Հա

Քաղաքական

09/11/2019 - 11:20

«Մահակի սկզբունքը վերջերս խիստ գերակայ է». Նարինէ Դիլբարեանը՝ Արայիկ Յարութիւնեանի՝ ՀՅԴ-ի բերած դատարկ արկղերը քրգործերով լցնելու յայտարարութեան մասին

ՀՀ կրթութեան, գիտութեան, մշակոյթի եւ սպորտի նախարար Արայիկ Յարութիւնեանի թիրախաւորումը չէր կատարւի, եթէ այս աշխատանքային տարբերակի քննարկումից առաջ մասնագիտական, շահագրգիռ քննարկումներ ծաւալւէին:

«alikonline.ir» - ՀՀ կրթութեան, գիտութեան, մշակոյթի եւ սպորտի նախարար Արայիկ Յարութիւնեանի թիրախաւորումը չէր կատարւի, եթէ այս աշխատանքային տարբերակի քննարկումից առաջ մասնագիտական, շահագրգիռ քննարկումներ ծաւալւէին: Այս մասին Tert.am-ի հետ զրոյցում ասաց ԵՊՀ Հայոց լեզւի պատմութեան ամբիոնի դոցենտ Նարինէ Դիլբարեանը՝ անդրադառնալով ԿԳՄՍՆ-ում քննարկման դրւած «Կրթութեան եւ գիտութեան մասին» օրէնքի նախագծին, ըստ որի՝ «Հայոց լեզու», «Հայոց պատմութիւն» առարկաների դասաւանդումը  բուհերում պարտադիր չի լինելու։

Նարինէ Դիլբարեանը ուրախութեամբ արձանագրեց, որ երիտասարդներն առանց հրահրումների բողոքի ակցիաներ նախաձեռնեցին։ Նա նաեւ նշեց, որ ԵՊՀ Հայ բանասիրութեան ֆակուլտետի կողմից քայլեր ձեռնարկելը՝ դասադուլ, նստացոյց, խօսում է այն մասին, որ ուսանողներն իրենց ապագայի մասին են մտածում:

Նարինէ Դիլբարեանը նաեւ նշեց, որ մասնագիտական քննարկումների ընթացքում, նախագծի հայրերից մէկին՝ Սամուէլ Կարաբէկեանին, առաջարկել են փոխել անւանումը՝ «Հայոց լեզու» եւ «Գրականութիւն» առարկաների փոխարէն ուսուցանել դիցուք՝ «Հայոց խօսքի մշակոյթի հիմունքներ»:

«Բուհերում կուտակւած խնդիրներն իսկապէս մեծ են, բայց չի կարող բուհը ծաղկել եւ լինել առաջադիմութեան կղզեակ, եթէ  ամբողջ հանրութեան մէջ այդ ծաղկումը ուշանում է, ընդհակառակը՝ վհատութեան տեսք է ստանում: Մեր բուհերը մեր պետութեան մանրակերտն են. ինչպէս զարգանում է պետութիւնը, այդպէս էլ՝ բուհը»,- ասաց մասնագէտը եւ յաւելեց, թէ ընդունում է, որ այս հարցում իրենց մեղքն էլ կայ, սակայն պէտք չէ ասել, որ բուհերում հայերէնի իմացութեան մակարդակը ցածր է:

«Բուհերում կատարում են այն նոյն սխալները, ինչ մնացեալ հիմնարկներում՝ կառավարութիւնում, նախարարութիւններում: Ուստի, եթէ մենք փոփոխութիւններ են կատարում, ապա կառավարական ողջ համակարգում պէտք է փոփոխութիւն կատարւի: Այդ դէպքում կարող ենք ասել, թէ բուհերն ինչքանով են մեղաւոր»,- ասաց նա:

Դիլբարեանի դիտարկմամբ՝ այս հարցը քաղաքականացնելը սխալ է: Անդրադառնալով նախարարի յայտարարութեանը, որում վերջինս «անդաստիարակութիւն» բառն էր օգտագործել երիտասարդների ակցիայի մասին խօսելիս, մասնագէտը նշեց, որ դէմ է նման որակումներին։

«Մենք ամէն կերպ քաղաքականացնում, կուսակցականացնում եւ սկսում ենք քրէականացնել ամէն ինչ: Հէնց մի բան ես քննադատում՝ ուզում են քո կենսագրութեանը դիպչել: Ընդդիմախօսին անմիջապէս ասել, որ դու քրէական կամ այլ տիպի հետք ունես՝ փաստարկների բացակայութեան արդիւնք է»,- նկատեց մասնագրտը:

«Մեր յարաբերութիւններում մահակի սկզբունքը վերջերս խիստ գերակայ է: Անհանդուրժողականութեան զարմանալի դրսեւորումներ կան: Բուհերը եղել են կառավարութեան կամքի կատարման հայելային արտացոլումը: Դրա համար, եկէք իրար չմեղադրենք եւ փորձենք փոխել համակարգը»,- նշեց մասնագէտը:

Նարինէ Դիլբարեանը ծիծաղելի համարեց մէկ առանձին նախարարութիւնը թիրախաւորելը եւ ասաց, որ հիմա բուհերի խնդիրներն անորոշ են եւ պէտք է մասնագիտական հարցեր քննարկւեն: «Յեղափոխութիւնից յետոյ մարդկանց մի զգալի մաս կարծում էր՝ վերջ, եթէ հեռացել է այն վարչակարգը, որը իրենց երկար ժամանակ ճնշել է, ուրեմն ամէն ինչ լաւ է: Բայց փորձը ցոյց տւեց, որ անձերի հեռացումը, առանց համակարգը փոխելու ոչ մի լաւ արդիւնքի չի յանգեցնում»,- ասաց նա:

