Հա

Քաղաքական

02/12/2019 - 11:50

«Խայտառակելով Արա Վարդանեանին` խայտառակեցին նաեւ հիմնադրամի գաղափարախօսութիւնը, ազգովի ծիծաղելի իրավիճակում ենք». Յակոբ Աւետիքեանը՝ «Հեռուստամարաթոն 2019»-ի արդիւնքների մասին

«Հեռուստամարաթոն 2019»-ի հանգանակութիւնն այսպիսի ցածր՝ 9.8 մլն. դոլարի արդիւնք գրանցեց կազմակերպչական հարցերի, Սփիւռքին չճանաչելու, «Իմ քայլը» հիմնադրամի եւ «Հայաստան» համահայկական հիմնադրամի նախկին տնօրէն Արա Վարդանեանի հետ կապւած պատմութեան պատճառով:

«alikonline.ir» - «Հեռուստամարաթոն 2019»-ի հանգանակութիւնն այսպիսի ցածր՝ 9.8 մլն. դոլարի արդիւնք գրանցեց կազմակերպչական հարցերի, Սփիւռքին չճանաչելու, «Իմ քայլը» հիմնադրամի եւ «Հայաստան» համահայկական հիմնադրամի նախկին տնօրէն Արա Վարդանեանի հետ կապւած պատմութեան պատճառով: Այս մասին Tert.am-ի հետ զրոյցում ասաց Ռամկավար-ազատական կուսակցութեան ատենապետ, «Ազգ» թերթի գլխաւոր խմբագիր Յակոբ Աւետիքեանը՝ անդրադառնալով նրան, որ «Հայաստան» Համահայկական հիմնադրամի 22-րդ հեռուստամարաթոնի ընթացքում նւիրաբերւել է 9 մլն. 856 հազար ԱՄՆ դոլար, աւելի քիչ, քան հաւաքւել է վերջին տասը տարիներին։

«Արա Վարդանեանին յանցագործի դիրքով նկարելը, ցոյց տալն ազդեցին Սփիւռքի վստահութեան վրայ: Առանց մտածելու՝ նման բաներն ազդում են, այդպիսի գործողութիւններ էին կատարում, կարող էին ասել՝ անթոյլատրելի բան ես արել, հրաժարական տուր, առանց մեղադրանքի հաստատման, խայտառակեցին` խայտառակելով նաեւ ամբողջ հիմնադրամի գաղափարախօսութիւնը: Սա ամենամեծ հարւածն էր, առանց այն էլ տարեցտարի հանգանակութիւնների գումարը նւազում է:

Նոյնիսկ հոգ չեն տանում Սփիւռքին ճանաչել: Սփիւռքը փոխւել է, մօտեցումներ էլ պէտք է փոխել, շատ լուրջ ուսումնասիրութիւններ կատարել: Նաեւ այլ խնդիր գոյութիւն ունի` զուգահեռ հանգանակութիւնները, որոնք կատարւում են արդէն մէկ տարուց աւել, եւս խանգարող հանգամանք են: Նկատի ունեմ «Իմ քայլը» հիմնադրամը, որն ստեղծւել է: Այն խաչաձեւում է եւ շփոթ է ստեղծում»,- մանրամասնեց նա:

Յակոբ Աւետիքեանի խօսքով՝ պէտք է ուսումնասիրել, թէ այլ երկրներում ինչպէս են իրականացնում հանգանակութիւններ եւ խոշոր գումարներ ներգրաւում: Ըստ նրա՝ ամբողջութեամբ պէտք է փոխել մօտեցումները այս դրամահաւաքի հարցում։

«Հետզհետէ վերջին տասնամեակում խղճուկ արդիւնքներ էինք գրանցում, հիմա այդ թրենդը շարունակւում է, հիմա դառնում ենք ազգովի էլ աւելի ծիծաղելի՝ նկատի ունենալով այն, որ անընդհատ խօսում ենք Սփիւռքից՝ հեռաւոր, մօտ: Կազմակերպման տեսանկիւնից ամբողջը սխալ է, հանգանակութիւնը պիտի այնպէս լինի, որ ոչ թէ կամաւորական սկզբունքով լինի միայն, այլեւ դրանում բարի կամքի դրսեւորմանը զուգընթաց պէտք է պարտադրութիւն լինի»,- ասաց նա:

Յակոբ Աւետիքեանի խօսքով՝ վերջին տարիներին հանգանակութեան միջոցառման անցկացման վայրը նոյնպէս պէտք էր փոխել։ «Մինչեւ հիմա Լոս Անջելէսում էին անում, 1-1.5 մլն. էլ ծախսում էին այնտեղ, ընտրւած տեղը սխալ էր, պէտք էր անընդհատ փոխել, միշտ պէտք է ուշադրութիւն դարձնել ԱՄՆ արեւելեան շրջանին: Արեւելեան ափի քաղաքներն աւանդաբար եղել են գլխաւոր դոնորները համազգային հանգանակութիւններում, սկսած 1919 թւականից, երբ Զօրավար Անդրանիկի գլխաւորութեամբ կազմակերպւած Փրկութեան հանգանակութեան ընթացքում դեռեւս շատ նոսր ամերիկահայութիւնը նւիրաբերեց շուրջ 600 հազար ԱՄՆ դոլար: Անշուշտ, նորագոյն տեխնոլոգիաների եւ արդիական մեթոդների կիրառումը շատ աւելի արդիւնաւոր կարող է դարձնել մեր նմանօրինակ ձեռնարկումները»,- նշեց նա:

