Հա

Քաղաքական

01/04/2020 - 08:10

«Արտակարգ դրութեան օրերին 10 օրով երկարաձգւած սահմանափակումներն աւելի կը խստացւեն»․ Աւինեան

Հայաստանում նոր տիպի կորոնավիրուսի տարածումը կանխելու համար յայտարարւած արտակարգ դրութեան շրջանակներում սահմանափակումները 10 օրով երկարաձգելու ժամանակ կը փոխւի մարտավարութիւնը եւ սահմանափակումներն աւելի կը խստացւեն։

«alikonline.ir» - Հայաստանում նոր տիպի կորոնավիրուսի տարածումը կանխելու համար յայտարարւած արտակարգ դրութեան շրջանակներում սահմանափակումները 10 օրով երկարաձգելու ժամանակ կը փոխւի մարտավարութիւնը եւ սահմանափակումներն աւելի կը խստացւեն։ «Արմէնպրես»-ի հաղորմամբ՝ այս մասին մամուլի ասուլիսի ժամանակ ասել է ՀՀ փոխվարչապետ, արտակարգ դրութեան պարետ Տիգրան Աւինեանը։ 

«Եւս 10 օրով սահմանափակումների երկարաձգելը թոյլ կը տայ մեզ ամբողջապէս ծաւալել կանխարգելմանն ու մեկուսացմանն ուղղւած աշխատանքները, օգնել ՀՀ ԱՆ հիւանդութիւնների վերահսկման եւ կանխարգելման ազգային կենտրոնին էֆեկտիւօրէն յայտնաբերել այն անձանց, ովքեր շփումներ են ունեցել վարակակիրների հետ եւ մեկուսացնել նրանց։ Մեր նպատակն է այս տեխնոլոգիաները զարգացնելու հետ համատեղ՝ աւլեացնել թեստաւորման քանակները եւ այս գործընթացին համահունչ հնարաւորինս նւազեցնել սահմանափակումները։ Առաջիկայ 10 օրւայ ընթացքում հնարաւոր է, որ մարտավարութիւն փոխւի եւ սահմանափակումներն աւելի կը խստացւեն։ Ոստիկանութեան ուժերին միացւելու են այլ կառոյցներից տարբեր ուժեր, որպէսզի վերահսկողութեան արդիւնաւէտութիւնն աւելի բարձրանայ»,  նշեց Աւինեանը։ 

Նրա խօսքով՝ նոր տիպի կորոնավիրուսի տարածումը կանխելու համար Կառավարութեան կողմից տարւող բոլոր գործողութիւններն ունեն գիտական հենք։ Արտակարգ դրութեան պարետը նշեց, որ եթէ կառավարութիւնը նմանատիպ քայլեր չձեռնարկէր, սահմանափակումներ չմտցնէր, ապա մարտի 1-ից սկսած 75-80 օրւայ ընթացքում հանրապետութեան բնակչութեան մօտ 89 տոկոսը կը լինէր վարակւած, եւ միայն Երեւանում մենք կը լինէր 8200 ծանր հոսպիտալացւած դէպք։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։