Հա

Քաղաքական

02/06/2020 - 13:15

«Կը լինեն հանրային որոշակի իրադարձութիւններ, փողոցը կը միանայ այս գործընթացին եւ հնարաւոր կը լինի այս կառավարութեանն ուղարկել հանգստի եւ հետագայ պատասխանատւութեան». Քաղաքագէտ

Խորհրդարանն այսօր առաջին ընթերցմամբ ընդունեց «Հանրաքւէի մասին սահմանադրական օրէնքում փոփոխութիւններ եւ լրացումներ կատարելու մասին» օրէնսդրական փաթեթը, իշխանական ֆրակցիայի մեկնաբանմամբ՝ Սահմանադրութեան փոփոխութիւնների հանրաքւէն չեղարկելու հնարաւորութիւն տւող նախագիծը։

«alikonline.ir» - Խորհրդարանն այսօր առաջին ընթերցմամբ ընդունեց «Հանրաքւէի մասին սահմանադրական օրէնքում փոփոխութիւններ եւ լրացումներ կատարելու մասին» օրէնսդրական փաթեթը, իշխանական ֆրակցիայի մեկնաբանմամբ՝ Սահմանադրութեան փոփոխութիւնների հանրաքւէն չեղարկելու հնարաւորութիւն տւող նախագիծը։

Յիշեցնենք՝ մայիսի 16-ին հեռավար ասուլիսի ժամանակ վարչապետ Նիկոլ Փաշինեանը յայտարարել էր, թէ Հայաստանի իշխանութիւնները Սահմանադրական դատարանի շուրջ ստեղծւած ճգնաժամն առանց հանրաքւէի լուծման տարբերակներ են փնտրում: Այդ նպատակով դիմել են նաեւ Վենետիկի յանձնաժողով:

Թէեւ իշխանութիւնները հանրաքւէն չեղարկելու որոշումը պայմանաւորում են կորոնավիրուսի համավարակով, այդուհանդերձ քաղաքական տարբեր շրջանակներում սա համարում են նւազող վարկանիշի ուղղակի ցուցիչ եւ կանխատեսելի:

Քաղաքագէտ Ստեփան Դանիէլեանի կարծիքով՝ այդ որոշումը ոչ միայն կանխատեսելի էր, այլեւ տրամաբանական: Գրում է 168.am-ը:

«Բնականաբար, գործող կառավարութեան հեղինակութիւնն իջնում է եւ իջնում է արագօրէն. հանրաքւէի անցկացման դէպքում իրենք ակնյայտօրէն այդքան «Այո»-ի ձայն չէին կարող հաւաքել»,- նշեց քաղաքագէտը:

Նրա կարծիքով՝ հանրութեան մի զգալի հատւածի համար հասկանալի չէին այդ հանրաքւէի նպատակները.

«Ընդհանրապէս, անհասկանալի է՝ ինչ Սահմանադրակական ճգնաժամի մասին է խօսքը, կամ՝ մի քանի հոգու աշխատանքից հանելն ի՞նչ փոփոխութիւն կարող է մտցնել, առաւել եւս՝ հասկանալի չէ, թէ ընդհանրապէս Սահմանադրական դատարանն ինչո՞վ է խոչընդոտում իրենց աշխատանքին. որեւէ հիմնաւորում տրւած չէ:

Եւ այս պարագայում իրենք պէտք է, բնականաբար, քայլեր անէին հանրաքւէն չեղարկելու համար, որովհետեւ եթէ հանրաքւէով իրենք ստանում են «Ոչ», նշանակում է՝ կառավարութիւնը պէտք է հրաժարական տայ, որովհետեւ իրենք յայտարարել են ինչ-որ ռեֆորմներ, որոնք պէտք է անեն, պարզ չէ՝ ինչ ռեֆորմներ, բայց իրենք ասում են՝ ունեն դա, եւ Սահմանադրական դատարանը խոչընդոտում է, եթէ հանրաքւէով բաւարար «այո» չի լինում, բնականաբար, իրենք իրենց այդ ենթադրեալ ռեֆորմները չեն կարող անել, եւ կառավարութիւնը պէտք է հրաժարական տայ: Միւս կողմից՝ բնականաբար, սա արդէն նշանակում է, որ վստահութեան քւէ չունեն»:

Հարցին, թէ սոցիալ-տնտեսական ստեղծւած իրավիճակում, երբ բարձրաձայնւում է հասարակական դժգոհութիւնների ու իշխանութիւնների անկում ապրող վարկանիշի մասին, հնարաւո՞ր է՝ լինի Կառավարութեան հրաժարականը, Ստեփան Դանիէլեանը պատասխանեց.

