Հա

Քաղաքական

21/01/2020 - 12:10

«Մենք կարող ենք կանգ առնել, մերժել մեզ խեղդող ատելութիւնը, գիտակցել, որ այն բումերանգի պէս վերադառնալու է իւրաքանչիւրիս յետեւից». Աւետիք Չալաբեան

«Մերժել ատելութիւնը» վերնագրով ֆէյսբուքի իր էջում գրառում է կատարել «Ազգային օրակարգ» կուսակցութեան խորհրդի անդամ Աւետիք Չալաբեանը, որը ներկայացնում ենք ամբողջութեամբ:

«alikonline.ir» - «Մերժել ատելութիւնը» վերնագրով ֆէյսբուքի իր էջում գրառում է կատարել «Ազգային օրակարգ» կուսակցութեան խորհրդի անդամ Աւետիք Չալաբեանը, որը ներկայացնում ենք ամբողջութեամբ:

«Մերժել ատելութիւնը

Վերջին երեք օրերը ծանր հոգեկան փորձութիւն էին։ Մենք մինչեւ վերջ դեռ չենք գիտակցում, բայց մեր երկրում սկսւել է նորից արիւն թափւել։ Եւ գուցէ դեռ չենք հասկանում, որ սկզբից դա ողբերգութիւն է, բայց եթէ կանգ չառնենք, կը դառնայ առօրեայ իրականութիւն, եւ ինքներս էլ չենք զգայ, թէ ինչպէս սկսեցինք «սիրոյ եւ համերաշխութեամբ», իսկ աւարտեցինք «ատելութեամբ եւ արիւնահեղութեամբ», ու տանուլ տւեցինք մեր երկիրը։

Այսօր մենք դեռ կարող ենք կանգ առնել, մերժել մեզ խեղդող ատելութիւնը, գիտակցել, որ այն բումերանգի պէս վերադառնալու է իւրաքնաչիւրիս յետեւից, մտնելու է իւրաքանչիւրիս ընտանիք, դժբախտացնելու է իւրաքանչիւրիս։ Գիտակցել, որ այդ ատելութիւնը մեր մէջ վարպետօրէն սերմանւել է, որպէսզի մենք թողած առաջնայինը, տարւենք մեր ներսում անվերջ հաշիւներ մաքրելով, արդարադատութիւնը փոխարինենք վրէժխնդրութեամբ, պատասխանատւութիւնը՝ հաշւեյարդարով, եւ ի վերջոյ մսխենք մեր ողջ ուժն ու կորովը իրար դէմ անզիջում պայքարում։

Այսօր դեռ ուշ չի ապաւինել մեր մարդկային գթասրտութեանը եւ խելամտութեանը, ձեռք մեկնել իրար, ընդունել մեր բազմաթիւ սխալները, ներողամտութիւն հայցել իրարից, ու փորձել ներել իրար։ Այսօր դեռ մենք կարող ենք իւրաքանչիւրս մէկ քայլ յետ կանգնել, եւ չզոհաբերել մեր ապագան յանուն անցեալի համար վրէժ լուծելու ամենակուլ ցանկութեան։ Կարող ենք ընդունել այդ անցեալի համար մեր պատասխանատւութիւնը, եւ միասին փորձել գտնել դէպի ապագան տանող անկորուստ ճանապարհը»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։