիպուլեացիա է անում եւ անձնաւորում է հարցը, կոնկրետ մենք եւ Դաշնակցութեան երիտասարդները Մելինէ Դալուզեանի հետ հարց չունենք:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։