Յարակից լուրեր

  • ՀՅԴ ՀԵՄ-ը կը վերսկսի արշաւը ԿԳՄՍ նախարարի պաշտօնավարման դէմ
    ՀՅԴ ՀԵՄ-ը կը վերսկսի արշաւը ԿԳՄՍ նախարարի պաշտօնավարման դէմ

    ՀՅԴ Հայաստանի Երիտասարդական միութիւնը վերսկսելու է պայքարն ընդդէմ ԿԳՄՍ նախարար Արայիկ Յարութիւնեանի պաշտօնավարման. 168.am-ի հետ զրոյցում ասաց ՀՅԴ ՀԵՄ անդամ Գոռ Սարգսեանը: 2019-ի դեկտեմբերի 19-ին ՀՅԴ երիտթեւը այդ տարւայ իր ակցիաները եզրափակեց Կառավարութեան շէնքի առջեւ: Նրանք նամակ էին բերել կառավարութիւն, որում նշում էին, որ «Կրթութեան, գիտութեան, մշակոյթի եւ սպորտի ոլորտներում վերջին մէկ տարում կայացւել են որոշումներ, որոնք խնդրայարոյց են, եւ, որ նախարարն իր պահւածքով մսխում է իշխող թիմի քաղաքական կապիտալը»:

  • Քաղաքացիներն ամենացածրը գնահատել են ՀՀ ԿԳՄՍ նախարար Արայիկ Յարութիւնեանի աշխատանքը
    Քաղաքացիներն ամենացածրը գնահատել են ՀՀ ԿԳՄՍ նախարար Արայիկ Յարութիւնեանի աշխատանքը

    Gallup International Association-ի Հայաստանում լիիրաւ անդամ «Էմ Փի ՋԻ» ՍՊԸ-ի անցկացւած հարցումների արդիւնքում պարզւել է, որ քաղաքացիները նախարարներից ամենաշատը գոհ են ՀՀ պաշտպանութեան նախարարի աշխատանքից:

  • «Իշխանութիւնները մեծ վտանգ են տեսնում ՀՅԴ-ի ուժից». Արմենուհի Կիւրեղեան
    «Իշխանութիւնները մեծ վտանգ են տեսնում ՀՅԴ-ի ուժից». Արմենուհի Կիւրեղեան

    ՀՀ վարչապետ Նիկոլ Փաշինեանը, անդրադառնալով ՀՅԴ-ական երիտթեւի ՀՀ ԿԳՄՍ նախարարի հրաժարականի պահանջին, ԱԺ ամբիոնից յայտարարեց, որ նախարարի հրաժարականը չի կարող լինել քաղաքական զրօ ազդեցութիւն ունեցող քաղաքական ուժի քմահաճոյքի արդիւնք: Յիշեցնենք, որ այս յայտարարութեանը նախորդած օրը տեղի էր ունեցել բախում ՀՅԴ-ական ակտիւիստների եւ ոստիկանութեան միջեւ ԿԳՄՍ նախարարութեան առջեւ: Այս եւ մի շարք այլ հարցերի շուրջ «Իրաւունք»-ը պարզեց ՀՅԴ Գերագոյն մարմնի անդամ, ԱԺ վեցերորդ գումարման նախկին պատգամաւոր Արմենուհի Կիւրեղեանի տեսակէտը:

  • Սա քաղաքական պայքար է, բայց վերկուսակցական
    Սա քաղաքական պայքար է, բայց վերկուսակցական

    Արայիկ Յարութիւնեանը պատասխանատու է դեկտեմբերի 3-ի դէպքերի համար: Ընդամենը իր հանդիպմանը չգալու պատճառով 24 երիտասարդներ բերման ենթարկւեցին: Սա կարող էր չլինել, եթէ նախարարն իրապէս ժողովրդավար լինէր: Այս մասին Tert.am-ի հետ զրոյցում ասաց ՀՅԴ Հայաստանի երիտասարդական միութեան կենտրոնական վարչութեան անդամ Քրիստինէ Վարդանեանը:

  • «Արձանագրւած է՝ ԿԳՄՍ նախարարը կառչած է իր աթոռից եւ ընդունակ ամէն ինչի». Նարեկ Մալեանը՝ ՀՀ ԿԳՄՍՆ-ի դիմաց տեղի ունեցածի մասին
    «Արձանագրւած է՝ ԿԳՄՍ նախարարը կառչած է իր աթոռից եւ ընդունակ ամէն ինչի». Նարեկ Մալեանը՝ ՀՀ ԿԳՄՍՆ-ի դիմաց տեղի ունեցածի մասին

    «ՎԵՏՕ» շարժումը վաղուց միացել է այս նախաձեռնութեանը։ Այս մասին լրագրողների հետ զրոյցում ասաց ՎԵՏՕ շարժման ղեկավար Նարեկ Մալեանը, որը նոյնպէս եկել էր ՀՀ աստիկանութեան Կենտրոնի բաժանմունքի դիմաց, բերման ենթարկւածներին աջակցելու համար:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։