Հա

Քաղաքական

30/05/2020 - 12:50

«Մայիսի 28-ին Ալիեւը յոխորտաց ոչ միայն Արցախը գրաւել, այլեւ՝ Երեւանը․ այս դիրքորոշո՞ւմը նկատի ուներ Փաշինեանը, երբ յայտարարում էր, որ Ալիեւը կառուցողական է»․ Անդրանիկ Թեւանեան

«Պոլիտէկոնոմիա» հետազօտական ինստիտուտի ղեկավար Անդրանիկ Թեւանեանը ֆէյսբուքեան իր էջում գրառում է կատարել՝ անդրադառնալով հայ-ադրբեջանական յարաբերութիւններին։ Նա մասնաւորապէս նշել է, որ մայիսի 28-ին արած յայտարարութեան մէջ Ադրբեջանի նախագահ Ալիեւը յոխորտաց ոչ միայն Արցախը գրաւել, այլ նաեւ Երեւանը։ Թեւանեանի գրառումը՝ ստորեւ․

«alikonline.ir» - «Պոլիտէկոնոմիա» հետազօտական ինստիտուտի ղեկավար Անդրանիկ Թեւանեանը ֆէյսբուքեան իր էջում գրառում է կատարել՝ անդրադառնալով հայ-ադրբեջանական յարաբերութիւններին։ Նա մասնաւորապէս նշել է, որ մայիսի 28-ին արած յայտարարութեան մէջ Ադրբեջանի նախագահ Ալիեւը յոխորտաց ոչ միայն Արցախը գրաւել, այլ նաեւ Երեւանը։ Թեւանեանի գրառումը՝ ստորեւ․

«Ալիեւը Փաշինեանին ներկայացրեց իր «կառուցողականութիւնը» եւ Ադրբեջանի ժողովրդի բաւարարման գինը

Նիկոլ Փաշինեանն Արցախի թեմայով մի շարք յայտարարութիւններ է արել։ Նա ասել է, որ հակամարտութեան լուծումը պէտք է բաւարարի Հայաստանի, Արցախի ու Ադրբեջանի ժողովուրդներին։

Փաշինեանի կինը պարբերաբար հանդէս է գալիս խաղաղասիրական նախաձեռնութիւններով (իշխող զոյգն իր խաղաղասիրութեամբ ու նախաձեռնողականութեամբ յիշեցնում է Միխայիլ Գորբաչովին ու Ռաիսա Մաքսիմովնային․ յուսանք, որ ՀՀ-ն ու Արցախը ԽՍՀՄ ճակատագրին չեն արժանանայ)։

Փաշինեանը մշտապէս ընդգծւած դրական է արտայայտւում Ալիեւի մասին ու նշում, որ իր կարծիքով Ադրբեջանի ղեկավարը կառուցողական է տրամադրված եւ հակւած է խնդրի լուծմանը։

Յիշեցնեմ նաեւ, որ Փաշինեանն, ըստ էութեան, հաստատել է, որ բանակցութիւններն ընթանում են տխրահռչակ փուլային տարբերակով։ Դա նշանակում է տարածքների վերադարձ՝ խոստման դիմաց։ Այլ կերպ ասած՝ հայկական կողմի կապիտուլեացիա։

Այս ամէնի ֆոնին Ալիեւը մայիսի 28-ին հերթական անգամ ցոյց տւեց իր «կառուցողականութիւնը» եւ ասաց, թէ ինչը կը բաւարարի ադրբեջանցիներին։ Ադրբեջանի ժողովրդի ընտրւած ներկայացուցիչ Ալիեւը յոխորտաց ոչ միայն Արցախը գրաւել, այլ նաեւ Երեւանը։

Նա յայտարարել է, որ 100 տարի առաջ ադրբեջանցիները սխալւել են՝ Երեւանը թողնելով հայերին եւ այդ սխալը պէտք է ուղղւի։

Ալիեւի այս դիրքորոշո՞ւմը նկատի ունէր Փաշինեանը, երբ յայտարարում էր, որ Ալիեւը կառուցողական է, եւ որ հակամարտութեան լուծումը պէտք է բաւարարի նաեւ Ադրբեջանի ժողովրդին»։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։