Հա

Քաղաքական

31/03/2020 - 12:00

«Համաճարակի դէմ պայքարի անւան տակ իշխանութիւնը կարող է վերահսկել իւրաքանչիւրի գտնւելու վայրը». «Ազգային օրակարգ»

Փաստօրէն, ստացւում է, որ համաճարակի դէմ պայքարելու անւան տակ, իշխանութիւնը իրաւունք է ստանալու վերահսկել ԻՒՐԱՔԱՆՉԻՒՐ քաղաքացու գտնւելու վայրը: Այս մասին Facebook-ի իր էջում գրել է «Ազգային օրակարգ» կուսակցութեան համահիմնադիր Աւետիք Չալաբեանը:

«alikonline.ir» - Փաստօրէն, ստացւում է, որ համաճարակի դէմ պայքարելու անւան տակ, իշխանութիւնը իրաւունք է ստանալու վերահսկել ԻՒՐԱՔԱՆՉԻՒՐ քաղաքացու գտնւելու վայրը: Այս մասին Facebook-ի իր էջում գրել է «Ազգային օրակարգ» կուսակցութեան համահիմնադիր Աւետիք Չալաբեանը:

Նա, մասնաւորապէս, նշել է. «Մարտի 30-ին, ՀՀ Ազգային ժողովը «Իմ քայլը» խմբակցութեան ընդամենը 57 պատգամաւորների ձայներով, առաջին ընթերցմամբ ընդունեց Կառավարութեան ներկայացրած «ԱՐՏԱԿԱՐԳ ԴՐՈՒԹԸԱՆ ԻՐԱՒԱԿԱՆ ՌԵԺԻՄԻ ՄԱՍԻՆ» ՕՐԷՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» օրէնքի նախագիծը։ Խորհրդարանական ընդդիմութիւնը դէմ արտայայտւեց, եւ նոյնիսկ իշխանական պատգամաւորնեից շատերը խուսափեցին քւէարկութեանը մասնակցելուց, թերեւս հասկանալով, որ դա խարան է դառնալու իրենց ամբողջ կենսագրութեան վրայ։

Այս նախագծի հիմնական միտքը պարփակւած է ստորեւ՝

«Յօդւած 9.1. Անձնական տւեալների պաշտպանութեան, մասնաւոր եւ ընտանեկան կեանքի անձեռնմխելիութեան, հաղորդակցութեան ազատութեան եւ գաղտնիութեան իրաւունքի սահմանափակումները

1. Համաճարակի հետեւանքով առաջացած արտակարգ իրավիճակի հիմքով յայտարարւած արտակարգ դրութեան դէպքում հանրային էլեկտրոնային հաղորդակցութեան ցանցի օպերատորները արտակարգ դրութիւն յայտարարելու մասին Հայաստանի Հանրապետութեան կառավարութեան որոշմամբ նախատեսւած լինելու պարագայում պարտաւոր են այդ որոշմամբ սահմանւած ձեւով եւ կարգով ու այդ որոշմամբ նշւած. պետական մարմիններին եւ պետութեան կողմից հիմնադրւած իրաւաբանական անձանց (այսուհետ. տւեալներ մշակողներ) տրամադրել.

1) հանրային էլեկտրոնային հաղորդակցութեան ծառայութիւններ ստացող յաճախորդների կողմից օգտագործւող ծառայութեան վայրը պարզելու համար անհրաժեշտ տւեալներ (յաճախորդի տեղորոշում).

2) յաճախորդի հեռախօսահամարի հետ ուղիղ կամ անուղղակի (միջնորդաւորւած) կապ ունեցած հեռախօսահամարները, հեռախօսային խօսակցութիւնն սկսելու ամսաթիւը, սկիզբը եւ աւարտը պարզելու համար անհրաժեշտ տւեալներ, իսկ հեռախօսային զանգի վերահասցեագրման կամ փոխանցման դէպքում. այն հեռախօսահամարի վերաբերեալ տւեալներ, որին փոխանցւել է զանգը»:

Փաստօրէն, ստացւում է, որ համաճարակի դէմ պայքարելու անւան տակ, իշխանութիւնը իրաւունք է ստանալու վերահսկել ԻՒՐԱՔԱՆՉԻՒՐ քաղաքացու գտնւելու վայրը, նրա կատարած հեռախօսազանգերը, ժամանակը եւ նոյնիսկ տեւողութիւնը։ Ես գուցէ դեռ կը հասկանայի, եթէ խօսքը վերաբերւէր վարակակիրներին, կամ հարակադիր կարանտինի մէջ գտնւող անձանց, պարզելու նրանց շփումները, եւ դրա միջոցով արագ իդենտիֆիկացնելու հնարաւոր ռիսկային գօտում գտնւող մարդկանց (թէեւ հեռախօսի զանգով վիրուսը չի տարածւում), բայց երբ իշխանութիւնը փորձում է տոտալ վերահսկողութիւն հաստատել բացարձակ ԲՈԼՈՐԻ վրայ, իմ մօտ կասկածներ են առաջնանում, որ նպատակը լրիւ այլ է։

Աշխարհահռչակ գրող եւ հրապարակախօս Իւվալ Հարարին տառացիօրէն մի քանի օր առաջ մարգարեական յօդւած էր գրել, որում նա զգուշացնում էր, որ տարբեր աւտորիտար կառավարութիւններ փորձելու են օգտւել համաճարակից՝ խստացնելու իրենց վերահսկողութիւնը հասարակութեան վրայ, այն հիմնաւորմամբ, որ մարդիկ ընդունակ չեն ինքնուրոյն խելամիտ վարքագիծ դրսեւորել։ Իրական նպատակը սակայն նոյն այդ մարդկանց քաղաքականապէս կախեալ եւ վերահսկելի դարձնելն է՝ եթէ գիտեն ձեր բոլոր զանգերը, ձեր ամբողջ շփման շրջապատը, ձեր գտնւելու վայրը, էլ չեմ ասում ձեր խօսակցութիւնների բովանդակութիւնը, մեծ հաւանակութեամբ մի բան կը կարողանան գտնել, որով ձեզ կը գցեն իշխանութիւնից կախման մէջ, եւ այսուհետեւ կը ստիպեն հլու հնազանդ ենթարկւել նրա ցանկացած կամայականութիւններին։

Այսօր դեռ հնարաւոր է դա կանխել։ Օրէնքի նախագիծը դեռ պէտք է գնայ երկրորդ ընթերցման, եւ հնարաւորութիւն կայ փոփոխել այս անհեթեթ նորմերը, եւ կամ էլ պատգամաւորները կը գիտակցեն, որ քւէարկելով այս օրէնքնին, իրենք կը դառնան այն ամէնը, ինչի դէմ պայքարում էին դեռ երկու տարի առաջ, եւ ի վերջոյ յետ կը կանգնեն։ Մեզնից իւրաքանչիւրը, եթէ չի ցանկանում դառնալ տոտալ պետական վերահսկողութեան օբիեկտ, եւս կարող է այսօր բարձրացնել իր ձայնը, եւ դրանով յստակ ուղերձ յղել Ազգային ժողովին՝ յետ կանգնելու այս հերթական անհեթեթ քայլից։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։