Ըստ նրա՝ կարող ենք դիտարկել նաեւ Իսրայէլի փորձը: «Պէտք է նւազագոյնի հասցնել կառավարութեան ու պետական պաշտօնեաների դերակատարութիւնն այս գործում: Նրանց դերը պէտք է սահմանափակւի ծրագիր-նախահաշիւ-կատարողական հաշւետւութիւն ներկայացնելու ծիրի մէջ: Վերահսկողները իրենք՝ հանգանակիչ մարմիները պիտի լինեն»,- ընդգծեց նա:

Յարակից լուրեր

  • Մի՛ խայտառակէք մեր երկիրը
    Մի՛ խայտառակէք մեր երկիրը

    Վարչապետ Նիկոլ Փաշինեանի հարցազրոյցը BBC-ի Ստիւէն Սաքուրի հետ՝ վերջինիս HardTalk յայտնի հեռուստածրագրով, արժանացաւ սպասւածից քիչ արձագանքի՝ առաւելաբար նրա տկար անգլերէնը քննադատող։ Ոմանք իրաւամբ առաջարկեցին վարչապետին այսուհետեւ անգլերէն լեզւով ելոյթներ չունենալ։ Յատկապէս քննադատւեց նրա առոգանութիւնը։

  • Սփիւռքահայութիւնն իրեն լքւած է զգում
    Սփիւռքահայութիւնն իրեն լքւած է զգում

    Վերնագիրը շատերին, յատկապէս հայրենաբնակ հայրենակիցներիս հաւանաբար անհեթեթ թւայ. Հայաստանում այս օրերին բոլորն են իրենց լքւած զգում, էլ ո՜ւր մնաց տարբեր ու տարատեսակ հեռաստաններում գտնւող Սփիւռքն իր աշխարհագրական, քաղաքական, տնտեսական, այժմ էլ՝ համավարակային ու ապահովական հարցերով: Մայր հայրենիքն ի՛նքն է այժմ յայտնւել հողմապտոյտի մէջ, կորցրել է գլուխը ոչ միայն համավարակի զսպման որոնումներում, այլեւ մատնւել է ներքաղաքական հակամարտութիւնների որոգայթում:

  • ««Պատերին ծեփել», «ասֆալտին փռել». Նիկոլ Փաշինեանը գրեթէ ամէն օր սպառնալից ու հայհոյախառն արտայայտութիւններ է թոյլ տալիս». Յակոբ Աւետիքեան
    ««Պատերին ծեփել», «ասֆալտին փռել». Նիկոլ Փաշինեանը գրեթէ ամէն օր սպառնալից ու հայհոյախառն արտայայտութիւններ է թոյլ տալիս». Յակոբ Աւետիքեան

    Եթէ մարդ ատելավառ հոգի ունի, նրան պատժելով՝ չի ստացւի զսպել: Այս մասին Անժելա Թովմասեանի՝ «Արմնիւզ» ՀԸ հեռարձակւող հեղինակային «Հայելու առաջ» հաղորդաշարի ժամանակ ասել է «ԱԶԳ» թերթի գլխաւոր խմբագիր Յակոբ Աւետիքեանը՝ անդրադառնալով ՀՀ ԱԺ «Մարդու իրաւունքների պաշտպանութեան» յանձնաժողովի կողմից կազմակերպւած «Ատելութեան խօսքի դէմ ՀՀ օրէնսդրութեան բարեփոխման շուրջ» քննարկմանը:

  • Ն.Ս.Օ.Տ.Տ. Արամ Ա կաթողիկոս ընդունեց «Հայաստան» համահայկական հիմնադրամի տնօրէնը
    Ն.Ս.Օ.Տ.Տ. Արամ Ա կաթողիկոս ընդունեց «Հայաստան» համահայկական հիմնադրամի տնօրէնը

    Կիրակի, 15 դեկտեմբեր 2019-ին, Ն.Ս.Օ.Տ.Տ. Արամ Ա Վեհափառ Հայրապետը ընդունեց «Հայաստան» համահայկական հիմնադրամի տնօրէն Հայկակ Արշամեանը։ Հանդիպումին նաեւ ներկայ էր Լիբանանի մօտ Հայաստանի Հանրապետութեան դեսպան Վահագն Աթաբէկեան։

  • ««Հեռուստամարաթոն-2019»-ին հանգանակւած քիչ գումարի պատճառը հիմնադրամի նախկին տնօրէնի մեծ աղմուկով ձերբակալումն էր». ՀՅԴ ԳՄ անդամ
    ««Հեռուստամարաթոն-2019»-ին հանգանակւած քիչ գումարի պատճառը հիմնադրամի նախկին տնօրէնի մեծ աղմուկով ձերբակալումն էր». ՀՅԴ ԳՄ անդամ

    Իմ կարծիքով «Հայաստան» համահայկական հիմնադրամի նախկին տնօրէն Արա Վարդանեանին մեծ աղմուկով ձերբակալումն է պատճառը, որ հիմնադրամը վարկաբեկւեց եւ «Հեռուստամարաթոն-2019»-ին հանգանակւած գումարը կազմեց 9.8 մլն. դոլար, ինչը ամենացածր ցուցանիշն է 2006 թւականից ի վեր: Այս մասին Tert.am-ի հետ զրոյցում ասաց ՀՅԴ ԳՄ անդամ Արմէն Գրիգորեանը` անդրադառնալով «Հեռուստամարաթոն-2019»-ին հանգանակութեան այս տարւայ արդիւնքին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։