«Խօսքը պէտք է լինի ոչ միայն կառավարութեան, այլեւ Ազգային ժողովի մասին, որովհետեւ տեսնում ենք՝ Ազգային ժողովը չի կարող ռէալ դեբատներ կազմակերպել, պատգամաւորներն ինքնուրոյն չեն, քաղաքականապէս հասուն չէ մեծ մասը:

Մենք տեսնում ենք քաղաքական առումով հիմնականում անլուրջ մարդիկ, որոնք միայն մանդատներ են բարձրացնում. Խօսքն «Իմ քայլը» ֆրակցիայի մասին է:

Բնականաբար, սա արդէն ինտելեկտուալ ճգնաժամ է նշանակում երկրում. կառավարութիւնը պէտք է հրաժարական տայ, Ազգային ժողովն էլ պէտք է լուծարւի:

Հիմա՝ ինչ հերթականութեամբ, երբ, որքանով է երկիրը պատրաստ դրան, որքանով են քաղաքական ուժերը պատրաստ՝ դա այլ քննարկում է, եւ պէտք է հրապարակային առումով այդ բոլոր հարցերը քննարկւեն»:

Նոր կուսակցութիւնների ստեղծումն ի՞նչ փոփոխութիւններ կը բերի քաղաքական դաշտում, յատկապէս ԱԱԾ նախկին պետ Արթուր Վանեցեանի ստեղծած կուսակցութիւնն ի՞նչ դերակատարում կունենայ՝ հարցին ի պատասխան՝ քաղաքագէտն ասաց, որ չի ցանկանում գնահատական տալ որեւէ քաղաքական ուժի:

Սակայն համոզւած է՝ քաղաքական դեբատները դեռեւս այնքան լուրջ եւ սթափ չեն, որ համապատասխանեն երկրում ստեղծւած իրավիճակին. «Մեզ միանշանակ ժամանակաւոր նոր կառավարութիւն է պէտք, որից յետոյ արդէն, եթէ խորհրդարանական ընտրութիւններ լինեն, մենք կը տեսնենք, որ այդ խորհրդարանում արդէն աւելի շատ ֆրակցիաներ կը լինեն եւ խորհրդարանի քաղաքական կառուցւածքը կը համապատասխանի երկրի քաղաքական իրավիճակին:

Այդ ժամանակ խորհրդարանը լուրջ քաղաքական մարմնի վերածւելու շանս ունի:

Բնականաբար, այդ խորհրդարանում տարբեր ուժեր կարող են ներկայացւել, ծրագրերի շուրջ կը լինեն ռէալ քննարկումներ, նշանակումների շուրջ կը լինեն քննարկումներ, յոյս ունեմ՝ որոշակի կարեւոր յօդւածներ Սահմանադրութեան մէջ կը փոխւեն, քաղաքական նորմալ կեանք կը լինի երկրում եւ այս ատելութեան մթնոլորտն ինչ-որ առումով կը մեղմւի»:

Ստեփան Դանիէլեանի կարծիքով՝ իր պատկերացրած ժամանակաւոր կառավարութիւնը պէտք է լինի համաձայնութեան կառավարութիւն, որը կոնկրետ մի քանի խնդիրներ պէտք է իր առաջ դնի, որոնք լուծելուց յետոյ՝ հրաժարական տայ.

«Այդ խնդիրներից մէկը հանրային հանդուրժողականութեան մթնոլորտ ստեղծելն է, երկրորդը՝ պայմաններ ստեղծել՝ վստահելի, արդար ընտրութիւնների համար (այսինքն՝ այդ կառավարութիւնը պէտք է ընդունելի լինի բոլոր կողմերի համար եւ մինիմալ քաղաքականացւած լինի. Եթէ ինչ-որ կուսակցական ուղղւածութեան կառավարութիւն լինի, ապագայ ընտրութիւնների ժամանակ դրա հանդէպ վստահութիւն չի լինի)»:

Հարցին՝ որքանո՞վ է հաւանական այդ սցենարը, քաղաքագէտը պատասխանեց.

