Հա

Քաղաքական

05/05/2020 - 12:05

«Ապաշնորհ կառավարութեան վերջին 2 ամիսների գործունէութեան ընթացքում ունենալու ենք ոչ միայն աւերւած տնտեսութիւն, այլեւ, ինչպէս իրենք են ասում, 500 հազար հիւանդ եւ հազարաւոր մահեր». Հրանտ Մելիք-Շահնազարեան

Քաղաքագէտ Հրանտ Մելիք-Շահնազարեանը ֆէյսբուքեան իր էջում գրառում է կատարել՝ անդրադառնալով առողջապահութեան նախարար Արսէն Թորոսեանի երէկւայ յայտարարութեանը, որ եթէ կանոնները չպահպանւեն, կունենանք կորոնավիրուսով վարակւած 500 հազար քաղաքացի եւ հազարաւոր մահեր:

«alikonline.ir» - Քաղաքագէտ Հրանտ Մելիք-Շահնազարեանը ֆէյսբուքեան իր էջում գրառում է կատարել՝ անդրադառնալով առողջապահութեան նախարար Արսէն Թորոսեանի երէկւայ յայտարարութեանը, որ եթէ կանոնները չպահպանւեն, կունենանք կորոնավիրուսով վարակւած 500 հազար քաղաքացի եւ հազարաւոր մահեր:

Գրառումն ամբողջութեամբ ներկայացնում ենք ստորեւ.

«Առողջապահութեան նախարար Արսէն Թորոսեանն այսօր յայտարարել է, որ «եթէ կանոնները չպահպանենք, կունենանք վարակւած 500 հազար քաղաքացի՝ հազարաւոր մահերով»։ Սա ի՞նչ է։ Կանխատեսում, թէ՞ «հազարաւոր մահերի» մեղքը կանոններ չպահող ժողովրդի վրայ բարդելու փորձ։ Միթէ՞ նախարարն ու իր վարչապետը մտածում են, որ այսպէս կարող են փախչել պատասխանատւութիւնից։

Բայց չէ՞ որ պարզ հարցեր կան, որ չեն կարող չհնչել։ Օրինակ, ինչո՞ւ չէր կարելի յոյս դնել քաղաքացիների՝ «կանոնները պահելու» ունակութեան վրայ, երբ երկրում կար կորոնավիրուսով վարակւած ընդամենը մի քանի պացիենտ եւ կարելի է հիմա, երբ օրական այդպիսի հիւադների թիվն աճում է հարիւրով։ Ինչո՞ւ էր պէտք քաղաքացիներին 2 ամիս տանը պահել, երբ իրավիճակը վերահսկւում էր (եթէ, իհարկէ, հաւատանք կառավարութեանը) եւ ազատ թողնել հիմա, երբ իրավիճակը դուրս է վերահսկողութիւնից։ Պատասխանը, կարծում եմ, պարզ է։ Թէ՛ Թորոսեանի վերոնշեալ յայտարարութիւնը եւ թէ՛ կառավարութեան ու պարետատան որոշումը թուլացնել առկայ սահմանափակումները, ոչ այլ ինչ են, քան իրենց նախկին սխալների խոստովանութիւն ու ստեղծւած իրավիճակից «պլստալու» խղճուկ փորձ։

Ապաշնորհ այս կառավարութեան միայն վերջին երկու ամիսների գործունէութեան արդիւնքում, փաստօրէն, մենք ունենալու ենք ոչ միայն աւիրւած տնտեսութիւն, այլեւ վարակի շքերթ։ Կամ, ինչպէս իրենք են ասում, 500 հազար հիւանդ եւ հազարաւոր մահեր»։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։