«Ինձ թւում է, եթէ այս վարակի հետ կապւած վիճակը մեղմւի, կը լինեն հանրային որոշակի իրադարձութիւններ, փողոցը կը միանայ այս գործընթացին, եւ ճիշտ տեխնոլոգիաներ օգտագործելու դէպքում՝ հնարաւոր կը լինի այս կառավարութեանն ուղարկել հանգստի եւ հետագայ պատասխանատւութեան»:

 

Զարուհի Դիլանեան

Յարակից լուրեր

  • «Ատոմակայանը հնարաւոր է այլեւս չաշխատի՞». «Հրապարակ»
    «Ատոմակայանը հնարաւոր է այլեւս չաշխատի՞». «Հրապարակ»

    «Ռուսաստան-Հայաստան յարաբերութիւնների, ատոմակայանի շուրջ տեղի ունեցող զարգացումների, ռուսական վարկի երկրորդ մասի մերժման ֆոնին հայաստանեան իշխանութիւններն անչափ «զգայուն» են դարձել ատոմակայանին վերաբերող հարցադրումների նկատմամբ:

  • «Հանգստեան օրերին իշխանութեան ներսում բաւականին լուրջ «ռազբորկաներ» են ընթացել». «Փաստ»
    «Հանգստեան օրերին իշխանութեան ներսում բաւականին լուրջ «ռազբորկաներ» են ընթացել». «Փաստ»

    «Փաստ» թերթը գրում է. «Հակառուսական տրամադրութիւնների ակտիւացման փաստն այլեւս նոյնիսկ թաքցնել չի յաջողւում: Փորձագէտները քանիցս նշել են, որ դա արւում է իշխանութեան մէջ տեղաւորւած, ինչպէս նաեւ իշխանամերձ արեւմտամէտ յայտնի շրջանակների նախաձեռնութեամբ ու վերահսկմամբ։ 

  • Համահայկական տեսլականի տագնապը
    Համահայկական տեսլականի տագնապը

    Հայաստանի վերանկախացումէն ի վեր բազմիցս հրապարակ իջած է Հայաստան-Սփիւռք կապերու բարելաւման եւ համակարգման խնդիրը։ Տակաւին Հայաստան պաշտօնապէս չէր անկախացած՝ 1991-ի ամռան, երբ Վազգէն Մանուկեանի կառավարութեան նախաձեռնութեամբ կայացաւ հայ գործարարներու առաջին համագումարը։ Սկզբնական խանդավառութիւնը, շատ վառ երազներով, պիտի յանգէր սահմանափակ տարողութեամբ մի քանի իրագործումներու։

  • Այս իշխանութիւնը մի ոտքով արդէն անցեալում է, նրանք ձախողել են այն ամէնը, ինչ հնարաւոր է
    Այս իշխանութիւնը մի ոտքով արդէն անցեալում է, նրանք ձախողել են այն ամէնը, ինչ հնարաւոր է

    Իշխանութիւնն իր հիմնական շեշտադրումը կատարում է ոչ թէ իր արածի կամ անելիքների, այլ նախորդ շրջանի իրական կամ մտացածին ձախողումների վրայ, եւ այդ համեմատութեան մէջ փորձում է ցոյց տալ թէ՛ իր ձեռքբերումները, թէ՛ սեփական տապալումների պատճառը: «Արմնիւզ» ՀԸ «#ՕրաԽնդիր» հաղորդմանը նման կարծիք է յայտնել ՀՅԴ Բիւրոյի անդամ Սպարտակ Սէյրանեանը:

  • Անդրադարձ. Զգուշաւորութիւն եւ անվճռականութիւն
    Անդրադարձ. Զգուշաւորութիւն եւ անվճռականութիւն

    Ժողովրդավարական վարչակարգի տէր պետութեան մը մէջ գոյութիւն ունին մտածողութեան եւ մանաւանդ գործունէութեան անշրջանցելի արժեհամակարգ ու մշակոյթ, որոնք կը բացառեն կամայականութիւնը: Այդ արժեհամակարգէն ու մշակոյթէն որեւէ շեղում, կամայական որեւէ քայլ առնել կը նշանակէ մուտք գործել Լութովիկոս ԺԴ.-ի «Ես եմ պետութիւնը» մտածելակերպի աշխարհ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։